عدلت الوظيفه فى البطاقه بس فيه أ و ل زياده -_-

[a raafat]

السلام عليكم

مش هطول عليكم انا روحت عدلت الوظيفه فى البطاقه بتاعتى والمفروض الوظيفه بتاعتى أخصائى موارد بشريه
من سوء حظى وقعت فى موظفين اغبياء فى القسم اللى انا تابع ليه وكتبوها فى البطاقه أخصائى الموارد البشريه -_- فى أ و ل زياده مضايقينى اوى ده غير ان اسم الشركه اسم مركب من كلمتين الأغبيا برده مش سايبين مسافه بين الكلمتين حاطينهم ورا بعض وكأنهم كلمه واحده

ايه رأيكم اروح اجيب استماره جديده واطلع برنت تأمينات تانى واعدلها ولا مش مستاهله ؟
الصراحه مش مرتاح بيها كده ومضيقانى

[Omar2017]

بص يا باشا انت عارف طبعا علشان تطلع بطاقة بتقف اد اية طوابير و عطلة و العاملات بيعدوا اد اية يفطروا دة غير ان 90% من الشغال دبلومات تجارة و تلاقيهم منفوخين نفخة بنت 60x70 و هما مش فاهمين حاجة
لو عندك استعداد تاني روح

[a raafat]

بص يا باشا انت عارف طبعا علشان تطلع بطاقة بتقف اد اية طوابير و عطلة و العاملات بيعدوا اد اية يفطروا دة غير ان 90% من الشغال دبلومات تجارة و تلاقيهم منفوخين نفخة بنت 60x70 و هما مش فاهمين حاجة
لو عندك استعداد تاني روح

شكرا يا باشا عالرد والاهتمام
هوه انا القسم اللى تابع ليه الى حدا ما هادى مش زحمه بروح يوم اجازتى السبت الصبح الساعه 9 هما لسه بادئين وانجز نفسى

[engineer_Amr]

أنا رأيى تروح تعدلها طالما مش مبسوط
أنا كان برضة عندى مشكلة زيك كدة فى البطاقة ومرتحتش غير لما عدلتها بطاقة ورخصة

[accord]

فعلا بلاحظ دايما انهم بيلزقوا كلمات المهنة في بعض وعمري ما شفت تاء مربوطة نهائي سواء في الاسم او العنوان او الوظيفة كله بالهااااااااء حاجة تحير

[Mohamed_Hamid]

انا بقى عندى حرف أ ناقص من الوظيفة لو ينفع تسلفنى أ الزيادة عندك :)
انا كبرت دماغى ادام شوية ابقى أعدلها ان شاء الله

[Abo_Mazen]

هي البطاقة الشخصية دي أصلا ما أفتكرش إني أستخدمتها غير قدام المأذون ..وبعض المواقف العارضه ..زي مثلا عمل توكيل أو إستلام مستند بتوقيع رسمي ...ده مشوار قسم الشرطة ده تقيل بشكل ..هو والمرور ...وبعدين معروف أصلا إن بطايقنا اللي معانا دي ..اللي فيها لا هي صورنا ..ولا أسمائنا ..لو دققت في إسمك هتلاقي فيه همزه ناقصه ..هتلاقي تاء مربوطه من غير نقطتين ...بكمالة بقى ..عارف لو كارنيه نقابه أو جواز سفر ..كنت قلتلك إهتم وبتاع ..لكن البطاقة الشخصية !!!!!

[طارق _عبد السلام]

مش مشكله ال أ..و.ل.. المشكله يعرفوا يصورونا الاول .. دى الصوره لوحدها مأساه

[ainshouka]

السلام عليكم

مش هطول عليكم انا روحت عدلت الوظيفه فى البطاقه بتاعتى والمفروض الوظيفه بتاعتى أخصائى موارد بشريه
من سوء حظى وقعت فى موظفين اغبياء فى القسم اللى انا تابع ليه وكتبوها فى البطاقه أخصائى الموارد البشريه -_- فى أ و ل زياده مضايقينى اوى ده غير ان اسم الشركه اسم مركب من كلمتين الأغبيا برده مش سايبين مسافه بين الكلمتين حاطينهم ورا بعض وكأنهم كلمه واحده

ايه رأيكم اروح اجيب استماره جديده واطلع برنت تأمينات تانى واعدلها ولا مش مستاهله ؟
الصراحه مش مرتاح بيها كده ومضيقانى

هل طلبوا منك اثبات انك سبت الوظيفه القديمه زى استقاله مثلا

[a raafat]

شكرا يا جماعه عالردود والاهتمام
والله فعلا البطايق بتاعتنا دى كلها اخطاء وصور رايحه فى داهيه تقدر تقول ملهاش لزمه مالاخر
بس انا للأسف دايما بهتم بالتفاصيل الصغيره دى وبتهمنى وبناء عليه هبدأ فى خطوات أستخراج بطاقه جديده وافهمهم بقى ميغلطوطش الغلطات دى تانى كأنى بفهم عيال فى حضانه -_-

[a raafat]

هل طلبوا منك اثبات انك سبت الوظيفه القديمه زى استقاله مثلا

مطلبوش لانى معنديش وظيفه قديمه دى اول وظيفه ليا