كسبت 2 تشيز برجر من ماكدونالدز عن طريق اتصالات

[YahiaAshraf]

السلام عليكم
فيه عرض الشحن من اتصالات لما تشحن ب 15 او اكتر بتكسب هدية
انا شحنت ب 30 جنيه وجالى 5 هدايا واختار هدية واحده واخترت 2 تشيز برجر من ماكدونالدز

السؤال بقى لما اروح اى فرع لماك ايه الاجراءات اللى اعملها علشان محدش يفتكر انى اهبل :)

[رحالة]

بسيطة جدا
بتقدم صورة البطاقة ووصل النور
ولما يجي دورك في الاستلام هيتصلوا عليك

[Abo_Mazen]

هتوري اللي قاعد على الكاشير الرساله اللي على موبايلك..هياخد رقم موبايلك وهيعمل حاجات كده على الكاشير عنده ..وبس خلاص ..العرض ده قديم ..بس واضح إنهم بيعيدوه تاني

[Anaslbda]

هيذلّوك هناك عامةً.. اول ما تقوله انا معايا عرض اتصالات هيقولك معلش استنى على جنب لحد ما مدير الفرع يفضى.. اول لما مدير الفرع يجيلك هيقولك اتصلّي من موبيلك على رقم معين وأثناء المكالمة بيعدّي الموبايل كذا مره على زي باركود ريدر كده بيعمل صفارة, ممكن العملية تفشل فيعيد من اول وجديد.
هتحس انك عايز تقوله خلاص والله ما عايز حاجه غوروا كلكم كل ده علشان حتة تشير برجر

[YahiaAshraf]

انا اساسا لسه متخانق معاهم فى خدمة العملاء بسبب موضوع كده
نهارهم طين لو عملوا حاجة تانية معايا :)

[SYD]

أنا كسبت العرض دة مرتين
مرة الأجراءات كانت سهلة جداً وماخدتش دقيقة
ومرة الجهاز علق وكرر المحاولة كذا مرة
بس في المرتين كنت بتعامل احسن معاملة

تحياتي

[YahiaAshraf]

أنا كسبت العرض دة مرتين
مرة الأجراءات كانت سهلة جداً وماخدتش دقيقة
ومرة الجهاز علق وكرر المحاولة كذا مرة
بس في المرتين كنت بتعامل احسن معاملة

تحياتي

طيب ايه الاجرائات اللى عملتها بالظبط وانت هناك يعنى بيشوفوا الرسالة اللى وصلتك اللى فيها الهدية ولا بيعملوا ايه ؟؟