هل البورصة هي صالة للقمار /|\ Bourse & Gambling

[ahmed1981]

لا بحلل ولا بحرم

واللي فاهم أكتر يوضح هل فعلاً البورصة في بعض الأحوال واصلة لشكل قماري ولا لأ

=

ناس كتير جربت البورصة

وبالتأكيد البورصة فيها علم ودراسة متخصصة بالتأكيد

أنا جربتها من فترة في 2010 تقريباً

وكنت باتعامل بأقصى ضوابط شرعية

وخلال أشهر كنت وصلت لقرار إني طلقتها بالتلاته

مش عشان خسرت

عشان الوضع مش قادر أرتاحله

=

=
أنا مش بناقش حكم شرعي
الأحكام الشرعية في الأمر ده معروفه
والفتاوى متوفرة وكثيرة
والدكتور علي السالوس متكلم في كل أنواع تجارة البورصة والفوركس والتجارة الهرمية و...

وفيها الحلال وفيها الحرام

أنا بتناقش في حاجة تانية خالص

=

البورصة وشكل القمار ومظهر القمار :ـ
ـ

في جدل دار مؤخراً وتحدث فيه محلب أيضاً

وقال " البورصة ليست 'صالة قمار' كما يردد البعض "

=

واحدة واحدة

البورصة هي عرض لأسهم في شركات ومصانع
أنت تضارب على تلك الأسهم تشتري وتبيع
الأسهم تتغير قيمتها بتغير ظروف الشركة والبلد وحواديت الإعلام والإشاعات والخداع ......

لكن الأمر بعد الإدمان يتحول لشكل يقارب الأعمال المحرمة شكلاً
يعني مثلاً

-
الربا حرام في الإسلام

واحد قاعد حاطط الفلوس وبيغلها أرانب

بتولد فلوس بالإقراض والتسليف

-

القمار حرام برضه
واحد بيخمن وبيعتمد على الحظ والصدف ويكسب فلوس

-

البورصة

الحظ والتخمين موجود
التلاعب موجود ولعب البلية موجود
والحيتان الكبيرة بتلعب

أطرح أسهم وألم فلوس لشركتي
أخسر والأسهم تنزل وأشتري أسهمي تاني بنفسي
وأحط في جيبي على ما أطرحهم تاني

=

حاجات كتير

وبالتأكيد البورصة فيها علم ودراسة متخصصة بالتأكيد

=

لكن هل تتشكل أحيانا في شكل القمار أو الربا أو النصب أو التجارة الحقيقية الواقعية أحياناً
=

حد ليه فكر في الموضوع ده ؟

ـ

[banzai]

هل البورصة هي صالة للقمار /|\ Bourse & Gambling

لو واحد جاب ورقه من الارض و كتب عليها بالقلم (دى فلوس) و راح يشترى بيها حاجات من الناس , الناس هيعملوا فيه ايه ؟ هتضربوا بالجزمه و هتسبلو , طيب لو الناس باعتلو البضاعه بتاعتها بالورقه اللى معاه اللى كاتب عليها بالقلم و اقنعت نفسها ان دى فلوس , يبقى الناس دى ايه ؟ بالظبط كده زى منتا بتقول دلوقتى
طيب يا سيدى الفاضل ده بالظبط اللى بيحصل فى الدنيا دلوقتى
اليهود عملوا كده جابو ورقه من الارض و كتبوا عليها ده دولار و ال 7 مليار بشرى اللى عايشين فى العالم مصدقين , يعنى فى 7 مليار بهيم عايشين على الارض , مش بس كده اليهود بالورقه التافهه دى قدروا يسيطروا على اسواق الذهب فى العالم
انت متخيل ايه اللى بيحصل ؟ دلوقتى بورقه متسواش براز الكلاب سيطروا على العالم كله و سيطروا على اسعار الذهب و باقى المعادن , رغم انهم لا يملكون هذه المعادن لكن هما اللى بيحددوا سعرها .. ليه ؟ لانه هو ده الفلوس الحقيقيه و هما معندهمش المعدن ولا يقدروا يسيطروا عليه فبيسيطروا على اسعاره و بيجبروا الناس انها ترضخ للنظام بتاعهم ده , يقوم الشعوب و الامم يتخلوا عن الاتجار بالمال الحقيقى من اجل ورقه لا تسوى براز الكلاب و يختارو باديهم انهم يخشوا فى استعباد اليهود , مش بقولك فى 7 مليار بهيم فى الدنيا
اقرأ الرد ده و ركز فيه

http://www.nilemotors.net/Nile/3875844496-post20.html

و علشان هما ضامنين السيطره على العالم الجاهل المتخلف كله معندهمش مشكله انهم يقولوا للقطعان ايه اللى بيعملوه ده من كتر سخريتهم من الناس

https://www.youtube.com/watch?v=UiN1xHaNDJ0

https://www.youtube.com/watch?v=UTK8torOylM

https://www.youtube.com/watch?v=Pqd11iRapSE

[volociximab]

لكن نظامهم يتشرخ لان النظام مبنى على الغرق المستمر و المتسارع فى الديون حتى ينهار النظام
مركز النظام هذا فى امريكا
انا شاهدت فيديو يشرح هذا النظام و كيفية صناعة المال
النظام هذا مستحيل يستمر للابد و يوم ما سترجع العملة الورقية لقيمتها الاصلية---صفر
ورقة ليس لها قيمة
لكن هذا اليوم قد يكون غدا و قد يكون بعد 100 سنه
عندها او عند peak oil اعتقد ستكون نهاية اليهود

[MaZaGAngeE]

متابع الحوار الجميل…
لو بنتكلم علي البورصة المصريةة فهي تحت سيطرة عصابة من اللصوص…

[ahmed1981]

أنا بتكلم عن البورصة في مصر فعلاً

صالة يتم تدوير الأموال فيها بطريقة غريبة
حيتان كبيرة وسمك صغير
رأيت المستثمرين فيها بعيني وهم جالسون أمام الشاشات في شركات السمسرة بلا حراك
ينتظر لعب البلية
متى يضغط بالماوس ليبيع أو ليشتري
وبجواره المشروب
وفي النهاية يخرج بعضهم وقد كسب والبعض الآخر وقد خسر
!!!!!!!!!!!!!!!

ـ

[mody112]

البورصة
هى سوق لبيع وشراء الاسهم والسندات .( مش هنتكلم عن السندات ).
يبقى من تعريفها كده هى ملهاش اى علاقة بالقمار .
السهم عبارة عن اداة ملكية ومشاركة فى شركة معينة بحيث انك لو تمتلك 10 اسهم لشركة (س ) فانت مالك لهذه الشركة بنسبة ال 10 اسهم وكذلك انت مشارك فيها بتلك النسبة .
يعنى لو فضلت الاسهم معاك لمدة سنة وجاء وقت توزيع الارباح للشركة هتستحق ارباح عن ال 10 اسهم بتوعك دول ولو فى خساير هتتحمل خساير برضه عن ال 10 اسهم .( مع ثبات سعر السهم ).
وده برضه مالوش اى علاقة بالقمار - ده اسمه استثمار متوسط وطويل الاجل .
لكن اللى بيحصل ايه تلاقى دلوقتى اى حد مالوش اى خبرة بالبورصة ولكن بيسمع من الاعلام ومن الحواديت فى الشوارع عنها انها بتعمل ملايين ومليارت للناس وبيبنوا عمارات وبيركبوا مرسيدس ومن غير اى تعب يقوم جايب تحويشة عمره ويقولك انا رايح اضارب فى البورصة وطبعا لانه معندوش اى خبرة ومش فاهم اى حاجة تحويشة عمرة بتضيع اونطة وبالسلامة .( وده اللى بيحصل لمعظم الناس ).
وممكن يكون واحد زيه بالظبط وميفهمش اى حاجة وفلوسه بتتضاعف - ارزاق وحظوظ - ولكن ده بيبقى واحد فى المليون .( ومن هنا الناس اللى مش فاهمه يعنى ايه بورصة بتشبهها بالقمار ).
البورصة بتعتبر علم لازم تتعلمة وخبرة تكتسب عن طريق الممارسة بعد التعلم وفى كورسات ودورات خاصة بالبورصة وكيفية المضاربة فيها .
لكن اللى نفسه يتاجر فى البورصة ومعندوش اى خلفية بيبقى فى موظف فى شركة السمسرة بيسمى مدير حساب العميل شغلته انه بينصح المتاجر الجديد وبيرشحله الاسهم اللى بيتاجر فيها واللى نسبة مخاطرها بتبقى قليله .
فى 3 انواع من المستثمرين
مضارب ( وده بيبقى عامل زى الفرقع لوز اشترى وبيع واشترى وبيع وزى ما تيجى تيجى . - اسبوع الى شهر على الاكثر.
متوسط الاجل وده بينتهز فرصة النزول للشراء وينتظر حتى صعود السهم ويبيع - من 3 اشهر الى سنة .
طويل الاجل وده اللى بينتظر الفرصة المناسبة للشراء فى اسهم معينة تكون توزيعات ارباحها السنوية مرتفعة كشركات البترول والحديد والاتصالت والمطاحن وغيرها ويبقى مساهم فى الشركة لعدةسنوات ويستفيد من ارباحها السنوية ولا يبيبع الا بعد سنوات طويلة .من سنة الى 10 سنوات واكثر .
البورصة فى مصر تؤثر فيها الاحداث السياسية والاقتصادية والدينية والكوارث الطبيعية والصناعية واى حاجة هبله بتؤثر فى البورصة المصرية وطبعا الشائعات والاخبار صحيحية او غير صحيحية واخيرا ما يطلق عليهم بحيتان البورصة .

[م أحمد]

لن أطيل عليك

المشاركين فى البورصة قسمان

أفراد - مؤسسات (بنوك-شركات سمسرة-ميكرز)

من واقع علمى و اختلاطى بكثير جدا من المساهمين فى البورصة.....خسائر فادحة متوالية للقسم الأول الا القليل جدا جدا جدا (واحد بالعدد)

الخسارات من 50 % و انت طالع من رأس المال

أما القسم الثانى فلديه من الأدوات العادلة مثل رأس المال و الغير العادلة مثل قواعد البيانات التى لا تتوفر للأفراد و مثل الأخبار الحقيقة عن وضع الأقتصاد و إتجاهه و مثل الشائعات ما يكفى لالتهام صغار المستثمرين

و رأيى كل واحد فلوسه فى جيبه و يشغلها بمعرفته علشان انت داخل سوق معتم غير عادل و هتبقى مغامرة او مقامرة

[Ahmed_Rahem]

زى مالاخوة شرحوا واحب اضيف لو واحد معندوش خبرة فى البورصة ومصمم يخشها يشترى فى صناديق الاستثمار لان الى بيدرها بنوك وشركات استثمار كبيرة وبالتالى فرص الخسارة بتقل ولكن هو مش بيتاجر بالمعنى الحرفى لان كل دورة بيدى فلوس للصندوق والصندوق بيعمل الباقى ويوزع الارباح السنوية.
ودة افضل الحلول وأئمنها

[eslamrace]

لو حنتكلم على الشكل العام للبورصات فهى بيعيده كل البعد عن القمار لان المفترض ان البورصه هى اماكن تداول ملكيه شركات بمعنى ان كل سهم شخص يشتريه فهو بيشترى جزء من الشركه دى وبيشارك فيها وبالتالى المفترض انه فاهم وضع الشركه ومتابع لماضيها ومطلع على تقاريرها وبالتالى هو مش بيعتمد على الحظ "زى القمار" وانما بيعتمد على معلومات وراضي بالقضاء والقدر بعد كده ان توقعاته تكون مبنيه على اساس سليم فيكسب او يكون اخطأ فى التقدير فيخسر .

اما بقى اللى حاصل فى بعض البورصات ومنها مصر ان فيها شويه جهات سواء حكوميه او خاصه وبعض المستثمرين الكبار قادرين على التحكم فى موضوع الربح او الخساره بعيدا عن المعلومات اللى بتتوفر للعامه "وغالبا تدخلهم مش دائم وفى موافق واحوال معينه" ولكن بيفضل تدخلهم مؤثر بشكل كبير فى اللى بيحصل واللى دارس وغاوى بورصه غالبا بيقدر يتفادى خبطاتهم والخروج باقل الخسائر او الربح معاهم وبالتالى هنا فى بقى عوامل غير المعلومات والخبره ممكن تتدخل لتغيير وضع ما وبالتالى فى جزء ممكن نعتبره حظ فى البورصات دى وعلشان كده ممكن تقول
ان البورصه مش صاله للقمار فى المطلق ولكنك برضه معتمد بشكل او باخر على مبادي المقامره فى تعاملاتك داخلها ولكل شخص حريه الحكم عليها زى مشايفها
تحياتى.

[juba8]

موضوع رائع كنت مستى حد يتكلم فيه من زمان
رغم انى مليش تجربه فى البورصه