الاحساس بالضياع

[cyborg_ift]

كتير بحس اني ضايع ... مخطئ ... ندمان على امور كتير في حياتي

احساس مهما وصفته محدش هيحس بيه غير اللي عايشه

دايما بحس ان الامور خارج السيطره وان اللي جاي اسوا وتملي انمنى الزمن يرجع لورا يمكن اتفادى اخطائي عارف اني غلطان واني المفروض ابص للي جاي مش للي فات وعارف اني المفروض اقرب من ربنا اكتر بس فيه حاجه بتدفعنى انى افضل محلك سر

معادله صعبه تجبرك على الاكتئاب معظم الوقت ونفسي اخرج من الحالة ديه بقالي فتره طويله وبصبر نفسي باني احسن من غيري بس للاسف الطموح تملى بيعميني

لو مكاني هتقدر تعدي الازمة ديه ولا هتفضل حاسس بالضياع طول عمرك

[Mohamed_Hamid]

بنصح نفسى وانصحك بالتقرب من ربنا أكثر. هتحس براحة وسعادة داخلية وانفراجة لكل مشاكلك بشكل تتعجب منه.

[cyborg_ift]

يارب

[الفجر]

انت كام سنة ممكن نعرف.

[cyborg_ift]

34 سنه

[الفجر]

34 سنه

34 سنة ولسة هتبدء تشعر بالضياع !!

دة صبور اوى

ف شباب في العشرينات وعندهم يأس من العالم كلة

ربنا يعينك

[hamo81]

في نفس سني تقريبا
بس أنا الشعور عندي إني مربوط في ساقية وبتلف بيا ومش عارف أوجهها في أي إتجاه ودايما شعور إنك مؤقت في الدنيا ملازم الواحد
في الدراسة أقول فترة مؤقته وهتعدي
بعد الدراسة الجيش 3 سنين ضابط إحتياط وبردو قولت فترة مؤقته وهتعدي
بعد الجيش أشتغلت في القطاع الخاص ومن شركة لشركة وكل مرة أقول فترة مؤقته وأكيد هستقر في شغلانة كويسة
ولما أتعينت في الحكومة في مجال مش مجالي قولت أهي فترة مؤقته وأكيد هتنقل في مكان تاني وأشتغل في مجالي
ولحد دولوقتي لسه متنقلتش
واضح إن الواحد فعلا عايش في الدنيا مؤقت
" عش في الدنيا كأنك غريب أو عابر سبيل "

[أبو آسر]

حلك الأساسي في التقرب إلى الله وإجبار نفسك على ذلك وإذلالها وتطويعها للعبادة وأظن رمضان فرصة عظيمة للتدرب على الموضوع ده
اجبر نفسك على الصلاة في المسجد وعلى صلاة التراويح والتدبر في آيات القرآن بس متشدش أوي علشان متملش بسرعة وتسيب كل حاجة .. يعني على أد ما تقدر في البداية وزود شوية شوية .. خير العمل أدومه وإن قل
لازم تعمل ورد يومي من القرآن ولو بسيط برده بس على الأقل تختم القرآن مرة في رمضان .. يعني بعد كل صلاة صفحتين هتخلص جزء كل يوم وهتختمه في شهر .. أهم شيء التدبر
اسمع خطبة أو درس أو موعظة من واحد انت بتحبه وبتستريح لكلامه
أهم شيء الدعااااء .. ادعي ربنا يرشدك للطريق الصحيح ويهديك ويثبتك وبخلاص وتذلل وتضرع وبكاء .. لو مش عارف تبكي تباكى .. عود عنيك على البكاء لأنه بيرقق القلب
بعد كده حاول تغير نمط حياتك .. يعني العب رياضة ..
انزل كافيه مع أصحابك بس يكون محترم مش شيشة وأغاني وكده !
روح مصيف اقعد أسبوع واقعد عالبحر لوحدك وتفكر في آيات الله وإبداع صنعه ..
غيّر نظام شقتك أو غرفتك ..
اقرأ كتاب أو قصة أو رواية في مجال بتحبه ..
قلل من القعاد على النت والفيس بوك والواتساب ومواقع التواصل الاجتماعي
زور مستشفى وشوف المرضى عاملين ازاي ولو تعرف تزور القبور لأنها تذكر بالآخرة زي ما الحبيب صلى الله عليه وسلم قال
وربنا يفرج كربك ويزيل همك نحن وإياك والمسلمين

[Abo_Mazen]

مش لاقي حاجه أقولها بصراحه ..بصراحه الأخوه كفوا ووفوا فعلا ..أقولك إيه أحسن من تقرب إلى الله تجده ..فإن وجدت الله وجدت كل شئ ..وإن فقدت الله فقدت كل شئ ..إبحث عن نفسك بالتقرب إلى الله ..كلما تقربت إلى الله إقتربت من الحقيقة ..

[Bassem Youssef]

اللي حصل حصل و مفيش حد عنده اله زمن عشان يرجع للماضي و يصلح اخطائه

المهم نتعلم من اخطاء الماضي و نتجنبها في الحاضر + التخطيط الجيد للمستقبل

حط لحياتك خطه محدده و واقعيه و امشي عليها

هتعيش تعبان شويه لحد ما تنفذها بس هيبقي عندك امل في الحياه و هتبقي مبسوط

[ahmad--ezzat]

متجوز?

[Secret-Man]

عادى شيىء بيحصل لكل البشر احساس الضيق والخنقه واحساس دايما ان مفيش فايده فى كل حاجه

حتى النبى عليه الصلاه والسلام قال له الله " {وَلَقَدْ نَعْلَمُ أَنَّكَ يَضِيقُ صَدْرُكَ بِمَا يَقُولُون. فَسَبِّحْ بِحَمْدِ رَبِّكَ وَكُن مِّنَ السَّاجِدِين .وَاعْبُدْ رَبَّكَ حَتَّى يَأْتِيَكَ الْيَقِين}

الايه فيها توضيح المشاكل الى بتصيب البشر وبما فيهم النبى الكريم وحل المشكله فى نفس الايه

تانى حاجه لازم تعمل شيىء يحسسك انك ليك لازمه بالبلدى كده " فكر فى اى حاجه ولو حتى انجاز بسيط تنسبه لنفسك ولو على سبيل حتى فكرت تصالح اتنين على بعض ده فى حد ذاته هيحسسك باعتراف الذات عندك "

ودايما افصل من روتين الحياه وهتلاقى الامور معاك خير ان شاء الله

[cyborg_ift]

شكرا لكم جميعا

[4fun14]

مش لوحدك,
كل الأيام بقت زى بعضها ومفيش جديد ولا حتى احداث تتحكى
لو تقدر تتجوز هو ده العلاج..
حلو الكلام بتاع اتقرب من ربنا ده بس مظنش هتعرف تعمله وانت مزاجك وحش كده

[cyborg_ift]

انا متزوج