مطلوب النصيحة ..هل ارجع مصر ؟

[ainshouka]

لو انت صاحب اسرة فبلاش ترجع دلوقتى
استفاد من التعليم هناك
استفاد من المناخ النظيف نسبيا عن هنا
فمصر اصبح السائد فيها الآن البلطجه
المدارس هنا لازم تدفع دم قلبك عشان تعلم ولادك تعليم نظيف
وهكذا

[Mecha]

لو فيه إمكانية ترجع تجرب وتشوف قد ايه مصر بقت خرابة
ولو معجبكش الوضع ترجع تاني السعودية
يبقى تعالى جرب بنفسك وتحكم بنفسك سواء حتستمر في مصر او حترجع تاني السعودية
واذا كان مينفعش يبقى خليك هناك افضل

انا نفسي افهم ,يعني هي خرابه حاليا ,طب امتي مكنتش خرابه, من كام سنه يعني كنتش خرابه ولا هي ديما ديما خرابه.
حاجه كمان الناس بتقول فيه كساد حاليا ,وعلي حد علمي عمري عمري عمري ما سمعت من حد بيقول السوق ماشي .بردك امتي السوق مكنش واقف , من كام سنه يعني .
ونفسي افهم ازاي والناس اللي بتركب موديل السنه الجايه قبل بدايتها وافخم اوروبي واحسن ياباني وكوري ومعارض للبورش وافخم افخم الاتومبيلات ودول كتييييييييييييييير وغيرهم وغيرهم جابوا فلوس منين والسوق واقف.

[أبو آسر]

لية يا جماعه السواد دة ؟؟!!!
انا لية اصدقاء مسفروش زى و عملوا مشاريع صغيرة جدا و تعبوا جدا اول سنة ... و لما اتصلت بيهم... بسم الله ما شاء الله احوالهم احسن من حالى بكتير.. ربنا يزدهم.

خلاص حضرتك متاخدش على كلامنا السوداوي وانزل وجرب بنفسك ممكن تلاقي الدنيا ورد واحنا اللي بنبالغ

انا نفسي افهم ,يعني هي خرابه حاليا ,طب امتي مكنتش خرابه, من كام سنه يعني كنتش خرابه ولا هي ديما ديما خرابه.
حاجه كمان الناس بتقول فيه كساد حاليا ,وعلي حد علمي عمري عمري عمري ما سمعت من حد بيقول السوق ماشي .بردك امتي السوق مكنش واقف , من كام سنه يعني .
ونفسي افهم ازاي والناس اللي بتركب موديل السنه الجايه قبل بدايتها وافخم اوروبي واحسن ياباني وكوري ومعارض للبورش وافخم افخم الاتومبيلات ودول كتييييييييييييييير وغيرهم وغيرهم جابوا فلوس منين والسوق واقف.

الجواب: قبل ١٩٥٢ ومش هقول غير كده علشان الجماعة اللي بيتقمصوا لما بنقول الحقيقة وبيقولوا علينا بنحول المواضيع لسياسة !!!

[مُصْطٓفٓى]

حضرتك في منتدى سيارات وعشان كده حقولك فكر في نقطة المواصلات وشراء سيارة
وقارن بنفسك بين السيارات واسعارها والطرق والمواصلات واهتمام الحكومات بامان الطرق
لو عربيتك لا قدر الله عطلت في طريق صحراوي وشوف مين اللي حيوصلك الأول
الشرطة ولا البلطجية اللي حياخدوا منك السيارة
ده انت لو ركنت عربيتك في الشارع مش حيجيلك نوم
ده الناس بتحط ارقام تليفوناتها في درج العربية عشان لو اتسرقت الحرامي يتصل بيك ويساومك

سياسة ايه اللي احنا بندخلها في الموضوع
انت سألتنا سؤال واحنا جاوبناك بكل أمانة
تيجي تقول سياسة ومندخلهاش في الموضوع
ده نصائح من ارض الواقع

انا قلتلك تعالى جرب ست شهور او سنة لو ينفع تجرب
لكن لو نزولك مش حيخليك تعرف ترجع يبقى اياك تفكر في نزول مصر

[elrasy]

انا كل اللى بتمناه نصيحة مبنية على تجربة...

للاسف الانتماء السياسيى بيبعد الناس عن المصداقية .. يعنى تلاقى اخوانى احواله زى الفل و يقولك الدنيا منيلة... و تلاقى الناحية التانية سيساوى احواله زفت و يقولك الدنيا ورد

اتمنى نصيحة مبنية على خبرة

[afndina]

انا كل اللى بتمناه نصيحة مبنية على تجربة...

للاسف الانتماء السياسيى بيبعد الناس عن المصداقية .. يعنى تلاقى اخوانى احواله زى الفل و يقولك الدنيا منيلة... و تلاقى الناحية التانية سيساوى احواله زفت و يقولك الدنيا ورد

اتمنى نصيحة مبنية على خبرة

في طبع في المصريين للاسف زي ما رد عليك احد الاعضاء وقالك ان الناس طول الوقت بتشتكي وكلامه فعلا صحيح مش حتلاقي حد يقلك انا شغال وزي الفل , تقدر تقول بيخافوا من الحسد

اما بقي النقطة الجانب السياسي فسيبك من النوعية دي اللي عندها غياب للواقع , وعايز اقلك ان اغلب اللي بيشتكوا من حال مصر قاعدين في مصر وعندهم مدخرات وفي منهم اللي عنده بدل العربية اتنين .

نتكلم بقي من الجانب الاقتصادي البحت

احسن وقت تعمل فيه نفسك بجد في بلد لسه طالعه لانك حتبقي متميز عن الباقيين انك بتسثمر في وقت الكل مش موجود .
حوضحلك اكتر
مصر من بداية ثورة 25 يناير وهي في ازمة اقتصادية وكل يوم من سئ لاسوء لغاية اخر ست سبع شهور , بدأ يحصل تحسن علي المستوي العام طبعا التحسن دا مش حيلاحظه المواطن العادي , دا علي المستوي الاقتصاد ككل للدولة ودا بناء علي تقارير ومؤشرات دولية مش كلام جايبه من عندي , علشان بس متقلش عليه سيساوي :)
نيجي بقي للمفيد اغلب الناس دلوقت خايفة تسثمر في البلد , واللي شغال شغال بحذر ,الشاطر هنا بقي المغامر اللي هو يدخل في الوقت دا ويستثمر بشكل قوي علشان المنافسة حتبقي قليلة .
طبعا انا مش حقلك تسثمر في ايه ولكن في مجالات كتير واحسن حاجة تستثمر في مجال انت بتفهم فيه .
واقرب مثال لصحة كلامي اصحابك اللي ما شاء الله حالهم افضل
وعندي صديق فتح محل تجاري بمبلغ بسيط جدا في منطقة شعبية وبسم الله ما شاء الله دلوقت ,مع ان المحل مفتوح مكملش السنة .
بس في النهاية برضوا كل شئ وليه تمن , انت اه حتتعب هنا بس التعب حيبقي مختلف عن السعودية , وكل واحد وظروفه

وربنا يوفقك للافضل

[subhimust]

انا كل اللى بتمناه نصيحة مبنية على تجربة...

للاسف الانتماء السياسيى بيبعد الناس عن المصداقية .. يعنى تلاقى اخوانى احواله زى الفل و يقولك الدنيا منيلة... و تلاقى الناحية التانية سيساوى احواله زفت و يقولك الدنيا ورد

اتمنى نصيحة مبنية على خبرة

مهما الناس قالوا انت مستني رأي واحد ان حد يقولك ارجع فانا هقولك ارجع بس اتحمب نتيجة اختيارك

[elrasy]

في طبع في المصريين للاسف زي ما رد عليك احد الاعضاء وقالك ان الناس طول الوقت بتشتكي وكلامه فعلا صحيح مش حتلاقي حد يقلك انا شغال وزي الفل , تقدر تقول بيخافوا من الحسد

اما بقي النقطة الجانب السياسي فسيبك من النوعية دي اللي عندها غياب للواقع , وعايز اقلك ان اغلب اللي بيشتكوا من حال مصر قاعدين في مصر وعندهم مدخرات وفي منهم اللي عنده بدل العربية اتنين .

نتكلم بقي من الجانب الاقتصادي البحت

احسن وقت تعمل فيه نفسك بجد في بلد لسه طالعه لانك حتبقي متميز عن الباقيين انك بتسثمر في وقت الكل مش موجود .
حوضحلك اكتر
مصر من بداية ثورة 25 يناير وهي في ازمة اقتصادية وكل يوم من سئ لاسوء لغاية اخر ست سبع شهور , بدأ يحصل تحسن علي المستوي العام طبعا التحسن دا مش حيلاحظه المواطن العادي , دا علي المستوي الاقتصاد ككل للدولة ودا بناء علي تقارير ومؤشرات دولية مش كلام جايبه من عندي , علشان بس متقلش عليه سيساوي :)
نيجي بقي للمفيد اغلب الناس دلوقت خايفة تسثمر في البلد , واللي شغال شغال بحذر ,الشاطر هنا بقي المغامر اللي هو يدخل في الوقت دا ويستثمر بشكل قوي علشان المنافسة حتبقي قليلة .
طبعا انا مش حقلك تسثمر في ايه ولكن في مجالات كتير واحسن حاجة تستثمر في مجال انت بتفهم فيه .
واقرب مثال لصحة كلامي اصحابك اللي ما شاء الله حالهم افضل
وعندي صديق فتح محل تجاري بمبلغ بسيط جدا في منطقة شعبية وبسم الله ما شاء الله دلوقت ,مع ان المحل مفتوح مكملش السنة .
بس في النهاية برضوا كل شئ وليه تمن , انت اه حتتعب هنا بس التعب حيبقي مختلف عن السعودية , وكل واحد وظروفه

وربنا يوفقك للافضل

اشكرك على كلامك الغير سوداوى

[elrasy]

مهما الناس قالوا انت مستني رأي واحد ان حد يقولك ارجع فانا هقولك ارجع بس اتحمب نتيجة اختيارك

لا ابدا و الله انا بدور على نصيحة بدون تحييز غير واقعى

[unl0veable]

في طبع في المصريين للاسف زي ما رد عليك احد الاعضاء وقالك ان الناس طول الوقت بتشتكي وكلامه فعلا صحيح مش حتلاقي حد يقلك انا شغال وزي الفل , تقدر تقول بيخافوا من الحسد

اما بقي النقطة الجانب السياسي فسيبك من النوعية دي اللي عندها غياب للواقع , وعايز اقلك ان اغلب اللي بيشتكوا من حال مصر قاعدين في مصر وعندهم مدخرات وفي منهم اللي عنده بدل العربية اتنين .

نتكلم بقي من الجانب الاقتصادي البحت

احسن وقت تعمل فيه نفسك بجد في بلد لسه طالعه لانك حتبقي متميز عن الباقيين انك بتسثمر في وقت الكل مش موجود .
حوضحلك اكتر
مصر من بداية ثورة 25 يناير وهي في ازمة اقتصادية وكل يوم من سئ لاسوء لغاية اخر ست سبع شهور , بدأ يحصل تحسن علي المستوي العام طبعا التحسن دا مش حيلاحظه المواطن العادي , دا علي المستوي الاقتصاد ككل للدولة ودا بناء علي تقارير ومؤشرات دولية مش كلام جايبه من عندي , علشان بس متقلش عليه سيساوي :)
نيجي بقي للمفيد اغلب الناس دلوقت خايفة تسثمر في البلد , واللي شغال شغال بحذر ,الشاطر هنا بقي المغامر اللي هو يدخل في الوقت دا ويستثمر بشكل قوي علشان المنافسة حتبقي قليلة .
طبعا انا مش حقلك تسثمر في ايه ولكن في مجالات كتير واحسن حاجة تستثمر في مجال انت بتفهم فيه .
واقرب مثال لصحة كلامي اصحابك اللي ما شاء الله حالهم افضل
وعندي صديق فتح محل تجاري بمبلغ بسيط جدا في منطقة شعبية وبسم الله ما شاء الله دلوقت ,مع ان المحل مفتوح مكملش السنة .
بس في النهاية برضوا كل شئ وليه تمن , انت اه حتتعب هنا بس التعب حيبقي مختلف عن السعودية , وكل واحد وظروفه

وربنا يوفقك للافضل

ردي خارج الموضوه انا عارف بس انا شايفان انت ردك اكتر رد محايد فى كل الردود وفعلا مستوي راقي

[MASERATI]

السلام عليكم و رحمة الله و بركاته

أنا نزلت مصر أسبوعين الشهر اللى فات و عشان عملت فيهم الرقم القومى اللى انتهى و أنا بره و جددت الباسبور و عملت الباسبور المميكن الجديد. طبعا لفيت فى شوارع المحروسة أما قلت بس و شفت قرف لا أول و لا آخر له. منها على سبيل المثال أنهم لغوا الباسبور اللى كان معايا قبل ماستلم الجديد. فهمتهم أنه لو الباسبور الجديد طلع فيه غلطة و لا اتأخر و لا أى حاجة, مش هقدر أسافر. و هما و لا هما هنا, و أما عرفوا كده كمان فى قسم جوازات المنصورة, قاموا لما لغوا الباسبور القديم خدوه و خلوه عندهم مع أنه المفروض يدهونى.

و اللهى فضلت طول الأجازة مكشر و مهموم و ماحستش براحة الا و السواق منزلى فى المطار عشان أرجع هنا.

البلد كل حاجة فيها وحشة جدا. أنا فاهم أنك نازل عاوز تعمل مشروع. بس اللى ماشى فى البلد دى اليومين دول الحاجة اللى فيها نصب أو رشوة أو احتكار. بمعنى, أنك لو عاوز مثلا تفتح -على سبيل المثال- مكتبة أدام مصلحة حكومية مثلا. عشان أمورك تمشى و تشتغل, لازم بشكل أو بآخر تحتكر و تمنع أى حد يقف بمكنة تصوير فى المكان. يعنى الشغل بيكون بالشكل ده. لكن تفتح مشروع و خلاص كده. هتلاقى كل الجهات الحكومية بتقرف فيك.

بلاش ترجع دلوقتى و استخير ربنا. و لو مش عاجبك العيشة فى السعودية عشان تحكم الكفيل هناك, افتكر تحكم و قرف الحكومة هنا اللى أسوأ من تحكم الكفيل بملايين المرات.

أنا أصلا أما قريت العنوان أنك عاوز ترجع مصر اتخضيت و اللهى.

[Mostafa Bedo]

بص حضرتك انا لحد دلوقتي رحت مع والدي تقريبا 7 دول واقدر اقلك مفيش دولة زي مصر والله يعني انا رحت فرنسا والمانيا وهولندا وبلجيكا وعلي النقيض رحت تشاد واثيوبيا والكاميرون و النيجر طبعا مصر ف المستوي تميل لاوروبا بنسبة 50% من واقع تجربة وطبعا مهما كان الانفلات الامني ف مصر مبتحسش بالامان غير فيها والله ودايما بتوحشك والكلام كتير والرزق علي ربنا لو انت ساكن ف مكان كويس ف مصر ارجع واشتغل وكون نفسك وتعالي مع اهلك وناسك ومهما حظ قلك مترجعش اكيد معظمهم مجربش الغربة
وربنا يوفقك لما فيه الخير وصلي استخارة وربنا معاك

[unl0veable]

بص حضرتك انا لحد دلوقتي رحت مع والدي تقريبا 7 دول واقدر اقلك مفيش دولة زي مصر والله يعني انا رحت فرنسا والمانيا وهولندا وبلجيكا وعلي النقيض رحت تشاد واثيوبيا والكاميرون و النيجر طبعا مصر ف المستوي تميل لاوروبا بنسبة 50% من واقع تجربة وطبعا مهما كان الانفلات الامني ف مصر مبتحسش بالامان غير فيها والله ودايما بتوحشك والكلام كتير والرزق علي ربنا لو انت ساكن ف مكان كويس ف مصر ارجع واشتغل وكون نفسك وتعالي مع اهلك وناسك ومهما حظ قلك مترجعش اكيد معظمهم مجربش الغربة
وربنا يوفقك لما فيه الخير وصلي استخارة وربنا معاك

+11111

[Abo_Mazen]

انا كل اللى بتمناه نصيحة مبنية على تجربة...

للاسف الانتماء السياسيى بيبعد الناس عن المصداقية .. يعنى تلاقى اخوانى احواله زى الفل و يقولك الدنيا منيلة... و تلاقى الناحية التانية سيساوى احواله زفت و يقولك الدنيا ورد

اتمنى نصيحة مبنية على خبرة

يعني هو حضرتك كل الساده الأفاضل اللي دخلوا ردوا على حضرتك مش قاعدين في مصر برضه ؟؟وعايشين فيها ..حضرتك عايز إيه تجربة أحسن من كده ..وبعدين هو أنا لما أقول لحضرتك الكهربا والمياه والمواصلات وفي زميل فاضل هنا أضاف من عنده حتى العربيه اللي هتركبها والطريق اللي هتمشي فيه ..كل ده هل ليه علاقة بالسياسة ..فين السياسه سيدي الفاضل في الموضوع؟؟ ..إحنا كل ده بنتكلم عن حال البلد ..هو حد فينا قال لحضرتك إنت إنتخبت مورسي ما تجيش ..أو واحد تاني قالك أنا إنتخبت السيسي تعالى ..الناس كلها بتتكلم عن حال إحنا عايشينه كل يوم ..وصابحين بايتين فيه ..في اللي شايف الإسود إسود ..وفي اللي شايف الأبيض أبيض ..وفي اللي شايف كل حاجه بالعكس ..الساده الأفاضل هنا طرحوا رأيهم ..حضرتك قلت علينا بنبتعد عن المصداقية عشان حضرتك شايف إن طرحنا لحال البلد جاي من تأثرنا بالسياسة ..طيب أقول لحضرتك على حاجه ..النور بيقطع ..البنزين غلي ..الأسعار نار ..الضرايب بتزيد ..الأمن منعدم..كل ده للأسف حال البلد ..ولإن الحال ده جاي نتيجية سياسة مش عاوز أقول رأيي فيها هنا ..وخلي بالك ..رأينا جاي نتيجية سياسة مش تأثر بالسياسة ..يعني نتيجة للسياسة بتاعة البلد كان اللي إحنا بنقول عليه ..فحضرتك ربطها بالسياسة ...عموما ..في حل أنا شايفه جميل قوي ..وفي ناس عملته ..حضرتك ممكن تنزل أجازة طويلة شوية ..ولتكن مثلا 6 أو 7 شهور ..وتحاول تشوف الدنيا هنا ماشيه إزاي ..يعني حاول تدخل في مصلحه كده صغيره ..حاول مثلا تعمل أي شغل هنا ..بس على شرط ..لو لقيت الكلام اللي إحنا قلناه على شاكلة الدنيا سواد ..لو لقيت الكلام ده حقيقي ..يبقى في هدوء كده تنسحب وترجع تاني ..بس ما تشتكيش ولا تحكي لحد عن تجربتك ..عشان محدش يقول إن إنتمائك السياسي مأثر عليك ..مش كده ولا إيه ؟؟؟؟

كل كلامي لحضرتك مش على محمل شخصي ..ياريت حضرتك ما تخدوش على محمل شخصي ..أنا معرفش حضرتك شخصيا ..ووجود حضرتك في مصر من عدمه مش فارق معايا ..أنا كل ما هنالك إني بقول رأيي

[swimmer25]

أولا أحييك على الأكورد
ثانيا
الرد يعتمد على

سنك؟
متجوز؟
عندك أسرة يعني أولاد؟
أسرتك معاك؟
والدك ووالدتك موجودين؟ إنت وحيد ولا معاهم ولد تاني مسؤول؟
مجال عملك في السعودية سهل إنك تلاقيه ولا هتتعب كتير عشان تلاقي ولو لقيت هيكون مرتب اقل؟

أنا وضعي قريب من وضعك بس قراري أصعب في التجهيز له !