حد جرب يتعامل مع معرض ياسر العوضي للاثاث بدمياط

[punisher]

دلولقتي انا اشتريت اوضتين من عنده وبصراحه نفسيا مش مرتاح وقريت موضوع ع النت وكله هجوم عليه

حد جرب يتعامل معاه

ايه اخبار الجوده والخشب؟

[omar101970]

حضرتك اشتريت الأودتين فعلا واستلمت؟ ولا لسه .
بمعنى هل لسه فيه مجال للتراجع ولا خلاص الموبيليا عندك.
أنا كان ليا تجربه معه والحمد لله الموضوع اتحل ومش استلمت الموبيليا واسترديت كل فلوسى.

[punisher]

لا لسه هستلم يوم 5/7

ممكن توضح سبب رفصك للاستلام؟

[Abo_Mazen]

ممكن توضيح من الساده أصحاب التجارب السابقة عن مشاكلهم مع المكان ده للعلم فقط

[punisher]

ده اللي انا نفسي فيه ان الناس تشارك تجاربها

[Abo_Mazen]

ده اللي انا نفسي فيه ان الناس تشارك تجاربها

ما هو فيه ناس بتستحرم وتقولك مش عايزين نشهر بحد ..بس أنا بقول إن عرضك للتجربة بحياد وذكر كل تفاصيلها كأنها مش بتاعتك وكأنك بتنقلها عن حد تاني متعرفوش عشان ما تبقاش منحاز في عرضك ..هيكون أفضل لينا كلنا

[punisher]

تمام كده... وهو لو حد مش كويس فعلا يبقي مفيهاش تشهير ولا حاجه

ف عايزين اللي اتعامل معاه فعلا يقولنا انطباعه عن الجوده والخشب وهل تستاهل المخاطره ولا اسحب فلوسي واخسر 2000 جنيه ف الاوضتين وخلاص

[omar101970]

انا حاحكى تجربتى بمنتهى الحياديه
من حوالى 3 سنين كنت باجهز شقتى الجديده وجبت الريسبشن موبيليا تركى والّزوق مودرن من اسكندريه
وقلت اجيب اودة النوم الرئيسيه واودتين الاولاد من دمياط يعنى علشان تبقى حاجه قويه وتستحمل وقلت افصلهم عند ياسر العوضى
اعدت اربع شهور رايح جاى على الطريق الدولى وهو شغال فى 3 اود
الخشب والجوده بتاعته كويسه
وبعد اربع شهور ولما خلص الدهان كل اللى أأدر أقوله ان مراتى حصلها انهيار عصبى من سوء الدهان
بصراحه هى دى امكانياته صحيح خشب كويس لكن فينش وتشطيب ضعيف جدا
المهم لما رجعنا البيت كلمته وقلتله انا مش عاوز الشغل دا خالص وبصراحه طلع راجل كويس وقالى حابعتلك فلوسك على حسابك فى البنك بتاعك ومافيش داعى تيجى دمياط وفعلا حولى كل اللى دفعته على حسابى البنكى.

[Abo_Mazen]

انا حاحكى تجربتى بمنتهى الحياديه
من حوالى 3 سنين كنت باجهز شقتى الجديده وجبت الريسبشن موبيليا تركى والّزوق مودرن من اسكندريه
وقلت اجيب اودة النوم الرئيسيه واودتين الاولاد من دمياط يعنى علشان تبقى حاجه قويه وتستحمل وقلت افصلهم عند ياسر العوضى
اعدت اربع شهور رايح جاى على الطريق الدولى وهو شغال فى 3 اود
الخشب والجوده بتاعته كويسه
وبعد اربع شهور ولما خلص الدهان كل اللى أأدر أقوله ان مراتى حصلها انهيار عصبى من سوء الدهان
بصراحه هى دى امكانياته صحيح خشب كويس لكن فينش وتشطيب ضعيف جدا
المهم لما رجعنا البيت كلمته وقلتله انا مش عاوز الشغل دا خالص وبصراحه طلع راجل كويس وقالى حابعتلك فلوسك على حسابك فى البنك بتاعك ومافيش داعى تيجى دمياط وفعلا حولى كل اللى دفعته على حسابى البنكى.

هو لغاية هنا ..راجل تمام ...خلاص ..يبقى إحنا نعلم عليه في موضوع الدهانات والتفنيش ..يبقى هو يعمل الشغل بس والتفنيش والدهانات أو شغل السروجي عموما يتعمل بره

[punisher]

انا لغيت السفره تاني يوم وهشتريها من اسكندريه وطبعا هيدفعني الف جنيه غرامه عليها

هاخد النوم مش حبا فيها بس عشان مش لاقي بديل هنا وعشان مقاسها ينفع عندي

الملخص بالنسبالي مفيش راحه نفسيه

المعرض كويس للي بيدور ع حاجه متوسطه وعايز يفرش شقته ف المعقول ويخلص

[punisher]

تم استلام غرفه النوم ... وتقريبا نسوا يدفعونى ال 1000 جنيه غرامه عشان لغيت السفره

طبعا مستوى التشطيب سىء جدا جدا جدا لدرجه انى مجمع اوضتى من 3 غرف

السرير من اوضه

الدولاب من اوضه

التسريحه من اوضه

طبعا ال 3 غرف نفس الشكل بس فى اختلاف بسيط فى درجه اللون

ولما الحاجه اتحملت نسوا تقريبا كل الازاز

تجربه فاشله ولا يمكن اروح هناك تانى

[A_AMR_86]

انا ليا رأئ بس بدون تجربة المعرض دة

انا لما بحب اشترى حاجه احب اشوفها قدام عينى لا من كتالوج ولا تتصنعلى
للاثاث مثلا فى دمياط
بتتفرج على الغرفة ولو عجباك تمام تخليه يفكها وتاخدها
ولو مش هتقف لحد لما تتفك وتمشى مع العربية
هتجيب قلم وتمضى خلف كل الخشب علشان تضمن ان هو اللى جالك
وباقى الفلوس عند الاستلام