مساعده فى تحديد سعر تركيب سيراميك حوائط وارضيات

[midooo_119]

السلام عليكم
كنت عاوز اعرف سعر متر تركيب حوائط وارضيات لان قدامى صنايعى هيعملى متر حوائط ب31 جنيه فايه رائيكوا و ياترى الى عنده صنايعى باسعار كويسه يقولى .. وايه رائيكوا تركيب سيراميك الحوائط لصق وهل عندكوا نصائح بخصوص الموضوع ده..لانه قالى اعملهولك لصق بس هات بلاطات اصغر من 60 سم و شكرا

[هيثم مجدي]

سيراميك ولا رخام ؟
30 جنيه دا مصنعية متر الرخام على ما اعتقد. السيراميك من 15 ل 25
انا معرفش حد في القاهرة, بس 30 جنيه مبالغ فيه

[ayaamna]

انا مركبه من سنتين. حوائط وارضيات ب 11 جنيه باكله وشربه وبابا غنوجه بسلطاته وصنيعى ما تتلاقيش وراه سيراميك بيطبل
وميزانه ممتاز وكنت مكارمه كمان وبعد ما عجبنى الشغل اديتلهم اكراميه 300 جنيه
بس ما كنش فيه رسومات لان الرسومات فى السيراميك بتختلف شويه لانها بتاخد وقت اكبر

[Abo_Mazen]

هي مصنعية السيراميك بتختلف من مكان للتاني ومن محافظة للتانيه ..أنا أي شغل في مرمات عندي في البيت بجيب واحد من كفر الدوار وفلاح وغلبان بس شاطر ..ومش معنى إنه من كفر الدوار إنه يتضحك عليه ..لأ هو واعي وبيتكلم في فلوس وحقه وبتاع ..بس برضه ..لما أسأله على شغلانه واقوله هتتكلف كام ويقولي على سعر وأسأل وراه ألاقيه هو الأرخص برضه ..إسأل تاني كذا واحد كده وشوف ما تستجعلش

[amr011111]

طالما هتعمل ارضيات وحوائط مع بعض يبقى المتر فى حدود 18 جنيه
الصنايعى اللى انت جايبه غالى الا لو الشقه فى منطقه راقيه اوى فهما بيطمعوا او بيحسبوا مواصلاتهم
بالنسبه للصق بلاش منه لان المحاره المفروض تبقى تمام ومش هتوفر حاجه

[4fun14]

جبت واحد من أسبوع للارضيات..
هياخد ع السيراميك 20ج والبورسلين 25
وسألت على نقاش بياخد ف المتر 15ج
بس مش ضامن الصنايعيه دى لسه بسأل

[mk3]

21 جنيه