حالة من الملل !

[ESO101]

بمر بحالة ملل فظيعة .. أول مرة ييجي رمضان وأنا بكل الملل دا
أنا حتى عربيتي حسيت إني مش طايقها ونفسي أغيرها
مش حاسس بطعم الأكل
الفطار محسيتش بلهفة الصايم على الأكل كأني مش جعان
أكلت لقمتين وحسيت بالشبع
أرق ومش قادر أنام ساعتين على بعض
وحتى القرآن اللي كنت ناوي أخلص جزء منه النهردة شغلته يوتيوب من غير تلاوة

هل ممكن الجوع والتغيير المفاجئ في نظام اليوم يتسبب بالحالة دي .. ؟
إزاي أقدر أتغلب على الشعور دا !!

[kaza]

اعمل اي حاجة بتحبها او سافر ..المهم تغير روتين حياتك اليومي ومش لازم بتكاليف كبيرة ..لا ابسط الاشياء ..اتمشي علي الكورنيش ...اصطاد سمك ...اركب العربية وشغل الكاسيت وعلية ...شوف حد من اصحابك او اخواتك واخرج معاة في اي حتة ..دور علي جامع كبير قديم وروح صلي فية واقرا جزئك هناك ...اسئل الله ان يخرجك من الحالة دة ويعافينا واياك وتاكد ان المولي في ايدية تغيير الحال وكل سنة وانت طيب

[ESO101]

اعمل اي حاجة بتحبها او سافر ..المهم تغير روتين حياتك اليومي ومش لازم بتكاليف كبيرة ..لا ابسط الاشياء ..اتمشي علي الكورنيش ...اصطاد سمك ...اركب العربية وشغل الكاسيت وعلية ...شوف حد من اصحابك او اخواتك واخرج معاة في اي حتة ..دور علي جامع كبير قديم وروح صلي فية واقرا جزئك هناك ...اسئل الله ان يخرجك من الحالة دة ويعافينا واياك وتاكد ان المولي في ايدية تغيير الحال وكل سنة وانت طيب

وحضرتك طيب وبألف خير
أنا بعد ما عملت خروج من المنتدى أخدت العربية وخرجت شوية على الكورنيش
وقفلت الموبايل ولسه راجع عشان أجهز للصلاة
لسه حاسس بالملل متغيرش شعوري
هحاول أعمل اقتراحك .. جزاك الله خير

[engineer_Amr]

وحضرتك كده من أول رمضان بس ولا من قبل كده كمان ؟؟

[ESO101]

وحضرتك كده من أول رمضان بس ولا من قبل كده كمان ؟؟

مع بداية رمضان للأسف
يوم واحد مش مشكلة لو هعرف أتأقلم بعده بس أكتر من كدا جنون

[أبو آسر]

حاسس ان رمضان السنة دي مش زي كل سنة ومش حاسس بنفس الفرحة ونفس الأجواء الرمضانية بتاعة كل سنة وعندي نفس حالة الملل والزهق وفتور عن العبادات وبرده مش زي كل سنة خاصة في أول الشهر اللي بتحس فيه بنشاط وهمة وعزيمة ممكن تقل مع مرور أيام الشهر بس علطول كده من أول الشهر ! أكيد في حاجة غلط يمكن فيا يمكن في الأجواء العامة حواليا يمكن في الاتنين !
ربنا يلطف بينا

[ESO101]

حاسس ان رمضان السنة دي مش زي كل سنة ومش حاسس بنفس الفرحة ونفس الأجواء الرمضانية بتاعة كل سنة وعندي نفس حالة الملل والزهق وفتور عن العبادات وبرده مش زي كل سنة خاصة في أول الشهر اللي بتحس فيه بنشاط وهمة وعزيمة ممكن تقل مع مرور أيام الشهر بس علطول كده من أول الشهر ! أكيد في حاجة غلط يمكن فيا يمكن في الأجواء العامة حواليا يمكن في الاتنين !
ربنا يلطف بينا

يظهر كدا دي حالة عامة من الملل .. حاجة غريبة فعلًا .. دا شهر في السنة الواحد بينتظره
إحباط

[Abo_Mazen]

look around ..شوف إحنا وصلنا لفين وإنت تعرف الناس مالها ملوله ليه ..الناس مستنية مصايب هتحصل بعد العيد وبتحاول تأهل نفسها ليها ..كذا واحد يكلمني يحسسني إن نهاية العالم بعد العيد ..البنزين هيغلى ..والأسعار هتزيد ..وقانون الخدمة الجديد اللي هيتبطق وهينزل المرتبات أو على الأقل هيضمن عدم زيادتها بأكتر من 5 في المائة في السنين اللي جايه ..كل ده بعد العيد..بجد عندي إحساس إني مش عاوز بعد العيد ده ييجي ..

نصيحه مني ..فر إلى الله ...

[4fun14]

انا كمان بمر بحاله نفسيه سيئه جدا من بدابه رمضان وفتور من كل شئ
لدرحه اني مش شايف الانتحار قضيه كبيرة

[Mohamed.Muslim]

زور أى مستشفى , ادخل قسم غسيل الكلى , ادخل قسم العلاج الكيماوى , اعقد على اى كرسى فى المستشفى و اتفرج على المرضى اللى رايحين و جايين .......


حتحمد ربنا
و زى ما أحد الاعضاء قال : فروا الى الله ........

[ESO101]

انا كمان بمر بحاله نفسيه سيئه جدا من بدابه رمضان وفتور من كل شئ
لدرحه اني مش شايف الانتحار قضيه كبيرة

إنتحار !
لا ياراجل مش للدرجادي
متتكلمش كتير عن الإنتحار ولو حسيت إنك ميال للفكرة دي راجع دكتور نفسي يساعدك بدون أي تأخير

[Abo_Mazen]

إنتحار !
لا ياراجل مش للدرجادي
متتكلمش كتير عن الإنتحار ولو حسيت إنك ميال للفكرة دي راجع دكتور نفسي يساعدك بدون أي تأخير

هو يراجع كتاب ربنا

[ESO101]

زور أى مستشفى , ادخل قسم غسيل الكلى , ادخل قسم العلاج الكيماوى , اعقد على اى كرسى فى المستشفى و اتفرج على المرضى اللى رايحين و جايين .......


حتحمد ربنا
و زى ما أحد الاعضاء قال : فروا الى الله ........

ربنا يشفي كل مريض
الحمدلله على كل حال
مش لازم عشان أطلع من حالة الملل أدخل في حالة كآبة !
أنا مش ناقص غم أساسًا !
اللي فيا مكفيني

[ESO101]

هو يراجع كتاب ربنا

هوا الحقيقة اللي عايز ينتحر علاجه عند دكتور نفسي .. مفيش جدال
لكن كتاب ربنا مش بيعالج اللي عايزين ينتحروا !