ما هى الجهه المراقبة للبنوك لانى هشتكى فرع البنك الاهلى المصرى

[atshe]

بسم الله الرحمن الرحيم

فى البداية انا عميل للبنك الاهلى المصرى فرع القاهرة دخلت فرع اسكندرية وبسحب عملة اجنبية

صورة البطاقة مش واضحة طلعت صورة كارينة النقابة وسحبت تانى يوم لا ده مش انت وهنبعت للفرع بتاعك بعد مامضيت على الاستلام واتخصم المبلغ

الايميل هيوصل للفرع بتاعك بعد ربع ساعه اتفضل ارتاح من الساعه 9 للساعه 11 انفجرت غضبا وعليت صوتى انتوا فاكرين اية تاخدوا فلوسى انا مش هسيبكوا

3 دقايق بالظبط اتفضل يافندام الايميل وصل واستلم فلوسك واحنا بنخدمك خدمة محدش هيعملهالك

عايز اعرف اية الجهه المختصه بالموضوع وهيبقى فيه نتيجة للمهزلة دى ولا لاء

[Bassem Youssef]

ده مش بنك حكومي ... ده حمام عمومي

[graffittiii]

دخلت فرع اسكندرية وبسحب عملة اجنبية

دي طريقة البنوك الحكومية مع أي حد بيسحب عملة أجنبية .
ماتصدعش نفسك شكوتك مش هتجيب نتيجة هما غالبا عندهم تعليمات بــ كده .

[mk3]

انت mondi liza

[فتح الباب]

افتكر فى ظل ظروف النصب والهكر وانتحال الشخصيات واختراق الحسابات اللى عمله البنك ده صح لانه كده تتاكد ان حسابك محفوظ حتى تحت اى ظرف والدليل اللى عملوه معاك وده بياكد للمسئولين ان البنك اكثر دقه وجهة نظرى ارجو تقبلها

[unl0veable]

افتكر فى ظل ظروف النصب والهكر وانتحال الشخصيات واختراق الحسابات اللى عمله البنك ده صح لانه كده تتاكد ان حسابك محفوظ حتى تحت اى ظرف والدليل اللى عملوه معاك وده بياكد للمسئولين ان البنك اكثر دقه وجهة نظرى ارجو تقبلها

[maio_do]

هى مشكلة كل البنوك الحكومية كده

[M.Elwan]

في اداة في البنك المركزي في شارع الجمهوريه اسمها ادارة الرقابة علي البنوك
اعتقد والله اعلم انها مختصه بالشكاوي دي

[misry]

افتكر فى ظل ظروف النصب والهكر وانتحال الشخصيات واختراق الحسابات اللى عمله البنك ده صح لانه كده تتاكد ان حسابك محفوظ حتى تحت اى ظرف والدليل اللى عملوه معاك وده بياكد للمسئولين ان البنك اكثر دقه وجهة نظرى ارجو تقبلها

معلش هو حضرتك قريت الموضوع كويس ...؟!

الراجل بيقول لطعوه ساعتين ولما زعقلهم الايميل وصل ... هل ده طبيعي ؟

[Mecha]

رغم انها مشكله بسيطه وبيتحققوا من هويتك , تقدر تشتكي للبنك المركزي مايسترو البنوك.

[dede_dodo88]

بسيطة, وفر على نفسك سكة الشكاوى و خلي تحقيق الشخصية اللي معاك يكون واضح..

[nilmaster]

اللى حصل طبيعى عند السحب من فروع تاانيه غير فرعك طالما البطاقة مش واضحة
وبتسحب عمله اجنبية كمان
موضوع الايميل اتاخر ساعتين فى دى بترجع لظروف الفرع اللى فاتح فيه حسابك وضغط العمل
معلشى انا مش شايف الموضوع يستاهل الشكوى .
حضرتك ممكن تحدث بيانات فى البنك بحيث السحب يبقى اسرع بدون شكوك

[gade2]

مفيش شكوى بتجيب حق ولا باطل مع البنوك ...من الاخر