مطلوب النصيحة ..هل ارجع مصر ؟

[elrasy]

مطلوب النصيحة ..هل ارجع مصر ؟

انا موجود بالسعودية منذ 5 اعوام و الحمد لله جبت شقة كويسة فى مصر و اشتركت فى نادى...و بعد مشاكل مع صاحب العمل تركت العمل و حاليا بدور على شغل بقالى تقريبا اسبوع و لسة ملقتش حاجة مناسبة...

السؤال : هل انزل مصر و احاول اعمل مشروع صغير (لان المبلغ اللى معايا مش كبير)
و لا استنى وادور تانى على شغل ؟؟

ولا خاب من استشار...

[mohamedzaki74]

ارجع في حالة واحدة لما تكون في كفنك

[elrasy]

ارجع في حالة واحدة لما تكون في كفنك

لية بس التشاؤم دة ؟

[afndina]

بص احسبها بالمكاسب والخسائر وشوف كفه مين الارجح
وربنا يوفقك للي فيه الخير

[omarhelalyehia]

ان شاء الله توفق فى الحصول على عمل عندك....عندك ....عندك !!! و ربنا يوفقك بدون اى تشاؤم او تفاؤل

[elrasy]

بص احسبها بالمكاسب والخسائر وشوف كفه مين الارجح
وربنا يوفقك للي فيه الخير

ان شاء الله توفق فى الحصول على عمل عندك....عندك ....عندك !!! و ربنا يوفقك بدون اى تشاؤم او تفاؤل

اشكركم للمشاركة

[Muhammad 80]

نصيحة والله من القلب
إوعى تفكر ترجع
إنسى مصر خالص تعالى زور أهلك وحبايبك أسبوعين شهر بالكتير غير كده إوعى تفكر والمشروعات التجارية نسبة نجاحها بقت ضعيفة ومحتاجة توافر شروط معينة لكن السوق كساد بشكل كبير وشخصياً بستثمر فى كذا مجال منهم الدوا الى هو مع الأكل ميخسروش وبقولك الدنيا واقعة
لو ظروفك تسمح تكمل هناك كمل واحمد ربنا على نعمته وعيد تقييم للموقف هنا بعد ٣ ولا ٤ سنين
بالتوفيق وصلى استخارة قبل أى شىء

[omar101970]

انا زيك باشتغل فى الخليج.
نصيحه صادقه مش تفكر ابدا انك نرجع مصر دلوقتى.
ربنا يصلح الحال فى مصر والأمور تتزبط وبعد كدا نفكر كلنا نرجع.
حاول تدور على شغل والسوق فى السعوديه كبير.
ومهما كنت بتتعب فى السعوديه فصدقنى الوضوع فى مصر اصعب.
وربنا يصلح احوالنا كلنا سواء كنا فى مصر او خارجها.

[mk3]

5 سنيين قليل جدا على التفكير فى الرجوع
اما ربنا يرزقك هناك وتبقى 50 سنه ابقى فكر ترجع تعمل مشروع عشان لو خسر متبكيش

[elrasy]

نصيحة والله من القلب
إوعى تفكر ترجع
إنسى مصر خالص تعالى زور أهلك وحبايبك أسبوعين شهر بالكتير غير كده إوعى تفكر والمشروعات التجارية نسبة نجاحها بقت ضعيفة ومحتاجة توافر شروط معينة لكن السوق كساد بشكل كبير وشخصياً بستثمر فى كذا مجال منهم الدوا الى هو مع الأكل ميخسروش وبقولك الدنيا واقعة
لو ظروفك تسمح تكمل هناك كمل واحمد ربنا على نعمته وعيد تقييم للموقف هنا بعد ٣ ولا ٤ سنين
بالتوفيق وصلى استخارة قبل أى شىء

انا زيك باشتغل فى الخليج.
نصيحه صادقه مش تفكر ابدا انك نرجع مصر دلوقتى.
ربنا يصلح الحال فى مصر والأمور تتزبط وبعد كدا نفكر كلنا نرجع.
حاول تدور على شغل والسوق فى السعوديه كبير.
ومهما كنت بتتعب فى السعوديه فصدقنى الوضوع فى مصر اصعب.
وربنا يصلح احوالنا كلنا سواء كنا فى مصر او خارجها.

طيب الواحد لو معملش بزنس لنفسة دلوقتى هيقدر يعملة امتى !!
الواحد مش هيفضل طول عمرة موظف و تحت رحمة صاحب العمل..

شاكر جدا الاهتمام,,

[أبو آسر]

صدقني هتبقى غلطت غلطة عمرك اللي هتفضل تدفع تمنها طول حياتك لو فكرت ترجع مصر واوعى تسمع كلام اللي يقولك البلد زي الفل دول غالبا مشافوش بلاد تانية فمش متخيلين اننا مدفونين هنا بالحيا وفاكرين انهم عايشين زي البني آدمين

[مُصْطٓفٓى]

لو فيه إمكانية ترجع تجرب وتشوف قد ايه مصر بقت خرابة
ولو معجبكش الوضع ترجع تاني السعودية
يبقى تعالى جرب بنفسك وتحكم بنفسك سواء حتستمر في مصر او حترجع تاني السعودية
واذا كان مينفعش يبقى خليك هناك افضل

[elrasy]

يا جماعه ارجوكم ان النصيحة متكونش مبنية على اى توجه سياسي

[elrasy]

صدقني هتبقى غلطت غلطة عمرك اللي هتفضل تدفع تمنها طول حياتك لو فكرت ترجع مصر واوعى تسمع كلام اللي يقولك البلد زي الفل دول غالبا مشافوش بلاد تانية فمش متخيلين اننا مدفونين هنا بالحيا وفاكرين انهم عايشين زي البني آدمين

لو فيه إمكانية ترجع تجرب وتشوف قد ايه مصر بقت خرابة
ولو معجبكش الوضع ترجع تاني السعودية
يبقى تعالى جرب بنفسك وتحكم بنفسك سواء حتستمر في مصر او حترجع تاني السعودية
واذا كان مينفعش يبقى خليك هناك افضل

لية يا جماعه السواد دة ؟؟!!!
انا لية اصدقاء مسفروش زى و عملوا مشاريع صغيرة جدا و تعبوا جدا اول سنة ... و لما اتصلت بيهم... بسم الله ما شاء الله احوالهم احسن من حالى بكتير.. ربنا يزدهم.

[Abo_Mazen]

يعني هما اللي قاعدين في مصر لاقيين شغل أصلا عشان حضرتك جاي تشتغل هنا

أنا كلامي ده مش تريقة ..ده بجد والله ...لما اللي قاعدين هنا مش لاقيين شغل واللي شغالين مرتباتهم ودخولهم الشهرية مش مكفيه ..وكل ما تكسب جنيه من هنا ..تلاقي فاتورة غاز ولا كهربا ولا مياه ولا فلوس نضافة نازله على فاتورة الكهربا ولا ضريبة جديدة نازلة على إيدك تكسرها عشان تاخد اللي كسبته..مع إن الكهربا مش متوفرة 24 ساعة ولا الشوارع نضيفة ولا المياه متوفرة 24 ساعة ..هتيجي تعمل مشروع في بلد فيها أزمة كهربا وبنزين سعره بيرتفع كل سنة لمدة خمس سنين ..ولا بلد مفيهاش أمن ..باشا ..ده إحنا بنقول اللهم أخرجنا من هذه القرية الظالم أهلها ..يعني بنقول يارب طلعنا منها على خير ..تقوم حضرتك ترجعلها ..هتفتن نفسك وهتفتن عيالك وهتفتن أهلك ..قريت قصة على الفيس لواحد إتعرف على واحد بريطاني ..أسلم وقرر إنه ييجي يعيش في مصر ..ويتابع تجارته في إنجلترا من خلال سفرياته ..وكان مفكر إن إستقراره في مصر هيساعده على حسن إسلامه ..الراجل قعد في مصر شهرين بالضبط وهرب على بلده هو وعياله ..لما المصريين اللي هنا سألوه إنت خلعت ليه على بلدك تاني ..قالهم أنا قلت أحافظ على صورة الإسلام الجميلة اللي إنا أتعلمتها وبلاش أبوظها هنا في مصر

ليا بس تعليق على الأخ اللي بيقول ياريت الرأي ميكونش بناء على توجه سياسي ..الكلام اللي أنا قولته مفيهوش أي سياسة ..وده بناء على تصنيفك للأمور ما بين سياسة وإجتماع ..أنا بتكلم على أوضاع عامه ..وأنا مش متشائم على فكره ..بص ..هقولك على حاجه بسيطه ..عاوز تعرف مصر وصلت لفين ..شوف اللي راحوا المانيا مين ؟؟؟