Tweet
السلام عليكم
بدون مقدمات
انا متزوج من ٩ سنوات والحمد لله عندي ٣ اولاد ذكور اكبرهم حوالي ٨ سنوات والاوسط جاء بعده بعام تقريبا ولم يكن مخطط له انه ييجي في التوقيت ده لكن قدر الله وما شاء فعل والصغير عنده عامين
الحمد لله لا ندخر وسعا ولا جهدا ولا مال في تربيتهم وعندي اعتقاد انهم هم استثماري يعني مش بحرمهم من حاجة علشان احوشلهم حاجة تنفعهم لما يكبروا زي ما اهلنا كانوا بيعملوا وزي ما معظم الناس بتعمل فأنا مؤمن اني لو صرفت عليهم كويس وعلمتهم كويس هما هيقدروا يساعدوا نفسهم بنفسهم لما يكبروا وفي نفس الوقت مش هكون حرمتهم من حاجة في افضل سنوات عمرهم
الحمد لله بدي الاتنين الكبار كورس انجليزي مخصوص في البيت ودخلتهم مدرسة لغات مش رخيصة وبجيبلهم محفظة قرآن في البيت برده وبيلعبوا كاراتيه من سنين والكبير معاه اخر حزام قبل الاسود واشتركتلهم في نادي ومعيشهم في مستوى اجتماعي جيد وغرفتهم مليئة بالالعاب وعندهم اكس بوكس وكمبيوتر وكل واحد معاه تابلت ومعظم الوقت طلباتهم مجابة
المشكلة دلوقتي ان بالرغم من اننا شبه قافلين عليهم ومش بنخليهم يحتكوا باي حد غير الاقارب والمعارف واصدقاء المدرسة وتقريبا متربيين تربية عسكرية يعني كل حاجة صح وغلط وعيب وحرام وثواب وعقاب وتعبنا جدا خاصة والدتهم في تربيتهم وتقويم اخلاقهم الا انهم بقالهم فترة اصبحوا متعبين جدا واشقيا ومفيش سمعان كلام والغلطة بتتكرر مرة واتنين وعشرة وعايزين يقضوا حياتهم كلها لعب وتنطيط ومفيش مذاكرة ولا حفظ ولا تركيز وتعبنا من المناهدة معاهم وجربنا اساليب الثواب والعقاب والحرمان كتير بدون نتيجة
كمان الولد الصغير بقى شيء لا يطاق ومفيش حاجة بتفضل على حالها ومن ساعة ما يصحى لحد ما ينام وهو داير في الشقة يعيث فيها فسادا وخرابا وانا وزوجتي من النوع المنظم اوي اللي بنحب كل حاجة في مكانها بالمسطرة بس طبعا وصلنا لمرحلة غير مسبوقة من الاهمال والفوضى بسبب اليأس من ان الحاجة تفضل على حالها ساعة واحدة وسلمنا بالامر الواقع
كل اللي فات ده مش مهم ومش هو الغرض من الموضوع لان ٣ اولاد ذكور لازم يحصل كل ده ولازم هتكون مرحلة عصيبة فيها كل ده وزيادة .. المشكلة في زوجتي اللي نفسيتها اتدمرت لانها بتاخد كل حاجة على اعصابها وعلطول زعيق وصويت ونرفزة ونكد وكذا مرة اقولها تفوت وتطنش لكن هي مفيش فايدة وبصراحة بعذرها كتير جدا لانها هي اللي مع الاولاد طول اليوم وانا نادرا لما بقعد معاهم وفعلا لو قعدت معاهم ساعة واحدة بحس اد ايه بيتعبوها ومن كام يوم لقيتها وصلت لمرحلة انهيار وبتعيط وبتقولي انا مش قادرة استحمل انا عايزة اروح لدكتور نفساني وقعدت اهديها وقلتلها تصلي ركعتين بس برده كل يوم لازم كورس الزعيق والنكد وطبعا من اقل حاجة وشها بيقلب وانا لما بلاقيها كده بلاقي نفسي اكتئبت انا كمان وممكن يحصل بينا مشكلة من اي حاجة صغيرة
فايه الحل للموضوع ده ؟ ازاي نقدر نسيطر على اطفال زي دي ؟ وازاي اقدر اطلع زوجتي من الحالة اللي هي فيها دي ؟
محتاج نصايحكم
بدون مقدمات
انا متزوج من ٩ سنوات والحمد لله عندي ٣ اولاد ذكور اكبرهم حوالي ٨ سنوات والاوسط جاء بعده بعام تقريبا ولم يكن مخطط له انه ييجي في التوقيت ده لكن قدر الله وما شاء فعل والصغير عنده عامين
الحمد لله لا ندخر وسعا ولا جهدا ولا مال في تربيتهم وعندي اعتقاد انهم هم استثماري يعني مش بحرمهم من حاجة علشان احوشلهم حاجة تنفعهم لما يكبروا زي ما اهلنا كانوا بيعملوا وزي ما معظم الناس بتعمل فأنا مؤمن اني لو صرفت عليهم كويس وعلمتهم كويس هما هيقدروا يساعدوا نفسهم بنفسهم لما يكبروا وفي نفس الوقت مش هكون حرمتهم من حاجة في افضل سنوات عمرهم
الحمد لله بدي الاتنين الكبار كورس انجليزي مخصوص في البيت ودخلتهم مدرسة لغات مش رخيصة وبجيبلهم محفظة قرآن في البيت برده وبيلعبوا كاراتيه من سنين والكبير معاه اخر حزام قبل الاسود واشتركتلهم في نادي ومعيشهم في مستوى اجتماعي جيد وغرفتهم مليئة بالالعاب وعندهم اكس بوكس وكمبيوتر وكل واحد معاه تابلت ومعظم الوقت طلباتهم مجابة
المشكلة دلوقتي ان بالرغم من اننا شبه قافلين عليهم ومش بنخليهم يحتكوا باي حد غير الاقارب والمعارف واصدقاء المدرسة وتقريبا متربيين تربية عسكرية يعني كل حاجة صح وغلط وعيب وحرام وثواب وعقاب وتعبنا جدا خاصة والدتهم في تربيتهم وتقويم اخلاقهم الا انهم بقالهم فترة اصبحوا متعبين جدا واشقيا ومفيش سمعان كلام والغلطة بتتكرر مرة واتنين وعشرة وعايزين يقضوا حياتهم كلها لعب وتنطيط ومفيش مذاكرة ولا حفظ ولا تركيز وتعبنا من المناهدة معاهم وجربنا اساليب الثواب والعقاب والحرمان كتير بدون نتيجة
كمان الولد الصغير بقى شيء لا يطاق ومفيش حاجة بتفضل على حالها ومن ساعة ما يصحى لحد ما ينام وهو داير في الشقة يعيث فيها فسادا وخرابا وانا وزوجتي من النوع المنظم اوي اللي بنحب كل حاجة في مكانها بالمسطرة بس طبعا وصلنا لمرحلة غير مسبوقة من الاهمال والفوضى بسبب اليأس من ان الحاجة تفضل على حالها ساعة واحدة وسلمنا بالامر الواقع
كل اللي فات ده مش مهم ومش هو الغرض من الموضوع لان ٣ اولاد ذكور لازم يحصل كل ده ولازم هتكون مرحلة عصيبة فيها كل ده وزيادة .. المشكلة في زوجتي اللي نفسيتها اتدمرت لانها بتاخد كل حاجة على اعصابها وعلطول زعيق وصويت ونرفزة ونكد وكذا مرة اقولها تفوت وتطنش لكن هي مفيش فايدة وبصراحة بعذرها كتير جدا لانها هي اللي مع الاولاد طول اليوم وانا نادرا لما بقعد معاهم وفعلا لو قعدت معاهم ساعة واحدة بحس اد ايه بيتعبوها ومن كام يوم لقيتها وصلت لمرحلة انهيار وبتعيط وبتقولي انا مش قادرة استحمل انا عايزة اروح لدكتور نفساني وقعدت اهديها وقلتلها تصلي ركعتين بس برده كل يوم لازم كورس الزعيق والنكد وطبعا من اقل حاجة وشها بيقلب وانا لما بلاقيها كده بلاقي نفسي اكتئبت انا كمان وممكن يحصل بينا مشكلة من اي حاجة صغيرة
فايه الحل للموضوع ده ؟ ازاي نقدر نسيطر على اطفال زي دي ؟ وازاي اقدر اطلع زوجتي من الحالة اللي هي فيها دي ؟
محتاج نصايحكم
Comment