محتاج رأيكم بخصوص شقتى !!!!!

[mohawebas]

السلام عليكم

مشكلتي بأختصار اني شارى شقة ملك في عمارة 5 اداور (الدور شقة)

انا شقة و2 جيراني كل واحد في شقة

اما الشفتين التانيين جه سمسار مؤخرا واشتراهم من ملاكهم وابتدت بقي رحلة الزن علي الودان اننا كملاك نهد البيت ونطلع بعمارة جديدة لدرجة انه بيروح لواحد واحد يعرض عليه يشتري شقته بفلوس او شقة بديلة
وكل محاولاته انتهت بالرفض وتصميمنا علي اننا قاعدين في العمارة دي بوضعها دا للأبد

الفكرة كلها اني مينفعش ابيع حاليا ولا امشي لأني لسه شاري من فترة قريبة ويدوب شطبت وهأبدا اعيش فيها .. الساكنين الاتنين رافضين برده فكرة الهد بس مشكلتهم انهم علطووووول مسافرين يعني اصبحت انا لوحدي في شقتى في العمارة وانا اللي متصدر معاه دايما

دلوقتي انا ناعي هم السمسار ده ممكن يعمل حاجه لأنه اكيد مش هيستسلم .. ولا ايه ؟؟ خايف يغلس او ينخور في العمارة لحد ما تقع مثلا ؟؟ انا مش عاوز غير الاستقرار وماليش في المشاكل

تنصحوني بايه يا اهل الخبرة

[امجد مروان 454]

ليك نسبة فی الارض؟
وعمر المبنی كام سنة؟واخبار الحی ايه؟

[subhimust]

يا باشا جمد قلبك ما تخافشي هو هيوقع العمارة عليكم يعني
انسى الموضوع خالص ولا تشغل بالك لان تفكيرك في الموضوع ممكن يخليك تاخد قرار غلط

[mohawebas]

ليك نسبة فی الارض؟
وعمر المبنی كام سنة؟واخبار الحی ايه؟

ليا نسبة اكيد متقمسه علينا علي الخمس شقق بالتساوى
المبني من 18 سنة تقريبا

[mohawebas]

يا باشا جمد قلبك ما تخافشي هو هيوقع العمارة عليكم يعني
انسى الموضوع خالص ولا تشغل بالك لان تفكيرك في الموضوع ممكن يخليك تاخد قرار غلط

يعني رأي حضرتك اتعامل عادي جداااا ولا ليا علاقة بيه اصلا

[hugan]

كارثه وابتلينا بيها
عندنا في الشارع نفس المشوار
حاجه اخر قرف
عموما مش هايقدر يعمل حاجه طالما معاك سكان
الخو ف كل الخوف من انه يجيب او يعرف يطلع قرار ازاله
في الحاله دي وﻻ هاتطول ابيض وﻻ اسود خلي بالك
لكن لو هاتاخد فلوس مرتاحه تعرف تشتري بيها شقه زي شقتك
وتعوض مصاريفك
خلص

[afndina]

قله استعوض ربنا في تمن الشقتين مفيش حد حيبيع شققه في العمارة

[امجد مروان 454]

ليا نسبة اكيد متقمسه علينا علي الخمس شقق بالتساوى
المبني من 18 سنة تقريبا

طالما ليك نسبة يبقی ولا يهمك
متشغلش بالك ولاتفكر فی الموضوع اصلا هو بس هيكتر من الزن لكن ما يقدرش يعمل ای حاجة
وبعدين اكيد كلنا مبنحبش المشاكل لكن انك تخاف كده وانت معاك الحق ده غلط

[mohawebas]

كارثه وابتلينا بيها
عندنا في الشارع نفس المشوار
حاجه اخر قرف
عموما مش هايقدر يعمل حاجه طالما معاك سكان
الخو ف كل الخوف من انه يجيب او يعرف يطلع قرار ازاله
في الحاله دي وﻻ هاتطول ابيض وﻻ اسود خلي بالك
لكن لو هاتاخد فلوس مرتاحه تعرف تشتري بيها شقه زي شقتك
وتعوض مصاريفك
خلص

ازاي يقدر يجيب قرار ازلة ؟؟
وهل حتي لو جاب قرار ازالة هيقدر يبني ازاي واحنا لينا حصص في الارض ؟

[mohawebas]

طالما ليك نسبة يبقی ولا يهمك
متشغلش بالك ولاتفكر فی الموضوع اصلا هو بس هيكتر من الزن لكن ما يقدرش يعمل ای حاجة
وبعدين اكيد كلنا مبنحبش المشاكل لكن انك تخاف كده وانت معاك الحق ده غلط

متشكر جدا ليك وجزاك الله كل خير

[بحار]

مالوش عندك حاجه .. ولو العمارة اتهدت مثلا بقول مثلا .. لكم حصه فى الارض ..
ايه يضمن له انكم توافقوا على الاشتراك معاه فى بناء جديد ..
مايقدرش يعمل حاجه غير انه يزن ويغريكم بعروض زياده كل فترة ..

[hugan]

ازاي يقدر يجيب قرار ازلة ؟؟
وهل حتي لو جاب قرار ازالة هيقدر يبني ازاي واحنا لينا حصص في الارض ؟

كده الوضع مختلف
طالما ليكم حصه في اﻻرض مايقدرش بعمل حاجه

[ali ashraf]

عندى راى مختلف

معلش انا عندى راى مختلف ممكن يكون اللى بيحصل ده مكسب لك.....طب ازاى..؟ القصة دى بقت مشهورة جدا فى المعادى الفلل بتتهد و تصبح ابراج ...و بغض النظر عن الاخطاء العديدة من الموضوع ده انما ده الامر الواقع....وده بسبب قانون التصالح اللى هيتعمل بعد وجود مجلس الشعب الكل بيهد و يطلع ابراج....المهم ننيجى لموضوع حضرتك ...الاخ السمسار و المقاول اللى تبعه بيكسبوا عدة ملايين من الموضوع ده حسب المكان و المساحة و ارتفاع البرج و عادة بيكون فى حدود 14 طابق و لما تفكر هتكتشف انك الطرف الاقوى لأن حضرتك فى ايدك تفشل او تنجح مشروعهم و بالتالى ممكن حضرتك تشوف شقة اوسع و اكبر فى مكان يناسبك و تأخذ فرق كمان غير ثمن الشقة و التشطيب يعنى كأنك بتعمل شقة جديدة احسن و ممكن تكسب فوقهم مبلغ من المال ...الكل ماشى كده فى المعادى حتى مع المستأجرين مش الملاك لو عندك شقة قديمة ممكن تساوهم تأخذ شقتين بعد انتهاء البرج. بدلا من شقة فى مكان تانى

[drcobra]

ربنا معاك النفوس المريضة زادت اوى فى البلد

[rotanamasoud]

معلش انا عندى راى مختلف ممكن يكون اللى بيحصل ده مكسب لك.....طب ازاى..؟ القصة دى بقت مشهورة جدا فى المعادى الفلل بتتهد و تصبح ابراج ...و بغض النظر عن الاخطاء العديدة من الموضوع ده انما ده الامر الواقع....وده بسبب قانون التصالح اللى هيتعمل بعد وجود مجلس الشعب الكل بيهد و يطلع ابراج....المهم ننيجى لموضوع حضرتك ...الاخ السمسار و المقاول اللى تبعه بيكسبوا عدة ملايين من الموضوع ده حسب المكان و المساحة و ارتفاع البرج و عادة بيكون فى حدود 14 طابق و لما تفكر هتكتشف انك الطرف الاقوى لأن حضرتك فى ايدك تفشل او تنجح مشروعهم و بالتالى ممكن حضرتك تشوف شقة اوسع و اكبر فى مكان يناسبك و تأخذ فرق كمان غير ثمن الشقة و التشطيب يعنى كأنك بتعمل شقة جديدة احسن و ممكن تكسب فوقهم مبلغ من المال ...الكل ماشى كده فى المعادى حتى مع المستأجرين مش الملاك لو عندك شقة قديمة ممكن تساوهم تأخذ شقتين بعد انتهاء البرج. بدلا من شقة فى مكان تانى

انا مع الرئى ده ايه المانع لو الشقه ب300 تطلب 500 او 600 وتحط رجل على رجل واذا كان عجبه
كده يا حيبطل زن ياحيستسلم ويدفع وانت الكسبان