التطعيمات اللازمة للسفر لاثيوببا

[Imhotep]

حد حبيبى مسافر اثيوببا شغل و طبعا مفيش معلومات محددة كالعادة فى موضوع التطعيمات
راح خد تطعيم الحمى الصفراء و الالتهاب السحائى اللى بيقولوا انهم اهم حاجة و بيشترطهم الحجر الصحى هنا
و باقى له الملاريا و الكوليرا و الالتهاب الكبدى اللى بيقولوا انهم بيسخنوا الجسم و يخلوا الدراع يخشب
كتر الفتى اللى منه ان تطعيم الملاريا فى مصر مش هيفيده فى اثيوبيا و لازم ياخد تطعيم ملاريا اثيوببا
حد عنده معلومات عن الموضوع ده و اهمية باقى التطعيمات و فايدتها الفعلية و لا هى مجرد احتياطات بس
و تحية خاصة للاخ باسم يوسف رائد الاستكشافات الافريقية فى القسم هنا :-)

[mastr_n]

بص انا سافرت اثيوبيا فعلا يعنى من غير فتى اقدر اقولك خلى صاحبك دة هايعدى على الحجر الصحى قبل مايسافر فى المطار نفسة هايدولوا التطعيمات المطلوبة
ولو عايز يطمن اكتر يروح المصل واللقاح يسال هناك

وعموما ماتقلقش البلد مافيهاش امراض جامدة زى الدول اللى فى الجنوب

[Imhotep]

بص انا سافرت اثيوبيا فعلا يعنى من غير فتى اقدر اقولك خلى صاحبك دة هايعدى على الحجر الصحى قبل مايسافر فى المطار نفسة هايدولوا التطعيمات المطلوبة
ولو عايز يطمن اكتر يروح المصل واللقاح يسال هناك

وعموما ماتقلقش البلد مافيهاش امراض جامدة زى الدول اللى فى الجنوب

الف شكر يا غالى الله يطمنك
ما هو راح فعلا خد التطعيمين بتوع الحمى الصفرا و الالتهاب السحائي فى الحجر الصحى نفسه
لكن قالوله الباقى فى فاكسيرا
و الحمد لله ان الدنيا هناك مش ضلمة اوى زى ما بنتخيل

[volociximab]

فيه نوعية بنت كلب من الملاريا اسمها falciparum malaria
لازم ياخد تطعيمها و هو مش تطعيم هو دوا
و مش اى دوا للملاريا
و بالتالى ممكن مش تلاقيه فى الفكسيرا
اكيد فيه جهه صحية عارفة البلاوى الى هناك ايه
بس طبعا متعتمدش على النظام الصحى المصرى
لو تفتكر بعثة مصر فى دورة الالعاب الافريقية فى نيجيريا جالها ملاريا و ناس ماتت منهم بطل افريفيا فى الشطرنج لانهم مأخدوش دوا الملاريا المناسب للوقاية فجاتلهم النوعية الخطيرة دى malaria falciparum

[volociximab]

التطعيمات و الادويةاللازمة للمسافر من امريكا الى اثيوبيا
Health Information for Travelers to Ethiopia - Traveler view | Travelers' Health | CDC

[Imhotep]

فيه نوعية بنت كلب من الملاريا اسمها falciparum malaria
لازم ياخد تطعيمها و هو مش تطعيم هو دوا
و مش اى دوا للملاريا
و بالتالى ممكن مش تلاقيه فى الفكسيرا
اكيد فيه جهه صحية عارفة البلاوى الى هناك ايه
بس طبعا متعتمدش على النظام الصحى المصرى
لو تفتكر بعثة مصر فى دورة الالعاب الافريقية فى نيجيريا جالها ملاريا و ناس ماتت منهم بطل افريفيا فى الشطرنج لانهم مأخدوش دوا الملاريا المناسب للوقاية فجاتلهم النوعية الخطيرة دى malaria falciparum

التطعيمات و الادويةاللازمة للمسافر من امريكا الى اثيوبيا
health information for travelers to ethiopia - traveler view | travelers' health | cdc

الف شكر يا غالى على تعبك
هحاول اخليه ينخور اكتر ورا موضوع الملاريا ده
انا لما شوفت لينك المسافر من امريكا لمصر ده قلت الامريكان طبعا محسوكين بزيادة
لكن لما رجعت قرأت ردودك تانى على موضوع الملاريا حسيت انه شكله مش هين و فيه درجة خطورة
ربنا يستر

[volociximab]

الموقع بيقول ان الملاريا موجودة فى المناطق على ارتفاع اقل من 2500 متر و 70% من نوعية plasmodium falciparum
فيا ريت حضرتك تأكد عليه ياخد الدوا بتاعها و هو ادوية بتتاخد من قبل السفر بيوم و حتى شهر بعد الرجوع من السفر ان شاء الله
CDC - Malaria - Travelers - Malaria Information and Prophylaxis, by Country

[Bassem Youssef]

أهم الأمراض : الملاريا ــ الكوليرا ــ الحمى الصفراءالالتهاب الحمي الشوكية
التطعيمات الواجب أخذها : شرط لدخول البلاد التطعيم ضد الحمي الصفراء .
بالاضافة ان اثيوبيا تتسم بالارتفاع الشديد مما يؤثر على القلب وضغط الدم .

جمهورية مصر العربية – وزارة الخارجية -

[Bassem Youssef]

ياريت توصي صاحبك علي جركنين ميه سقعانين :d

[Imhotep]

جمهورية مصر العربية – وزارة الخارجية -

ياريت توصي صاحبك علي جركنين ميه سقعانين :d

ايوه بقى انا كنت مستنيك تدلى بدلوك فى الموضوع. . . مش جركن و بس :-)

[أحمد كمال]

ارخص نوع الدوكسيسايكلين بس ما ينفعش يتاخد مع منتجات البان

ممكن يبتديه دلوقتي و يوقفه من 4 ل 6 اسابيع بعد العودة ...... حباية كل يوم في نفس الميعاد

[ahmed_eng2001]

اغلب دول افريقيا ... لازم تاخد تطعيم الحمى الصفراء ... و دى بياخد بها شهادة لونها اصفر مختومة .... من احد مكاتب وزارة الصحة .. و دى صالحة لمدة 10 سنوات ... فيه مكتب فى مجمع الخدمات الحكومية فى الجيزة

فى المصل و اللقاح موجود عندهم جدول فيه التطعيمات لكل دولة

الملاريا ملهاش تطعيم وقائى ... الملاريا لها دواء بيتاخد قبل السفر و فى اثناء السفر و يمتد لبعد الرجوع ... و الدواء ده لتقليل اعراض الملاريا ... يعنى مش بيمنع الاصابة بالملاريا

من ادوية الملاريا ... الكسوكين .. و ده مصرى و رخيص ... و انا غير معترف بيه على الاطلاق .. و مع ذلك انا باخده
و فيه ماليرون .. و ده مستورد و غالى شوية... و ممكن تلاقيه فى العزبى ... و فيه دواء كمان بس مش فاكر اسمه
و من الاعراض الجانبية لآدوية الملاريا ... كوابيس اثناء النوم و الميل للاكتئاب

بقية الامراض ... زى التيفود و الكوليرا و الحمى الشوكية و فيرس التهاب الكبدى a b .. دى ليها تطعيمات و جرعات فى المصل و اللقاح و بتتاخد على فترات متفاوتة
فى المطارات بيكشفوا فقط على شهادة الحمى الصفراء .... و فى الايام الاخيرة .. بيكشفوا على درجة حرارة الجسم علشان الايبولا

[volociximab]

ماليرون و دوكساسيكلين قبل السفر بيوم و اثناء السفر و حتى الرجوع يتم استمرار الماليرون لمدة اسبوع و الدوكساسيكلين لمدة شهر
الدكساسيكلين اسمه فى السوق فيبراميسن ده الاصلى بتاع فايزر
لا تثق فى اى ادوية مصرية خارج توصيات المنظمات الطبية الدولية
لمزيد من الاطمئنان ممكن حضرتك تراجع استشارى امراض متوطنة..حميات