تخيلوا معايا كده لو كان برنامج باسم يوسف لسه شغال

[Bassem Youssef]

كنا هنلاقي حفلات و قصف جبهات و ضحك للركب

و الله كان الحاجه الوحيده اللي بتهون الايام اللي بنمر بيها

يالا الحمد لله

[Imhotep]

هو انت عشان اسمك باسم يوسف يعنى :-)
انا شخصيا مفتقده جدا و شايف انه استسهل و اعتزل بدرى بدرى. . . و ده اللى يأكد انه كان واخدها سبوبة. . . و اللى يأكد كده اكتر و اكتر هو انك تعرف هو بيعمل ايه حاليا. . . انا شفته مرة على السى ان ان سألوه بتعمل ايه حاليا قالهم بعمل ورش عمل فى جامعة هارفرد عن كيفية عمل برنامج زى البرنامج بتاعه. . . يعنى الباشا عملهم و راح قعد فى امريكا يدرس مش طب و وجع قلب و هو تخصصه الاصلى لأ. . . يدرس كيفية عمل برنامج هلس زى البرنامج بتاعه. . . بس الحق يقال الهلس بتاعه كان فعلا فارق مع الناس و بيفرج عنهم و انا بالتأكيد واحد منهم

[accord]

حتة دلدول فقرته انتهت واترمى في الزبالة
صدق اللي سماه اراجوز

[أبو آسر]

سفيه نفذ التعليمات وخلع بعد ما مبقاش ليه لازمة
أهم حاجة ان مرسي كان ديكتاتور وبيكمم الأفواه :)

[ibrahim sallam]

فيه ناس لما تشوفها قلبك ينقبض هذا الشخص كان احد هؤلاء

[mmolazem]

بالعكس مكانش هيزود حاجه عن المهزله اللايف الموجوده
هى بتضحك منها فيها بدون ألش إضافى :)

[eslamrace]

بص احنا محتاجين جرعه سخريه فى كل وقت ولذلك "بالرغم اختلافى معاه احيانا كتير" بس مفتقده للغايه خاصه ان اغلب اللى قلده معرفش يعملها بمعلمه زيه وغالبا بتطلع سخريته سخيفه

وبرضه مش فاهم سبب اختفائه لانه حتى لو كان ايقاف برنامجه بسبب قوى عليا وباوامر نافذه فهو عايش بره حاليا وكلنا حبناه وعرفناه من اليوتيوب مش التلفزيون فلو هو كان عايز يرجع كان على الاقل رجع كما كان وكانت مشاهداته حتكتر "بالطبع" لان دايما الممنوع مرغوب وبالتالى انا حاسس انه تعب من الانتقاد لانه زى مكان بيتنقد من انصار س حينتقد من انصار ص ومن بعده ع وهكذا لان هو اتعامل مع مجتمع مبيعرفش يحكم على اى حاجه دايما شايف الامور يا بنظاره معظمه او مقعره "على رأي جلال عامر الله يرحمه " وبالتالى محدش عنده استعداد يعترف باخطاءه ويحترم اراء الاخرين ولك دليل فى موضوع فى طريقه للوقف حاليا على صفحات المنتدى حتلاقى كل واحد معندوش استعداد حد يختلف معاه ولو وصلت للاهانه الشخصيه بالرغم ان من سنتين بالعدد كانت الكراسي مختلفه والردود واحده بس مع تغيير اسامى الاعضاء على ردودهم وعلشان كده غالبا هو قالك فكك مش مستاهله وجع قلب كفايه الشهره اللى عاملها
واعتقد انه فى يوم ما لما يحس ان الناس بدأت تنساه حيرجع بشكل ما وانا شخصيا فى انتظار اليوم ده واتمنى يكون عن قريب لانه حتى لو مختلف فى وجهه نظره معايا على الاقل كان مبدع فى شغله وان كان بيتحول احيانا معاه لاسفاف بس الابداع فى حد ذاته يحترم .

تحياتى .

[eslamrace]

مكرر

[أبو آسر]

بص احنا محتاجين جرعه سخريه فى كل وقت ولذلك "بالرغم اختلافى معاه احيانا كتير" بس مفتقده للغايه خاصه ان اغلب اللى قلده معرفش يعملها بمعلمه زيه وغالبا بتطلع سخريته سخيفه

وبرضه مش فاهم سبب اختفائه لانه حتى لو كان ايقاف برنامجه بسبب قوى عليا وباوامر نافذه فهو عايش بره حاليا وكلنا حبناه وعرفناه من اليوتيوب مش التلفزيون فلو هو كان عايز يرجع كان على الاقل رجع كما كان وكانت مشاهداته حتكتر "بالطبع" لان دايما الممنوع مرغوب وبالتالى انا حاسس انه تعب من الانتقاد لانه زى مكان بيتنقد من انصار س حينتقد من انصار ص ومن بعده ع وهكذا لان هو اتعامل مع مجتمع مبيعرفش يحكم على اى حاجه دايما شايف الامور يا بنظاره معظمه او مقعره "على رأي جلال عامر الله يرحمه " وبالتالى محدش عنده استعداد يعترف باخطاءه ويحترم اراء الاخرين ولك دليل فى موضوع فى طريقه للوقف حاليا على صفحات المنتدى حتلاقى كل واحد معندوش استعداد حد يختلف معاه ولو وصلت للاهانه الشخصيه بالرغم ان من سنتين بالعدد كانت الكراسي مختلفه والردود واحده بس مع تغيير اسامى الاعضاء على ردودهم وعلشان كده غالبا هو قالك فكك مش مستاهله وجع قلب كفايه الشهره اللى عاملها
واعتقد انه فى يوم ما لما يحس ان الناس بدأت تنساه حيرجع بشكل ما وانا شخصيا فى انتظار اليوم ده واتمنى يكون عن قريب لانه حتى لو مختلف فى وجهه نظره معايا على الاقل كان مبدع فى شغله وان كان بيتحول احيانا معاه لاسفاف بس الابداع فى حد ذاته يحترم .

تحياتى .

بالضبط كده
هو تعب من الانتقاد وأصبح عنده حالة ملل وزهق فبيريح شوية ياخد شاور وبعدين هيرجع تاني
بس لو حضرتك ناوي تنتظره لما يرجع هو ممكن يطول شوية
يعني بتاع 30 سنة ولا حاجة ولما تقوم ثورة تاني ضد العسكر وييجي رئيس مدني منتخب هيرجع تاني متقلقش
ربنا يدينا ويديك طول العمر بقى

[ayaamna]

بنى ادم ما عندوش مبادئ لان لو عنده مبادئ كان استمر باى طريقه والطرق كتير
ابسطها اليوتيوب زى ما بدء
لكن هو مش محترم مع الناس المحترمه
ومحترم مع الناس اللى مش محترمه

[eslamrace]

بالضبط كده
هو تعب من الانتقاد وأصبح عنده حالة ملل وزهق فبيريح شوية ياخد شاور وبعدين هيرجع تاني
بس لو حضرتك ناوي تنتظره لما يرجع هو ممكن يطول شوية
يعني بتاع 30 سنة ولا حاجة ولما تقوم ثورة تاني ضد العسكر وييجي رئيس مدني منتخب هيرجع تاني متقلقش
ربنا يدينا ويديك طول العمر بقى :e_braces[1]:

حضرتك اكيد مأخدتش بالك من مشاركتى كلها انا شايف "وهى وجهه نظرى الشخصيه" ان برنامجه اوقف لسبب ما وانا بقول حتى لو باوامر عليا عنده نافذه يقدر يرجع منها وهى السوشيال ميديا"كما بدأ " ومحدش له عنده حاجه ولا حتى يقدر يقمعه لانه بره البلد وقال انه مش حيرجع خوفا من الترصد له وبالتالى مش لاقى تفسير لعدم عودته بطريقه او باخرى غير انه زهق وده حقه "وممكن يكون استنتاجى غلط" ولكنه الاستنتاج المنطقى اللى جه على دماغى .

واخى العزيز لى رجاء مش كل موضوع لازم يتحول لسياسه ممكن نتكلم بشكل موضوعى ونطرح اراءنا المختلفه لان لو كل موضوع حيتم تحويله بسبب مشاركه فيها تهكم سياسي فحنخللى المنتدى فاضي الا من الموضوعات السيئه .

ملحوظه :انا مش حعتبر تهكم حضرتك على كلامى وحعتبره تهكم عام على الموضوع لانى بجد بقدر كل الاشخاص فى المنتدى واكيد بقدر حضرتك وانا من الناس اللى مش مؤيده النظام الحالى بشكل مطلق وشايف عيوب كتير زى مكنت شايف عيوب كتير فى النظم السابقه وبرضه من الناس المتفاءله اللى بتطمح ان البلد ممكن تتغير بدون مزايدات وشايف ان البلد كانت من افضل البلاد ايام الملكيه القمعيه وبالتالى برضه ممكن نبقى احسن
وده للتوضيح فقط.

تحياتى لحضرتك واتمنى بلاش نقلب الموضوع لسياسه لانى حنسحب منه احتراما لموضوع صديقنا الاساسي علشان ميتحولش عن هدفه .

[volociximab]

هجومة على الدعاه و استغلال اى هفوه منهم جرأ بعض الشباب على الدين
هو غير منصف و انا كنت متابعه من ايام حلقات اليوتيوب و حتى حلقة البنت الى اسلمت فى امبابه
كونه مضحك فأى اراجوز ممكن يضحكنا شوية لكن التفاف الناس حوله و شعبيته جعله اداه مهمة لهز الدين فى نفوس الناس
صحيح الشيخ مش هو الدين
و الشيخ مش معصوم
بس فى زمن الجهل بيكون امام الناس الشيخ مثال للتدين و له هيبة خاصة بحكم علمه او مجال عمله
كونى اعمله مسخرة و مادة للاستهزاء فهذا يهز صورة الدين فى انفس العامة
و لو كان المشايخ دول مسخرة -ما محاضراتهم ماليه النت افتحها و اضحك من قلبك عليهم مباشرة بدل ما تسمع من غيرهم عنهم
خد المسخرة من منبعها
فان لم يكونوا كذلك اذن باسم كان يتصيد لهم ما يجعلهم به مسخرة و انت تتفرج علي سخريته منهم لتضحك عليهم حتى لو لم يكونوا يستحقون ذلك
باسم او غيره لن يأتى بالقران ليمزقه امام الكاميرات بل سيمزقه بتمزيق قراء القران فى وقت كانت كل طوائف الشعب تقريبا بتهلس و كان ممكن يعمل عليها اضعاف ما عمله مع الدعاه
و اهتمام الاعلام العالمى و ستيوارت به ليس من فراغ-و الاعلام بيكبر الى عاوز يكبره و يصغر الى عاوز يصغره
كان ممكن باسم يعيش و يموت و يفضل يعمل حلقات على اليوتيوب زى كتير غيره و جمهورة يظل محصورا فى كام الف واحد بيشوف فيديوهاته-فالاهتمام به لم يكن من فراغ
بتوع التوك شو مكروهين و غير مستساغين للجمهور حتى لو الناس بتتفرج عليهم لكن باسم قدر يكسب شعبية و بالتالى هيوصل الفكرة المطلوبه الى العقل الباطن للمتلقى
و باسم راجع
بس فى الوقت المناسب
لو مش راجع لانه اتحرق-بمجرد حاجتهم لباسم جديد هيعملوه و يرفعوه للسما و هيدخل فى نفوس و قلوب نفس جمهور باسم القديم
اذكر تاريخيا ان السلطان العثمانى سليم الثالث و الذى كانت مصر محافظة فى دولته تم قتله بسبب احد الفقهاء---السلطان الذى تولى بعد سليم الثالث اعدم من تسببوا فى قتله الا هذا العالم تقديرا للعلم الشريف الذي يحمله و اكتفى بنفية
السلطان سليم الثالث مش حتة صرصار اراجوز

[مُصْطٓفٓى]

فين باسم يوسف
فين البرادعي
فين الضباط اصحاب اللحي
فين التدخل الشيعي في مصر
فين الاهرامات اللي حتتباع

كلها ملفات وسيناريوهات وأدوات رخيصة ظهرت فقط أيام الرئيس
وليس لها داعي الآن بعد نجاح مهامهم

[أبو آسر]

حضرتك اكيد مأخدتش بالك من مشاركتى كلها انا شايف "وهى وجهه نظرى الشخصيه" ان برنامجه اوقف لسبب ما وانا بقول حتى لو باوامر عليا عنده نافذه يقدر يرجع منها وهى السوشيال ميديا"كما بدأ " ومحدش له عنده حاجه ولا حتى يقدر يقمعه لانه بره البلد وقال انه مش حيرجع خوفا من الترصد له وبالتالى مش لاقى تفسير لعدم عودته بطريقه او باخرى غير انه زهق وده حقه "وممكن يكون استنتاجى غلط" ولكنه الاستنتاج المنطقى اللى جه على دماغى .

واخى العزيز لى رجاء مش كل موضوع لازم يتحول لسياسه ممكن نتكلم بشكل موضوعى ونطرح اراءنا المختلفه لان لو كل موضوع حيتم تحويله بسبب مشاركه فيها تهكم سياسي فحنخللى المنتدى فاضي الا من الموضوعات السيئه .

ملحوظه :انا مش حعتبر تهكم حضرتك على كلامى وحعتبره تهكم عام على الموضوع لانى بجد بقدر كل الاشخاص فى المنتدى واكيد بقدر حضرتك وانا من الناس اللى مش مؤيده النظام الحالى بشكل مطلق وشايف عيوب كتير زى مكنت شايف عيوب كتير فى النظم السابقه وبرضه من الناس المتفاءله اللى بتطمح ان البلد ممكن تتغير بدون مزايدات وشايف ان البلد كانت من افضل البلاد ايام الملكيه القمعيه وبالتالى برضه ممكن نبقى احسن
وده للتوضيح فقط.

تحياتى لحضرتك واتمنى بلاش نقلب الموضوع لسياسه لانى حنسحب منه احتراما لموضوع صديقنا الاساسي علشان ميتحولش عن هدفه .

انا مقصدش طبعا اتهكم على حضرتك انا بتهكم على باسم يوسف اللي عامل نفسه منصف وثورجي وبالرغم من كده سلم من لسانه النظام الحالي وملوش عذر انه ممنوع لان زي ما حضرتك قلت كان ممكن يرجع للسوشال ميديا زي يوتيوب وغيره بس سكوته دليل على انه كان اداة سياسية في يد ناس معينة ولما انتهى دوره خلع واتخرس
والموضوع انا محولتوش لسياسي هو اصلا موضوع سياسي :) هو باسم يوسف ايه غير اراجوز سياسي جاء لغرض معين وانتهى ؟

[rotanamasoud]

بمنتهى البساطه مين اللى يقدر يتريق على السيسى فجاب من الاخر يخلع ولا يلبسوله نصيبه ويتسجن ولا يطبلهم انا شايف انه اختار افضل اختيار