مطلوب النصيحة ..هل ارجع مصر ؟

[Mohab.Nabil]

بص حضرتك انا لحد دلوقتي رحت مع والدي تقريبا 7 دول واقدر اقلك مفيش دولة زي مصر والله يعني انا رحت فرنسا والمانيا وهولندا وبلجيكا وعلي النقيض رحت تشاد واثيوبيا والكاميرون و النيجر طبعا مصر ف المستوي تميل لاوروبا بنسبة 50% من واقع تجربة وطبعا مهما كان الانفلات الامني ف مصر مبتحسش بالامان غير فيها والله ودايما بتوحشك والكلام كتير والرزق علي ربنا لو انت ساكن ف مكان كويس ف مصر ارجع واشتغل وكون نفسك وتعالي مع اهلك وناسك ومهما حظ قلك مترجعش اكيد معظمهم مجربش الغربة
وربنا يوفقك لما فيه الخير وصلي استخارة وربنا معاك

انا مرحتش دول افريقية عشان احكم عليهم

بس مقارنة مصر بالدول الاوروبية و خصوصا الـ 4 دول اللى بتتكلم عنهم دول اللى هما يعتبروا من انضف دول اوروبا صعبة جدا ..

الامن فى مصر سىء جدا بالمقارنة بأوروبا .. الدول اللى بتتكلم عنها ديه فين و فين لما حد بيثبت حد او يسرق عربيته .. شوف فى مصر السرقة عاملة ازاى

طبعا الفرق بين الشرطة فى مصر و فى الدول ديه فرق السما من الارض و ده اللى مخلى فرق الامن كبير جدا

[رحالة]

سيبك من الناس اللي بتقولك مصر وحشة
انت ترجع مصر وتعمل مشروع تسمين بهايم
بس مش بقري
في انواع تانية سوقها ماشي

[afndina]

انا مرحتش دول افريقية عشان احكم عليهم

بس مقارنة مصر بالدول الاوروبية و خصوصا الـ 4 دول اللى بتتكلم عنهم دول اللى هما يعتبروا من انضف دول اوروبا صعبة جدا ..

الامن فى مصر سىء جدا بالمقارنة بأوروبا .. الدول اللى بتتكلم عنها ديه فين و فين لما حد بيثبت حد او يسرق عربيته .. شوف فى مصر السرقة عاملة ازاى

طبعا الفرق بين الشرطة فى مصر و فى الدول ديه فرق السما من الارض و ده اللى مخلى فرق الامن كبير جدا

طبعا مفيش وجه مقارنة بين الدول الاوروبية والغربية وبين مصر , اي عاقل حيقول كدا
معاك الامن في مصر سئ بالمقارنة اوروبا لكن اوروبا برضوا مش جنه
لسه قاري خبر من كام يوم ان فرنسا قفلت برج ايفل بسبب عدد السرقات اللي اتعرض ليها السياح وان الموضوع اصبح سئ جدا والشرطة مش عارفه تعمل حاجة .
ومره سمعت بودني طلقات نار اثناء مكلمتي لواحد علي النت وهو ساكن في احد احياء ايطاليا
فالدنيا ليست وردية ومثالية في الدول الاوربية والغربية ولما سألته قالي دا عادي في الشارع اللي ساكن فيه :)
دا غير حوادث قتل الشرطة الامريكية للسود اللي بقالها كام شهر وعامله قلق في امريكا وغيره كتير
لكن برضوا طبعا افضل من مص
ر
وارجع واقول اللي حيسافر الدول دي يبقي عارف كويس ان حيشتغل بجد مش حيأنتخ زي ما هو مقضيها في مصر كدا , وحيدفع ضرائب عالية علي الدخل , مش زي مصر اغلب الناس مبتدفعش ضرائب .

كل ميزه حتحصل عليها بره حيبقي ليها مقابل

[رحالة]

اغلب الناس دلوقت خايفة تسثمر في البلد , واللي شغال شغال بحذر ,الشاطر هنا بقي المغامر اللي هو يدخل في الوقت دا ويستثمر بشكل قوي علشان المنافسة حتبقي قليلة

ياسلام على الافكار الحلوة هو ده التفكير الصح يا اخوانا

فعلا لما تشوف الناس كلها خايفة تدخل انت بتقلك وتكوش على السوق
ولازم ترمي فلوسك كلها مرة وحدة عشان يبقالك وزن

[elrasy]

السلام عليكم و رحمة الله و بركاته

أنا نزلت مصر أسبوعين الشهر اللى فات و عشان عملت فيهم الرقم القومى اللى انتهى و أنا بره و جددت الباسبور و عملت الباسبور المميكن الجديد. طبعا لفيت فى شوارع المحروسة أما قلت بس و شفت قرف لا أول و لا آخر له. منها على سبيل المثال أنهم لغوا الباسبور اللى كان معايا قبل ماستلم الجديد. فهمتهم أنه لو الباسبور الجديد طلع فيه غلطة و لا اتأخر و لا أى حاجة, مش هقدر أسافر. و هما و لا هما هنا, و أما عرفوا كده كمان فى قسم جوازات المنصورة, قاموا لما لغوا الباسبور القديم خدوه و خلوه عندهم مع أنه المفروض يدهونى.

و اللهى فضلت طول الأجازة مكشر و مهموم و ماحستش براحة الا و السواق منزلى فى المطار عشان أرجع هنا.

البلد كل حاجة فيها وحشة جدا. أنا فاهم أنك نازل عاوز تعمل مشروع. بس اللى ماشى فى البلد دى اليومين دول الحاجة اللى فيها نصب أو رشوة أو احتكار. بمعنى, أنك لو عاوز مثلا تفتح -على سبيل المثال- مكتبة أدام مصلحة حكومية مثلا. عشان أمورك تمشى و تشتغل, لازم بشكل أو بآخر تحتكر و تمنع أى حد يقف بمكنة تصوير فى المكان. يعنى الشغل بيكون بالشكل ده. لكن تفتح مشروع و خلاص كده. هتلاقى كل الجهات الحكومية بتقرف فيك.

بلاش ترجع دلوقتى و استخير ربنا. و لو مش عاجبك العيشة فى السعودية عشان تحكم الكفيل هناك, افتكر تحكم و قرف الحكومة هنا اللى أسوأ من تحكم الكفيل بملايين المرات.

أنا أصلا أما قريت العنوان أنك عاوز ترجع مصر اتخضيت و اللهى.




:_alshmokh08[1]::_alshmokh08[1]::_alshmokh08[1]:

لية بس اتخضيت :e_braces[1]:
فعلا فى روتين فى مصر يشل .. بس بردة احسن من انك يكون عندك حد عزيز تعبان فى مصر و مش عارف تشوفة علشان مستنى الكفيل يعملك خروج و عودة ... روتين السعودية اسوء كتير..

بص حضرتك انا لحد دلوقتي رحت مع والدي تقريبا 7 دول واقدر اقلك مفيش دولة زي مصر والله يعني انا رحت فرنسا والمانيا وهولندا وبلجيكا وعلي النقيض رحت تشاد واثيوبيا والكاميرون و النيجر طبعا مصر ف المستوي تميل لاوروبا بنسبة 50% من واقع تجربة وطبعا مهما كان الانفلات الامني ف مصر مبتحسش بالامان غير فيها والله ودايما بتوحشك والكلام كتير والرزق علي ربنا لو انت ساكن ف مكان كويس ف مصر ارجع واشتغل وكون نفسك وتعالي مع اهلك وناسك ومهما حظ قلك مترجعش اكيد معظمهم مجربش الغربة
وربنا يوفقك لما فيه الخير وصلي استخارة وربنا معاك

اشكرك على كلامك .. و بمناسبة السفر .. انت كنت فى باريس من فترة بسيطة و شفت كميه شحاتين كتير و ناس حاجاتها اتسرقت ومش عارفة تتصرف .. فعلا مصر مش بالسوء دة

يعني هو حضرتك كل الساده الأفاضل اللي دخلوا ردوا على حضرتك مش قاعدين في مصر برضه ؟؟وعايشين فيها ..حضرتك عايز إيه تجربة أحسن من كده ..وبعدين هو أنا لما أقول لحضرتك الكهربا والمياه والمواصلات وفي زميل فاضل هنا أضاف من عنده حتى العربيه اللي هتركبها والطريق اللي هتمشي فيه ..كل ده هل ليه علاقة بالسياسة ..فين السياسه سيدي الفاضل في الموضوع؟؟ ..إحنا كل ده بنتكلم عن حال البلد ..هو حد فينا قال لحضرتك إنت إنتخبت مورسي ما تجيش ..أو واحد تاني قالك أنا إنتخبت السيسي تعالى ..الناس كلها بتتكلم عن حال إحنا عايشينه كل يوم ..وصابحين بايتين فيه ..في اللي شايف الإسود إسود ..وفي اللي شايف الأبيض أبيض ..وفي اللي شايف كل حاجه بالعكس ..الساده الأفاضل هنا طرحوا رأيهم ..حضرتك قلت علينا بنبتعد عن المصداقية عشان حضرتك شايف إن طرحنا لحال البلد جاي من تأثرنا بالسياسة ..طيب أقول لحضرتك على حاجه ..النور بيقطع ..البنزين غلي ..الأسعار نار ..الضرايب بتزيد ..الأمن منعدم..كل ده للأسف حال البلد ..ولإن الحال ده جاي نتيجية سياسة مش عاوز أقول رأيي فيها هنا ..وخلي بالك ..رأينا جاي نتيجية سياسة مش تأثر بالسياسة ..يعني نتيجة للسياسة بتاعة البلد كان اللي إحنا بنقول عليه ..فحضرتك ربطها بالسياسة ...عموما ..في حل أنا شايفه جميل قوي ..وفي ناس عملته ..حضرتك ممكن تنزل أجازة طويلة شوية ..ولتكن مثلا 6 أو 7 شهور ..وتحاول تشوف الدنيا هنا ماشيه إزاي ..يعني حاول تدخل في مصلحه كده صغيره ..حاول مثلا تعمل أي شغل هنا ..بس على شرط ..لو لقيت الكلام اللي إحنا قلناه على شاكلة الدنيا سواد ..لو لقيت الكلام ده حقيقي ..يبقى في هدوء كده تنسحب وترجع تاني ..بس ما تشتكيش ولا تحكي لحد عن تجربتك ..عشان محدش يقول إن إنتمائك السياسي مأثر عليك ..مش كده ولا إيه ؟؟؟؟

كل كلامي لحضرتك مش على محمل شخصي ..ياريت حضرتك ما تخدوش على محمل شخصي ..أنا معرفش حضرتك شخصيا ..ووجود حضرتك في مصر من عدمه مش فارق معايا ..أنا كل ما هنالك إني بقول رأيي

لا ابدا انا بشكرك على اهتمامك

أولا أحييك على الأكورد
ثانيا
الرد يعتمد على

سنك؟
متجوز؟
عندك أسرة يعني أولاد؟
أسرتك معاك؟
والدك ووالدتك موجودين؟ إنت وحيد ولا معاهم ولد تاني مسؤول؟
مجال عملك في السعودية سهل إنك تلاقيه ولا هتتعب كتير عشان تلاقي ولو لقيت هيكون مرتب اقل؟

أنا وضعي قريب من وضعك بس قراري أصعب في التجهيز له !

السن38 ومعايا اسرتى
و والدتى موجودة بمصر وتعتبر وحيدة لانى اخواتى غيرمسئولين بالمرة
مجال عملى موجود فى مصر بس اكيد المرتب هيكون اقل

[afndina]

سيبك من الناس اللي بتقولك مصر وحشة
انت ترجع مصر وتعمل مشروع تسمين بهايم
بس مش بقري
في انواع تانية سوقها ماشي

للاسف من بعد ما الخرفان قلبت قطط وسوق المواشي واقف :)

[elrasy]

طبعا مفيش وجه مقارنة بين الدول الاوروبية والغربية وبين مصر , اي عاقل حيقول كدا
معاك الامن في مصر سئ بالمقارنة اوروبا لكن اوروبا برضوا مش جنه
لسه قاري خبر من كام يوم ان فرنسا قفلت برج ايفل بسبب عدد السرقات اللي اتعرض ليها السياح وان الموضوع اصبح سئ جدا والشرطة مش عارفه تعمل حاجة .
ومره سمعت بودني طلقات نار اثناء مكلمتي لواحد علي النت وهو ساكن في احد احياء ايطاليا
فالدنيا ليست وردية ومثالية في الدول الاوربية والغربية ولما سألته قالي دا عادي في الشارع اللي ساكن فيه :)
دا غير حوادث قتل الشرطة الامريكية للسود اللي بقالها كام شهر وعامله قلق في امريكا وغيره كتير
لكن برضوا طبعا افضل من مص
ر
وارجع واقول اللي حيسافر الدول دي يبقي عارف كويس ان حيشتغل بجد مش حيأنتخ زي ما هو مقضيها في مصر كدا , وحيدفع ضرائب عالية علي الدخل , مش زي مصر اغلب الناس مبتدفعش ضرائب .

كل ميزه حتحصل عليها بره حيبقي ليها مقابل

فعلا انا كنت فى باريس من فترة بسيطة و السرقات كتيرة جدا والشحاتين كمان
(ودى صورة شحاتة نايمة فى اشهر شارع هناك الشنزليزية

[afndina]

ياسلام على الافكار الحلوة هو ده التفكير الصح يا اخوانا

فعلا لما تشوف الناس كلها خايفة تدخل انت بتقلك وتكوش على السوق
ولازم ترمي فلوسك كلها مرة وحدة عشان يبقالك وزن

الافكار الحلوة دي مش ليك ,انت مش محتاج فلوس , هي الجماعة مش عملالك مرتب ولا انت مشاركاتك مش عجباهم اليومين دول وعايز تزود دخلك :)

[afndina]

فعلا انا كنت فى باريس من فترة بسيطة و السرقات كتيرة جدا والشحاتين كمان
(ودى صورة شحاتة نايمة فى اشهر شارع هناك الشنزليزية

العالم بقاله فترة بيعاني من ازمة اقتصادية وشركات كبيرة سرحت عمال بالهبل , وفي دول فلست زي اليونان اللي مش عارفه تسدد ديونها والاتحاد الاوروبي بيحاول ينقذ نفسه من الانهيار .
ولو متلحقش الوضع ممكن تلاقي اوروبا دي بقت اسوء من مصر اللي مش عجبه الناس واظن الشغب والسرقات اللي حصلت في لندن ابسط مثال .

زمان كنت ممكن تسافر اوروبا ولا امريكا ولا اي دولة غربية تعرف تعمل فلوس وتحوش
النهاردة يدوبك تعيش كويس
بكره الله العالم ممكن يبقي شكله ايه

[رحالة]

الافكار الحلوة دي مش ليك ,انت مش محتاج فلوس , هي الجماعة مش عملالك مرتب ولا انت مشاركاتك مش عجباهم اليومين دول وعايز تزود دخلك :)

الجماعة بتوعي قاعدين ف البيت
احنا ما بنشغلش حريمنا زيكو

[elrasy]

يا جماعه مش عايزين نزعل من بعض كلنا اخوات

[afndina]

الجماعة بتوعي قاعدين ف البيت
احنا ما بنشغلش حريمنا زيكو

لا وانت الصادق الجماعة قاعدين في التخشيبة :)
بس بصراحة رجالة علي الاقل مش قاعدين ورا شاشات وقاعدين يلقحوا كلام زي الحريم
قالوا للي مش عجبنهم لا في وشهم , مش زي غيرهم عمل نفسه قطه علي انه يفضل خروف :)

[محمد عز]

طالما بتقول انك قاعد من الشغل ولسه بتدور ، تبقى بسيطة لو ما توفقتش فى شغل عندك لازم هتنزل مصر لان صعب تعيش فى الخليج بدون مرتب لان المعيشة غالية

والله لاقيت شغل كان بها ، ملا قتيش انزل مصر وتوكل وعيش

[afndina]

يا جماعه مش عايزين نزعل من بعض كلنا اخوات

انا اسف بجد اني شوهت موضوعك بالردود علي الاشكال دي , بس تابع انت مشاركتهم حتلاقيهم اي موضوع بيدخلوا يقلبوه سياسة , وبصراحة الادارة مش بتاخد اي قرار جدي معاهم .
مره الواحد يعدي ومنردش عليهم وساعات الواحد بيرد عليهم برضوا كنوع من اخراج الطاقة السلبية :)

[مُصْطٓفٓى]

انا اسف بجد اني شوهت موضوعك بالردود علي الاشكال دي , بس تابع انت مشاركتهم حتلاقيهم اي موضوع بيدخلوا يقلبوه سياسة , وبصراحة الادارة مش بتاخد اي قرار جدي معاهم .
مره الواحد يعدي ومنردش عليهم وساعات الواحد بيرد عليهم برضوا كنوع من اخراج الطاقة السلبية :)

هو اسلوبك عامل كده ليه
وايه لفظ "الاشكال ده"
انتقى الفاظك وخليك مدرك انك في منتدى محترم
الاسلوب والالفاظ اللي بتتعامل بيه في مجتمعك الخاص مش عايزين نشوفها هنا
الادب وحسن الخلق ارضية يجب توفرها في اي حوار سواء كان سياسي او غير سياسي
لكن الطريقة ده والتلميحات غير المناسبة للشخصيات المحترمة اللي في المنتدي مش حابين نشوفها هنا
وزي ما بنقول لاما تقعد وتتكلم كويس او تترك المنتدى وتاخد راحتك بعيد عننا