مشكله فى غساله اتوماتيك

[gade2]

السلام عليكم

انا عندى غساله اتوماتيك زانوسى 6 ك بقالها 3 سنين بالضبط وفجاه طلعت الغسيل مش معصور
ولما جيت الف الحله بايدى بتلف وتيجي عند حته معينه وتقف ودا بيحصل لو لفيتها يمين او شمال
وانا شاكك ان فى شراب ناقص من الغسيل
اكتشفت ان الضمان لسه خلصان من 2 اسبوعين
وخايف من حوارات الصنيعيه
فهل من مساعده

[zkralla]

اتصل بالضمان ممكن يكون الحسبة بتاعتهم غير بتاعتك
يعنى حساب الضمان على تاريخ التصنيع مش من تاريخ الشراء
شركة توشيبا العربى عملوا معايا كده فى ضمان ثلاجة ( مش عارف هى ديه القاعدة ولا معايا بس لأنى كنت عامل معاهم مشكلة بسبب التأخير فى الحضور )
ولو الضمان ايديال برضه خليك فى التوكيل عشان مش هتلاقى فرق كبير فى السعر ما بين الصنايعى والضمان
انا غيرت بلى للغسالة ايديال اتكلف حوالى 400 جنيه بره الضمان
بعد كده عرفت أن فى الضمان التكلفه 500 جنيه وطبعا ندمت
لو العبد معنديش فكره عن اسعارهم بس اعتقد هتبقى فى نفس الرينح ومش هيكون الفرق كبير زى الفرق بين الصنايعى وتوكيل السيارات الى بيكون فرق السعر رهيب
يعنى احسب الفرق بين الصنايعى والتوكيل ولو مش كبير خليك مع التوكيل

[Abo_Mazen]

أنا شايف إنك تخليك مع الشركة حتى لو الضمان خلصان ..أو تشوف صنايعي يكون متجرب عن حد تعرفه ..أي حلول فيها فك وتركيب ما أعتقدش إنك هتقدر تنجز فيها

[أبو آسر]

غسالتي كريازي بقالها 9 سنين ولسة بايظة بتعمل صوت جامد عند العصر
اتصلت بفني جنبي حكيتله المشكلة قالي هتتكلف مش أقل من 350 جنيه بعدين اتصلت بشركة كريازي وحكيتلهم المشكلة بعتولي الفني قبل ما يفكها قال هتتكلف في حدود 180 جنيه !
بس للأسف بعد ما فكوها لقوها بتسرب مية عند الموتور ومحتاجة حاجات تانية ولازم تروح التوكيل تتصلح وهتخش في 800 جنيه فسيبتها لحد ما تجيب اخرها وبعدين ابقى اشوف اصلحها ولا اجيب جديد وخلاص
الخلاصة التوكيل اضمن وممكن ارخص كمان حتى لو برة الضمان دي حاجتهم وحافظينها بدل ما تخاطر وتجيب صنايعي مبتدئ يجرب فيك وللأسف عندنا محدش بيقول مش بعرف كله بيجرب في الزباين

[Abo_Mazen]

غسالتي كريازي بقالها 9 سنين ولسة بايظة بتعمل صوت جامد عند العصر
اتصلت بفني جنبي حكيتله المشكلة قالي هتتكلف مش أقل من 350 جنيه بعدين اتصلت بشركة كريازي وحكيتلهم المشكلة بعتولي الفني قبل ما يفكها قال هتتكلف في حدود 180 جنيه !
بس للأسف بعد ما فكوها لقوها بتسرب مية عند الموتور ومحتاجة حاجات تانية ولازم تروح التوكيل تتصلح وهتخش في 800 جنيه فسيبتها لحد ما تجيب اخرها وبعدين ابقى اشوف اصلحها ولا اجيب جديد وخلاص
الخلاصة التوكيل اضمن وممكن ارخص كمان حتى لو برة الضمان دي حاجتهم وحافظينها بدل ما تخاطر وتجيب صنايعي مبتدئ يجرب فيك وللأسف عندنا محدش بيقول مش بعرف كله بيجرب في الزباين

والله كانت الغساله عندي عايز يتغيرلها بلية حلة ..بلية حله ..حاجه عادية وأي صنايعي ممكن يغيرها ..جبت واحد لهف 300 جنيه ..بوظلي السخان ..وبوظلي الجلبة النحاس اللي بيركب عليها الأويل سيل اللي بيتحط ورا البلية ..وفي الآخر ..الغسالة بعد 3 شهور بس ..جابت بلية تاني ..في المرة التانيه بقى أنا اللي فكتها ووديتها المخرطه وعملت جلبة نحاس بدل اللي البيه كان موبظها وجبت أويل سيل جديد وبلية جديدة والسخان أصلا كنت أنا غيرته بنفسي بعد ما إكتشفت إن البيه الصنايعي كان بوظهولي ..وبسم الله ما شاء الله ..داخله معايا في سنة أهو زي الفل ..القصد إن اللي ممكن الواحد يعمله بنفسه يعمله وخصوصا لما تكون عارف سبب المشكلة وشايف إتحلت إزاي قدامك قبل كده ..إنما لما تكون مشكلة مش عارف حلها ..فالأحسن تستعين بحد إيده نضيفه عشان ما تدفعش اللي وفرته تصليح في حته تانيه

[gade2]

اتصل بالضمان ممكن يكون الحسبة بتاعتهم غير بتاعتك
يعنى حساب الضمان على تاريخ التصنيع مش من تاريخ الشراء
شركة توشيبا العربى عملوا معايا كده فى ضمان ثلاجة ( مش عارف هى ديه القاعدة ولا معايا بس لأنى كنت عامل معاهم مشكلة بسبب التأخير فى الحضور )
ولو الضمان ايديال برضه خليك فى التوكيل عشان مش هتلاقى فرق كبير فى السعر ما بين الصنايعى والضمان
انا غيرت بلى للغسالة ايديال اتكلف حوالى 400 جنيه بره الضمان
بعد كده عرفت أن فى الضمان التكلفه 500 جنيه وطبعا ندمت
لو العبد معنديش فكره عن اسعارهم بس اعتقد هتبقى فى نفس الرينح ومش هيكون الفرق كبير زى الفرق بين الصنايعى وتوكيل السيارات الى بيكون فرق السعر رهيب
يعنى احسب الفرق بين الصنايعى والتوكيل ولو مش كبير خليك مع التوكيل

بس هو الصيانه فى الضمان بتدى ضمان على التصليح

[gade2]

والله كانت الغساله عندي عايز يتغيرلها بلية حلة ..بلية حله ..حاجه عادية وأي صنايعي ممكن يغيرها ..جبت واحد لهف 300 جنيه ..بوظلي السخان ..وبوظلي الجلبة النحاس اللي بيركب عليها الأويل سيل اللي بيتحط ورا البلية ..وفي الآخر ..الغسالة بعد 3 شهور بس ..جابت بلية تاني ..في المرة التانيه بقى أنا اللي فكتها ووديتها المخرطه وعملت جلبة نحاس بدل اللي البيه كان موبظها وجبت أويل سيل جديد وبلية جديدة والسخان أصلا كنت أنا غيرته بنفسي بعد ما إكتشفت إن البيه الصنايعي كان بوظهولي ..وبسم الله ما شاء الله ..داخله معايا في سنة أهو زي الفل ..القصد إن اللي ممكن الواحد يعمله بنفسه يعمله وخصوصا لما تكون عارف سبب المشكلة وشايف إتحلت إزاي قدامك قبل كده ..إنما لما تكون مشكلة مش عارف حلها ..فالأحسن تستعين بحد إيده نضيفه عشان ما تدفعش اللي وفرته تصليح في حته تانيه

انا فعلا بميل للموضوع دا

[HeMa_LanCeR]

مش يتعصر دي ممكن يكون الفلتر مسدود
هتلاقي علبة تحت في اخر الغسالة افتحها وطلع الفلتر ونضفة

[gade2]

مش يتعصر دي ممكن يكون الفلتر مسدود
هتلاقي علبة تحت في اخر الغسالة افتحها وطلع الفلتر ونضفة

حصل يافندم بس المشكله فى الحله بتحشر فى حته كده وهى بتلف

[zkralla]

بس هو الصيانه فى الضمان بتدى ضمان على التصليح

اه
غالبا الوكيل بيدى ضمان سنة على قطعة الغيار بشرط هما الى يركبوها
ايديال من الشركات ديه

[major123]

صيانة اوليمبيك جروب 19999

[bobbozo4b]

الخلاصه فى الموضوع
نفس اللى حصل معى وفعلا كان فى شراب دخل بين الحله والجوان الكوتش الخارجى وخلى البلى يفرط والحله ترزع
اتصلت بالضمان وحددوا ميعاد واتصلحت
والفنى قبل مايمشى طلبت منه رقم الموبيل عشان لو حصل اى حاجة تانية وفعلا ادانى الموبيل
بس قالى كده اجيلك بعد الساعه 6 وهايكون خارج التوكيل وقطع الغيار انا اللى اشتريها

[gade2]

انا كلمت الضكان وجه وطلع فردة شراب وقالى الموضوع مش داخل الضمان لانى على حسب كلامه اهمال من العميل وخد 85 ...ودى تعتبر اغلى فردة شراب عندى

[lonedoctor]

اعتقد انه كل حالة منفصلة بحالتها وليس كل تصليح تبع الضمان جيد وكذلك تصليح صنايعى من برة الوكيل سيئ
تجربتى مع وكيل ال جى سيئة لانه انا عندى غسالة ال جى 10 ك غالية الثمن ومعقدة بالمجفف والزرار اللى بيفتح الباب اتكسر نصفه بس لسة شغال طلبت الوكيل ارسل لى ولد عنده 18 سنة يغيره فك الباب وما عرفش يجمعه تانى وانا اللى عرفته ازاى وضيع مسمار من مسامير الباب كمان
ولدى بوتوجاز حصل فيه عطل جيبت صنايعى من البساتين صلحه بشكل رائع