ايه موقف الإدارة من السب والشتائم من خلال الرسائل الخاصة

[مُصْطٓفٓى]

السلام عليكم ورحمة الله وبركاته

أعلم أن الشتائم والسباب دليل على ضعف المنطق وأيضا قذارة المستوى الإجتماعي لهذه العينة القذرة
والتي لا تملك سوى الألسنة الطويلة المتسخة والعقول العفنة وقلوب تشربت النجاسات حتى ألفتها فباتت تبحث عنها هنا وهناك

الليلة تلقيت عدة رسائل من العضو أفندينا بها من السباب والشتائم ما تعف يدي عن نقلها هنا في الموضوع

وأريد أن أعرف موقف الإدارة مع هذه التجاوزات ؟

شكرا لكم

[misry]

اعمل لها سكرين شوت وبلغ الادارة

[ENG.MaRk]

لا تأسفن على غدر الزمان لطالما ... رقصت على جثث الأسود كلاب
لاتحسبن برقصها تعلو على أسيادها ... تبقى الأسود أسوداً والكلاب كلاب
"الرد علي السفيه مذلة" ... طبعاً أنا مش قصدي أي إهانة ولا أقصد بكلامي ده العضو الفاضل اللي شتمك منعاً للفهم الخاطئ بس اللي أقصد أقوله إن في مصر بالذات الناس بتبقي مصممة توصل فكرتها حتي لو غلط و عندها استعداد تتخانق لأتفه الأسباب ... ماعندناش skills الحوار أو الاختلاف في الرأي ... خليك انت الكبير و عدّي لأن الtolerance spirit و ابتسامك في وجه عدوك تزيد من قوة موقفك و تجبره علي الاعتذار أو تثبت الخطأ عليه ... أنا اتشتمت كتير inbox برضه و بدون أي سبب لمجرد إني بأدافع عن الDSG لقيت واحد داخل يقولي إني مش مهندس أصلاً و اللي سماني مهندس غلط و أنا مش بأفهم حاجة في العربيات لمجرد اختلافي في الرأي معاه قولتله "شكراً ربنا يباركك" ماردش عليّ تاني و ماشفتهوش علي المنتدي تاني تقريباً من ساعتها

[Abo_Mazen]

المهم إن الغلبان اللي إتشتم وعامل المشاركه دي ..موقوف حاليا ...وعجبي !!!!!!!!!!!!!!!!!!!!!!!!!!!!!!!!!!!!

[4fun14]

مش فاهم حاجه!
الراجل اللى اتشتم اتعامل باحترافيه وبرضه اتوقف؟!!!!!!!!!!

[hugan]

وليه في رسائل خاصه
اللي عايز يشتم يشتم علي الملاء

[4fun14]

طيب عموما اللى شتم واللى اتشتم اتوقفوا..
اعتقد ان الرسائل الخاصة كان فيها الكثير

[Abo_Mazen]

مش فاهم حاجه!
الراجل اللى اتشتم اتعامل باحترافيه وبرضه اتوقف؟!!!!!!!!!!

ما هو ده الغريب في الموضوع ...!!!!!!!!!!!تقريبا عشان إشتكى ؟؟؟!!!!ما هو ياريت حد من الإدارة يعمل معانا مشاركة هنا ويقول اللي إتشتم إتوقف ليه طيب ؟؟؟؟؟

[Karim_Monir]

بتعمل تقرير مشاركه سيه وبيتوقف نهائي

[Abo_Mazen]

بتعمل تقرير مشاركه سيه وبيتوقف نهائي

كويس إن حضرتك شاركت معانا ..سؤال بقى عشان الواحد يبقى عارف اللي ليه واللي عليه وما يتوقفش بدون سبب ..أو زي ما بيقولوا كده ..ما يبقاش جاهل بالقانون ..هو العضو اللي إتشتم وإتوقف ..مع إن هو اللي إتشتم ..إتوقف ليه بقى ؟؟؟؟؟!!!!!!

[Karim_Monir]

اكيد اتوقف في مشاركه تانيه
تقدر تتبع مشاركاته وتشوف اتوقف في انهي مشاركه
وبص بصه علي قواعد المنتدي هاتفيدك جدا
تحياتي

[Abo_Mazen]

اكيد اتوقف في مشاركه تانيه
تقدر تتبع مشاركاته وتشوف اتوقف في انهي مشاركه
وبص بصه علي قواعد المنتدي هاتفيدك جدا
تحياتي

شكرا لإهتمام حضرتك ..كل عام وحضرتك بخير

[MaZaGAngeE]

المهم إن الغلبان اللي إتشتم وعامل المشاركه دي ..موقوف حاليا ...وعجبي !!!!!!!!!!!!!!!!!!!!!!!!!!!!!!!!!!!!

حصل معايا نفس الموقف…
جاتلي رسايل سب و لعن و شتيمة من عضو سيسي و بلغت و انا اللي اتوقفت ..
معرفش عملوا معاه ايه .. بس انا خدت وقف اسبوع ..

[الاسد المهاجر]

ههههه حلوه عضو سيسي هوا كان اسمه كده ولا بتخمن وحضرتك عضو ايه ههههههه فصلتني من الضحك حضرتك ده منتدي سيارات مش منتدي حاجه تاني

[Abo_Mazen]

حصل معايا نفس الموقف…
جاتلي رسايل سب و لعن و شتيمة من عضو سيسي و بلغت و انا اللي اتوقفت ..
معرفش عملوا معاه ايه .. بس انا خدت وقف اسبوع ..

زمان وأنا صغير لما كنت أضرب أخوبا الصغير وكان أخويا يروح يشتكي ..كانت أمي تضربنا إحنا الإثنين ..الضارب والمضروب ..وتقول عشان تتعودوا متشتكوش من بعض ..