الدولار و الجنية المصرى للمرة الثالثة

[أبو آسر]

مفروض بقى يعملوا مكتب لمباحث الأموال العامة في كل بنك وأي حد يعمل إيداع بمبلغ يزيد عن ال100 ألف جنيه يعدي عليهم الأول يستجوبوه ويعلقوه في الفلكة ويكهربوه ولو قدم ما يثبت إنه جابهم بطرق مشروعة ياخد منهم ورقة مختومة يروح يديها لموظفة البنك !
يارب توب علينا من دولة الموز دي بقى

[ali ashraf]

طب نحطهم فين

ههههههههههههه
ياباشا بعت شقه لاخويا بتوكيل .... و قبضت الثمن ..اخويا جاي بعد 20 يوم - ان شاء الله - و ماعندوش حساب مصري ...قلت ايه احطهم في حسابي في اتش اس بي سي .....
و انا بودع الفلوس ..الموظقه سالتني ايه مصدر الفلوس - 250 الف - مش 3 مليون يعني - ثمن شقه في مساكن اليومين دول
قلتلها بعت شقه !!!!!!!! قالتلي طب ممكن العقد ؟؟؟
بصراحه نالت مني ماتستحقه هيا و البنك - مع اني بحترمهم جداااااااا
ولما زنقت عليها قالتلي دي اجراءات مننا احنا مش البنك المركزي ...طبعا رحت جاي مزود و مكمل ...
بصراحه صعبت عليا و قلتلها ده حقي احط اشيل براحتي مالكوش دعوه انتم
المبلغ مصري يا اخواننا مش دولار

طب لو جه للواحد قرشين بيع شقة بيع ارض يحطهم فين , يعنى أجى اسحب دولارات يقولولى هات شنطة علشان هنديلك عملة فئة دولار واحد ياما اخذ بالمصرى و لما تيجى تحط بالمصرى يقلك هات مصدر المبلغ الرهيب ده 250 الف جنية بصراحة لسه فزورة رمضان دى صعبه علية نقلها بالعكس مبلغ المصدر منين ودولار واحد من عشرة الاف دولار مصرى او جنية ......الحمد لله انا كده فهمت....الصبر يارب.....

[الاستاذ]

هو الموضوع له اسباب كتيلر بس احنا شعب بيحب يعمل نفسه ناصح شوية
لكن لو مسافر امريكا واتبهدل تفتيش فى مطاراو اتسال عن مكان الىهيسكن فى فى امريكا ولا هيتكلم
ولا بقول هما مالهم
تانى نقطه بتاعه سؤالهم عن من اين لك هذا على فكره كل يوم بيتهرب دولارات جوه مصر
ومتعرفش لمين وبيتعمل بيها ايه فى مفيش مانع لما تقدملهم مايثبت جبت منين الدورلات

[ramymechanics]

هو الموضوع له اسباب كتيلر بس احنا شعب بيحب يعمل نفسه ناصح شوية
لكن لو مسافر امريكا واتبهدل تفتيش فى مطاراو اتسال عن مكان الىهيسكن فى فى امريكا ولا هيتكلم
ولا بقول هما مالهم
تانى نقطه بتاعه سؤالهم عن من اين لك هذا على فكره كل يوم بيتهرب دولارات جوه مصر
ومتعرفش لمين وبيتعمل بيها ايه فى مفيش مانع لما تقدملهم مايثبت جبت منين الدورلات

الراجل بيقولك 250 الف جنيه مصرى عملوله عليهم تحقيق اللى هم ثمن اوضة و صالة فى حتة شعبية

[sherifahmed]

الراجل بيقولك 250 الف جنيه مصرى عملوله عليهم تحقيق اللى هم ثمن اوضة و صالة فى حتة شعبية

بعيدا عن التريقة و الهزار
البنك لازم يعرف مدى شرعية الاموال اللى داخلاله و فى عوامل كتير بتخلى البنك يسأل فى حالات كتير
يعنى مثلا حركة الحساب فى الشهور الاخيرة و حجم الحركة نفسها
مثلا حساب جارى بتحوله كل كام شهر مبالغ ضئيلة و فجأه جيت احط فيه 250 الف دى حاجة تثير الشك على طول
انما مثلا حساب شركة و لا مصلحة حكومية داخل طالع منه ملايين يوميا المبلغ دا و لا حاجة فى حركة الحساب

[wawamoha]

هو الموضوع له اسباب كتيلر بس احنا شعب بيحب يعمل نفسه ناصح شوية
لكن لو مسافر امريكا واتبهدل تفتيش فى مطاراو اتسال عن مكان الىهيسكن فى فى امريكا ولا هيتكلم
ولا بقول هما مالهم
تانى نقطه بتاعه سؤالهم عن من اين لك هذا على فكره كل يوم بيتهرب دولارات جوه مصر
ومتعرفش لمين وبيتعمل بيها ايه فى مفيش مانع لما تقدملهم مايثبت جبت منين الدورلات

ههههههههههههه ناصح ازاي يعني ؟؟؟

لما شديت عل الموظفه و مارضيتش اديها العقد ... ماعملتش حاجه ...بما يعني انه مش اجباري بس استهبال من البنوك ..... علشان تامن نفسها قدام الديكتاتور العظيم - البنك المركزي ... مش معقول اتش اس بي سي بيعمل كده لله في الله لانهم اكتر بنك محترم في مصر ..

و ايه علاقه امريكا و المطار و التفتيش ؟؟؟؟

الفلوس مصري يا استاااااااااااااااذ - egp

رمضان كريم .......

[ali ashraf]

محدش يكره النظام

هو الموضوع له اسباب كتيلر بس احنا شعب بيحب يعمل نفسه ناصح شوية
لكن لو مسافر امريكا واتبهدل تفتيش فى مطاراو اتسال عن مكان الىهيسكن فى فى امريكا ولا هيتكلم
ولا بقول هما مالهم
تانى نقطه بتاعه سؤالهم عن من اين لك هذا على فكره كل يوم بيتهرب دولارات جوه مصر
ومتعرفش لمين وبيتعمل بيها ايه فى مفيش مانع لما تقدملهم مايثبت جبت منين الدورلات

لا يوجد احد يكره النظام فى اى شئ بما فيها طبعا النظام فى الامور المصرفية و البنوك المشكلة يا أستاذ ان مفيش نظام من الاصل بل قرارات متعجلة شبه هيستيرية تأتى بنتائج عكسية و وتحدث فى جنح الليل و لانعلم بها الا من نتائجئها الكاريثية و الامثلة كثيرة كارت البنزين مثلا اكتشفوا فجآه انه لا يشمل التكاتك و جرارات الزراعة و طرمبات الرى فى القرى و النتيجة سوق سوداء رهيبة و كان الحل تأجيل المنظومة بالكامل....الضريبة على ارباح رأس المال اللى عرفت بضريبة البورصة تم تأجيلها بعد كارثة مرت بها البورصة و لم تتعافى منها الى اليوم و جمود فى الاستثمارات بصورة عامة ( المستثمر يحط فلوسه ليه فى مكان يحوطه بالضرائب و عنده بلد زى الامارات تقدم تسهيلات لا حدود لها)....المنظومة البنكية الرائعة ما نتائجها حتى اليوم مع تخبط فى اصدار قوانين بنكية غير معهودة انخفاض فى الانتاج( زيادة على ماهو ناقص) و انخفاض الصادرات لأرقام فلكية (20-45%) و الوزارات تتهم بعضها البعض فى تدنى الصادرات و الحقيقة واضحة زى الشمس معظم انتاجنا يحتاج للاستيراد من الخارج ( السيارات- الاجهزة الكهربائية - الصناعات الثقيلة الخ) و الاستيراد بات محدودا جدا اذن ينخفض الانتاج اذن يقل التصدير.....و اصبح المورد الفعلى لسد عجز الميزانية المزيد من الضرائب ....يا راجل فى اهرام النهاردة خبر عن فرض ضرائب رمزية 5% على المشروعات متناهية الصغر ( راس المال اقل من 50 الف جنيه) و ذلك تشجيعا على صغار التجار " الولوج" فى منظومة الضرائب و عدم التهرب و الله مش عارف لما واحد يكون راس ماله اقل من 50 الف جنية ويمكن سالفهم ( و ده الغالب) تساعده فى "الولوج" للعملية الضريبية بفرض ضريبة جديدة عليهم يعنى بنك يسلفهم بفائدو من ناحية و ضرائب من ناحية وتقول علينا شعب ناصح امال المسكين يبقى مين......أخيرا كلنا نتمنى الخير لمصر و لكن ما يحدث من تخبط و تراجع فى قررارت غير مدروسة و عمليات جباية طاردة لراس المال...نتائجئها غير محمودة العواقب بالمرة....على المستوى الشخصى انا مثلا اصفى كل متعلقاتى فى البنوك الحكومية ما هو مش معقول احط فلوسى فى بنك و يعاملنى زى ......... وده طبعا لخطأ فى النظام اللى هو مش موجود اساسا و ربنا يستر ده اقتصاد مش سياسة على راى ابو مازن الجميل

[abdulkhaleq]

يا افندم هى دى المشكلة الناس الواصلة و معظم اللصوص لهم سككهم وطرقهم و الاوراق بالنسبة لهم مستوفاه من قبل محترفون لأنهم يتعاملون بالملايين انما معظم الناس يتعاملوا بالالاف او حتى بضع مئات آلاف و اورقهم مش مستفة و القانون ميظهرش الا عليهم فاكرين قضية نواب القروض كل قرض و قرض كان بمئات الملايين و بدون ضمانات و لو موظف غلبان طلب استبدال معاش او سلفة يخذها بعد طلوع الروح الظاهر هرجع فى كلامى و اجيب بسكلته زى زمان ايام الصبا فى المعادى

الله يعينك

[abdulkhaleq]

بعيدا عن التريقة و الهزار
البنك لازم يعرف مدى شرعية الاموال اللى داخلاله و فى عوامل كتير بتخلى البنك يسأل فى حالات كتير
يعنى مثلا حركة الحساب فى الشهور الاخيرة و حجم الحركة نفسها
مثلا حساب جارى بتحوله كل كام شهر مبالغ ضئيلة و فجأه جيت احط فيه 250 الف دى حاجة تثير الشك على طول
انما مثلا حساب شركة و لا مصلحة حكومية داخل طالع منه ملايين يوميا المبلغ دا و لا حاجة فى حركة الحساب

حضرتك ده مش القضيه هنا خالص
لما يكون في حساب بيتحوله فلوس من بره بمبالغ كبيره من حقهم يتسائلوا ايه ده
والموضوع ده قديم يعني مش جديد
الجديد هو الهبل اللي بيعملوه والاستاذ صاحب الموضوع اتعرض ليه ولا كأنه تاجر مخدرات !!

[ali ashraf]

و الله فعلا يحسسوك انك عامل جريمة

الله ينور عليك فعلا ده الاحساس اللى بيصل للواحد فى الآخر اكيد هناك شئ متغير و اكيد الموظفين على الشباك هم برضه ضاحايا للتخبط فى القرارات المتعجلة و المتخبطة و فيه حاجات بتحصل غير مباشرة مكنتش موجودة قبل كده و بتترك اثر سلبى بين العميل و البنك مثلا أول ما تجيب كلمة سحب دولارات ( وخصوصا الحد الاقصى اليومى) تلاقى الموظف يقوم فجأة يستأذن و يختفى كام دقيقة و يرجع و بعدين عند توقيع البنك تمضى كذا مرة مرة مضونى 6 مرات و اسئلة عن العيلة و ارقام التليفونات و انا واثق ان الموظف عارفنى كويس و مش عارف بيعمل كده ليه, حتى hsbc و بتعامل معه من اكثر من 20 سنه ابتدت السلبيات تصله لكن على الاقل لسه احسن من غيره..... بس بتحس فى الاخر انك قاعد تبرر و تدافع عن نفسك ....زى مبيقولوا حاجات يمكن تكون بسيطة بس بتترك اثر سلبى وارجع اقول النظام مش وحش بس اللى انا شيفه حالة من الارتباك من الموظفين و التجاذب بينهم و بين العملاء فى ازدياد وهم فى الواقع مظلومين مثلنا فى رحاية قوانين الصدفة و اليوم بيوم

[الاستاذ]

ههههههههههههه ناصح ازاي يعني ؟؟؟

لما شديت عل الموظفه و مارضيتش اديها العقد ... ماعملتش حاجه ...بما يعني انه مش اجباري بس استهبال من البنوك ..... علشان تامن نفسها قدام الديكتاتور العظيم - البنك المركزي ... مش معقول اتش اس بي سي بيعمل كده لله في الله لانهم اكتر بنك محترم في مصر ..

و ايه علاقه امريكا و المطار و التفتيش ؟؟؟؟

الفلوس مصري يا استاااااااااااااااذ - egp

رمضان كريم .......

مش مشكلتى انك مفهمتش التعليق

[dede_dodo88]

لما شديت عل الموظفه و مارضيتش اديها العقد ... ماعملتش حاجه ...بما يعني انه مش اجباري بس استهبال من البنوك ..... علشان تامن نفسها قدام الديكتاتور العظيم - البنك المركزي ... مش معقول اتش اس بي سي بيعمل كده لله في الله لانهم اكتر بنك محترم في مصر ..

نصيحة, مش من مصلحتك انك متتعاونش مع البنك, و مش بالضرورة ان سكوت الموظفة يكون معناه عدم اتخاذها اجراء..
طالما السؤال اللي البنك بيسألهولك عندك اجابة قانونية ليه, فيبقى ليه تتدخل نفسك في متاهات!.
هو عموماً برضه اللي البنوك بتعمله دلوقتي ملهوش علاقة بالبنك المركزي, هو بالدرجة الاولى تعليمات داخلية خاصة بكل بنك و التعلميات دي سارية في كل دول العالم من زمان, و حتى في بداية تطبيقها في مصر كانت عاملة مشاكل بسبب اعتراض البنك المركزي عليها بس بعد كده مع زيادة الغرامات اللي بتتفرض على البنوك الاجنبية بره بسبب تورطهم في عمليات غسيل اموال فالموضوع دلوقتي بقى شبه معمم في كل البنوك حتى الحكومية..

[hon]

ههههههههههههه ناصح ازاي يعني ؟؟؟

لما شديت عل الموظفه و مارضيتش اديها العقد ... ماعملتش حاجه ...بما يعني انه مش اجباري بس استهبال من البنوك ..... علشان تامن نفسها قدام الديكتاتور العظيم - البنك المركزي ... مش معقول اتش اس بي سي بيعمل كده لله في الله لانهم اكتر بنك محترم في مصر ..

و ايه علاقه امريكا و المطار و التفتيش ؟؟؟؟

الفلوس مصري يا استاااااااااااااااذ - egp

رمضان كريم .......

شوية يطلعلك فى حملة قومية يقولك (حط فلوسك فى بنك)
بعدها علطول حملة تانية تقول (من اين لك هذا)
العالم دى بتشتغلنا والله

[Bassem Youssef]

ياريت قبل ما يطبقوا قرارات لمنع غسيل الاموال يبقي يقبضوا علي اللي نهب و غسل اموال الشعب 30 سنه و برضه يبصوا بصه علي اللي شغال نهب و سرقه في اموال الشعب و الشعوب المجاوره