استفسار بخصوص شهادة الجيش من جيد جدا الي قدوة حسنة

[Omar1001]

السلام عليكم و رحمة الله و بركاته

بجد اشكر اعضاء المنتدي علي الردود و افادة الاعضاء و هذا هو ما شجعني علي السؤال في مشكلتي الي فعلا تعباني

دلوقتي انا اخدت حبس 10 ايام و نزلوا في الملف بتاعي

انا لسة في الخدمة حتي الان و المفروض ان الملف بتاعي بيسافر ( بيروح الادارة ) الايام دة و استلموا مننا الكارنيهات خلاص
ان شاء الله

انا لي استفسار هل من اي طريقة حتي لو هدفع فلوس
او اني اكلم اي صديق لي في السجلات العسكرية او واسطة او اي طريقة مهما كانت حتي تكون الشهادة قدوة حسنة بدلا من
جيد جدا ؟


انا فعلا في حالة اكتئاب بسبب الظلم الي حصلي و انها كمان نزلتلي في الملف في اخر ايامي

فهل من حل لو تكرمتم ؟

[hugan]

انا مريت بنفس قصتك دي بالضبط من 20 سنه لما كنت في الجيش
واتعقدت تعقيد مفيش بعد كده
وحاله نفسيه زي الزفت
وكله اتنسي مع اﻻيام
وكان جزاء بسبب اني لم ألقي التحيه علي قائد الكتيبة وكان قاعد بيتشمس
لو هاتفرق ممعاك في الشغل
اللي أعرفه انها ممكن تتغير بعد 6أشهر
ومش متأكد من صحة المعلومه

[Anaslbda]

ممكن حد يشرح بالتفصيل بتفرق في ايه بالظبط في الحياة المهنية بعدين؟

[AHMED12345678]

فكرتنى بالذى مضى

انا كنت خلصت جيش فى 1 مارس 2003 وكنت اخدت جزاء بسبب انى قعدت استريح شوية لانى كنت واقف خدمه من الساعه 6 صباحا الى الساعة 1 بعد الظهر والى مفروض كان يستلم الخدمه منى راح التدريب مع باقى الكتيبه فقلت اريح شوية لانى كنت واقف بقالى 7 ساعات ونصيبى ان قائد الكتيبه رجع لحظة ما قعدت وشافنى وخدت خمس ايام جزاء ونزلوا فى الملف بتاعى
واخدت الشهاده جيد جدا
المشكلة انى كنت من الاوائل على دفعتى بكليه الحقوق وبعد ما خلصت جيش قيت اعلان من هيئة قناه السويس طالبه فيه تعيين محامين فقلت اروح اقدم ولما وصلت مقر الهيئة فى اسماعيلية لقيت من الشروط انى اكون قد اديت الخدمه العسكرية او اعفيت منها وفى حالة تأدية الخدمه انا يكون المتقدم قد انهى خدمته بدرجة قدوة حسنه
طبعا الشغلانه طارت وزعلت بس صبرت واحتسبت عند الله
والله عز وجل اكرمنى بوظيفة افضل منها بكثير

العبره فى الموضوع ده كله محدش عارف الخير فين

ملحوظه/ قصتى مجرد موقف حدث ليا فى الحياه زى الكتير من المواقف الى مرت عليا
واورجو من الجميع الا يقلبوها لموضوع سياسى
تحياتى للجميع

[Karim Alaa]

بعد متخرج ينفع بعد 6 شهور او سنه تطلعها قدوه حسنه

[Abo_Mazen]

فكرتنى بالذى مضى

انا كنت خلصت جيش فى 1 مارس 2003 وكنت اخدت جزاء بسبب انى قعدت استريح شوية لانى كنت واقف خدمه من الساعه 6 صباحا الى الساعة 1 بعد الظهر والى مفروض كان يستلم الخدمه منى راح التدريب مع باقى الكتيبه فقلت اريح شوية لانى كنت واقف بقالى 7 ساعات ونصيبى ان قائد الكتيبه رجع لحظة ما قعدت وشافنى وخدت خمس ايام جزاء ونزلوا فى الملف بتاعى
واخدت الشهاده جيد جدا
المشكلة انى كنت من الاوائل على دفعتى بكليه الحقوق وبعد ما خلصت جيش قيت اعلان من هيئة قناه السويس طالبه فيه تعيين محامين فقلت اروح اقدم ولما وصلت مقر الهيئة فى اسماعيلية لقيت من الشروط انى اكون قد اديت الخدمه العسكرية او اعفيت منها وفى حالة تأدية الخدمه انا يكون المتقدم قد انهى خدمته بدرجة قدوة حسنه
طبعا الشغلانه طارت وزعلت بس صبرت واحتسبت عند الله
والله عز وجل اكرمنى بوظيفة افضل منها بكثير

العبره فى الموضوع ده كله محدش عارف الخير فين

ملحوظه/ قصتى مجرد موقف حدث ليا فى الحياه زى الكتير من المواقف الى مرت عليا
واورجو من الجميع الا يقلبوها لموضوع سياسى
تحياتى للجميع

يا سيدي لا سياسي ولا إقتصادي ..هو فعلا محدش عارف الخير فين ..قدوه حسنه قدوه سيئة ..حضرتك عملت اللي عليك وما وقفتش الدنيا عند الحته دي ..وصاحب المشاركة برضه يعمل اللي عليه ويشوف حاله بعد ما يتخرج ..أعتقد أماكن كتير ما بدققش في حكاية قدوه حسنه ولا جيد جدا

[Mecha]

انا بردك خت عشر تيام بيبس زمان وادوهاني جيده جدا ولا جيده .ولا فرقت معايا في حاجه وبعد ما خلصت جيش الكتيبه طلبتني في شغل ليها وجابتلي شغل لمقاول وبعون الله كلو ماشي .

[sasatony]

انا برده اخدت عشر ايام حبس ونزلت من قدورة حسنة لجيد جدا
ومفرقتش معايا في الشغل وكنت بفكر زيك اروح اغيرها بعد6شهور بس الحمدلله محتجتش اني اغيرها
كبر دماغك وانسي عادي عادي

[shake]

خير ان شاء الله

[Bassem Youssef]

معلش هي هتفرق معاك في ايه بعد كده اصلا ؟؟؟

[Abo_Mazen]

معلش هي هتفرق معاك في ايه بعد كده اصلا ؟؟؟

في شركات بتشترط للتوظيف إن الشهاده تكون قدوه حسنه ومش أقل من كده ...على أساس إن الشهاده دي شهاده من المجتمع إنك شخص كويس مثلا ..ما الواحد بيقعد قد كده في الخدمه ما بيغلطش وتيجي غلطه في آخر شهر تضيع الشهاده كلها وتطلع جيدا جدا ..عارف نفس فكره إنك عشان تشتغل لازم يكون معاك خبره وعشان يكون معاك خبره لازم تشتغل ..هي نفس النظرية

[Omar1001]

الف شكر و مش عارف ارد علي كل الردود لاني راجع الجيش دلوقتي ان شاء الله

بس عايز اعرف فعلا هل ممكن تتغير لان الي عرفته انها ممكن تتغير من رديئة الي جيد و من جيد الي جيد جدا
لكن مش ممكن من جيد جدا الي قدوة حسنة فلو في طريقة حتي لو محتاجة واسطة حد يعرفني لو سمحتم