Tweet
انتبه من صور قوس قزح على الفسيبوك
امبارح شوفت مارك ناشر الصورة اللي تحت دي بالألوان قلت يمكن موضة ولا حاجة ...
وبعدين تكتشف يامؤمن إن الالوان دي ترمز لأيه ؟
لعلم الشواذ المثليين يعني الناس اللي فطرتهم انتكست وبيفعلوا أفعال قوم لوط !!
طيب تسأل حضرتك اشمعنا امبارح مخصوص عمل الصورة كدا ؟
يجاوبك أوباما رئيس الولايات المتحدة بتغريدة ليه بيقول فيها :
● اليوم شكل خطوة كبرى في مسيرتنا نحو المساواة...أصبح يحق الآن لمثليي الجنس الزواج كأي شخص آخر
▪ الكلام دا كان بمناسبة أيه ؟
بمناسبة إن المحكمة العليا في امريكا أقرت قانون الزواج للراجل من الراجل والمرأة من المرأة
▪ طيب دا يهمنا في أيه بقي علشان نلخص ومنتكلمش كتير
- يهمنا إنك تعرف علشان خاطر لو لاقيت صورة بروفيلك اتلونت هايكون منظرك مش لطيف خالص وممكن الناس تفتكرك بتشجع علي الفواحش دي
يعني من الآخر دي مش موضة فمتقلدش وخلاص ياطيب ماشي ياطيبة
- يهمنا كمان إنك تعرف قيمة دينك وشريعتك اللي بتحميك إنك تبقي منتكس الفطرة لأن ربنا حرم الفعل دا وأنزل عذابه وسخطه علي قوم لوط بسبب فعل الفواحش دي حتي نزل العذاب عليهم
العذاب دا كان إن جبريل عليه السلام رفع بجناحه جميع مدنهم حتى بلغ بهن عنان السماء حتى سمعت الملائكة أصوات ديكتهم ونباح الكلاب ثم قلبها عليهم فجعل عاليها سافلها فذهبت لذتهم وبقيت حسرتهم وخزيهم وعذابهم
وقد أخبرنا الله تعالى أن العذاب الذي أصابهم ليس بعيدا عمن سلك سبيلهم فقال: ... وَمَا هِيَ مِنَ الظَّالِمِينَ بِبَعِيدٍ يعني وما هذه النقمة ممن تَشَبَّه بهم في ظلمهم ببعيد عنه
خلاص بقي انت عرفت اوعي ياطيب تلون صورتك
ربنا يعلمنا يارب وإياك ويهدنا إلي الحق ..
Comment