سكر سويتال

[أبو آسر]

السلام عليكم
اشتريت علبة سكر سويتال اللي بيبقى فيها 100 قرص مضغوط القرص يساوي ملعقتين صغيرين من السكر العادي زي ما بيقولوا علشان قرأت عن أضرار تناول السكر العادي خاصة إن مرض السكر عندنا وراثة في العيلة ربنا يعافينا ويسلمنا جميعا وكمان علشان السكر العادي بيبقى في سعرات حرارية كتير ومواد كتير مضرة وأنا مش بستطعم أي مشروب غير بمعلقتين ونص سكر مليانين على الأقل فاشتريت السكر ده وبحط منه قرصين بيبقوا كويسين إلى حد ما في الطعم ومكتوب عليه إنه خالي من الاسبرتام وحاجات تانية كتير معرفش أضرارها إيه بالضبط
السؤال دلوقتي: هل السكر ده فعلا مفيد وخالي من الأضرار وينفع الواحد يستمر عليه بدون أي مشكلة ويستغنى بيه عن السكر العادي ؟ وهل توجد أنواع تانية أفضل ولا ده أفضل نوع ؟

[Adnfalcon]

دا نوع كويس و فيه بردو يوني فركتوز و سبليندا المستورد

[TIMODAX]

من احسن الانواع مع انه مش موجود كتير..

[hilal]

اسمح لي بصفتي مريض سكر
انصحك بالابتعاد عن كل المحليات الصناعية بكافة انواعها
والاكتفاء بالمحليات الطبيعية مثل عسل النحل

وان كان الحل الامثل هو التقليل من السكريات تدريجيا ولو ربع ملعقة كل فترة حتى تتعود على طعم المشروب قليل السكر
كذلك عليك التقليل من المعجنات والدهون تدريجيا
عافاك الله من كل مكروه

[abou-yahia]

سكر فركتوز

سكر دره ( جافاكانا )

سبليندا

اي حاجه قيها سبرتام متقربلهاش واولها اي حاجه دايت

[أبو آسر]

دا نوع كويس و فيه بردو يوني فركتوز و سبليندا المستورد

ألاقيهم فين وهل أفضل من سويتال ؟

من احسن الانواع مع انه مش موجود كتير..

أنا جبته من كارفور العبور وكان موجود كتير وأنواع مختلفة

اسمح لي بصفتي مريض سكر
انصحك بالابتعاد عن كل المحليات الصناعية بكافة انواعها
والاكتفاء بالمحليات الطبيعية مثل عسل النحل

وان كان الحل الامثل هو التقليل من السكريات تدريجيا ولو ربع ملعقة كل فترة حتى تتعود على طعم المشروب قليل السكر
كذلك عليك التقليل من المعجنات والدهون تدريجيا
عافاك الله من كل مكروه

جربت قبل كده أستخدم العسل بس بيغير الطعم للأسف وكمان العسل نفسه صعب توصل للحاجة الأصلية ولو لقيتها بتكون غالية جدا
ممكن أعرف إيه الضرر من استخدام سكر زي سويتال ؟
وأشكر على باقي النصائح المفيدة سلمنا الله وإياكم من كل سوء ومكروه

سكر فركتوز

سكر دره ( جافاكانا )

سبليندا

اي حاجه قيها سبرتام متقربلهاش واولها اي حاجه دايت

فعلا قرأت إن الاسبرتام ده خطر جدا وبيبقى موجود في كل مشروبات الدايت وأنا الحمد لله مش بشرب مشروبات غازية إلا نادرا ومش بجيب الدايت ده

[hilal]

ما يلي منقول من أحد المواقع
سكر سويتال يحتوي على السكرولوز وبدون اسبارتام وبدون مواد حافظه
الأعراض المرتبطة بالسكرالوز
اذا كنت تعاني من احد او بعض الاعراض التي لا تجد لها تفسيرا مثل: زيادة في الوزن، صداع، انتفاخ، اسهال، ميل للقيء، حكة جلدية، طفح جلدي، كحة، آلام بالصدر، دوخة، حكة بالعين، توتر وغضب، تقلبات بالمزاج، اكتئاب، وخز او تنميل في الارجل او الايدي، زغللة بالعين، صعوبة بالتنفس........ الخ وكنت تتناول الماكولات او المشروبات الدايت وتحتوي على سكرالوز، فاعلم انه قد يكون السبب في تلك الاعراض. وتختفي معظم تلك الاعراض بعد الامتناع عن تناوله.
ويجب ان يتجنبه من يعاني من حساسية القمح او الذرة لانه يحتوي على دكستروز ومالتودكسترين.
اكدت الابحاث التي اجريت قبل الترخيص لسكرالوز انه يسبب ضمور غدة التيموس (Thymus gland) بنسبة %40 مما يسبب خللا في جهاز المناعة ويسبب تضخم الكبد والكلية، بالاضافة إلى المشاكل الصحية في حيوانات التجارب التي اثبتتها ابحاث حديثة مثل تضخم القولون وتاثيرات سمية كبدية وكلوية. لا توجد تجارب مستقلة ومحايدة طويلة المدى لمعرفة مدى تاثير السكرالوز على صحة الانسان.
تذكر دائما ان السكرالوز يسبب مشاكل صحية على المدى الطويل لانه يؤثر سلبيا في الجهاز العصبي والمناعي بعد عقود من استخدامه وانه لا يسبب الاورام مباشرة بل قد يزيد من احتمالية الاصابة بها، لذا فان مثل هذا المحلي الصناعي وكمادة مضافة لا يستحق المغامرة في تناوله، ويجب الحذر من الاغذية والادوية التي تحتوي عليه.

شكرا

[mastr_n]

اعرف ناس ماشية علية من زمان بغرض التخسيس وماشتكوش من اي شيء بل ان دكتور التخسيس كاتبلهم النوع دة خصيصا

[hilal]

ملحوظة:
سكر اللوز (Seblenda) هو في الأصل السكروز ( Sucrose ) مضاف له ثلاث ذرات (cl) كلور

[abou-yahia]

يبقه الحل

سكر الفركتوز او سكر الذره

[medo11_1]

باشا انا كنت متابع مع دكتورة رجيم من فترة و كانت كاتبالى السكر دة بالاسم مع الاهتمام باخذ معلقتين سكر طبيعى فى اليوم او اسبدالهم ب معلقتين عسل ابيض و كانت بتأكد ان الواحد لازم يدخل السكر الطبيعى او العسل

[م/مصطفى محمود]

انا عندي سبلندا ، بس للأسف بيعمل طعم فى البق مع الشاي