If this is your first visit, be sure to
check out the FAQ by clicking the
link above. You may have to register
before you can post: click the register link above to proceed. To start viewing messages,
select the forum that you want to visit from the selection below.
الضغط النفسي وانت مش شغال اكبر بكتير من ضغط الشغل
متسيبش اللي انت فيه الا لما تبقي عارف انت هتعمل ايه بالضبط
ايوة الكلام دة صحيح هيكون الضغط عاليك اكبر وانت مش شغال وموضوع انك مش متجوز ومش وراك حاجة ولا مسؤولية خالية دافع ليك انك تدور وتبحث عن مشروع جيد وانت بتشتغل يعنى بعد شغلك الأساسى وبكدة يبقى ضربنا عصفوريين على قفاهم وخد بالك كلام الناس والصحاب عن المشاريع وهنعمل ونسوى بيصفى على ربعة وبعد كدة مفيش فكر وانت فى شغلك واديك فاضى
استثمر فى نفسك
بمعنى خد دورات وكورسات سواء فى اللغة او فى المجال الى انت حابه وان شاء الله تشتغل فى شركة احسن براتب اكبر وتاخد الخبرة الكافية عشان لو حبيت تعمل مشروع ماتخسروش
تحياتى
انت بالذات عايز رقمك اكلمك ابعتهولي لان قريت لك افكار تمام اوي :e_braces[1]:
انا اتشرفت بمكالمتك يا هندسة النهاردة…
و زي ما كنا بنتكلم… المشروعات تنقسم الي تلات انواع :
1- خدمية : زي بولينج ، بينج ، بلاي ستيشن ، انتزنت كافيه ، قهوة ،…
و دي مشروعات في الغالب راس مالها بيكون قليل ، و العائد بالنسبة لراس المال كويس جدا و لكن اهم عيوبها انها بتكون مغتمدة الي شخص اللي شغال و لتكون موضة لمدة قصيرة و للناس بتدور علي الموضة اللي نازلة بعديها…
2- صناعية : و دي بتكون زي مصانع اي حاجة مث طيارات لعزبيات لسوست لكراسي ،… و دي راس مالها بيكون متوسط لكبير حسب حجم المشروع و محتاجة وقت لحد ما تحقق عائد و صبر مدة مش اقل من سنة لكن ارباحها عالية و كمان عيبها انك بيك ن عندك عمرلة من خبرات و مستويات تعليمية مختلفة ولازم تظبط دماغ كل واخد عشان مصلحة الشغل ..
3- تجارية : و دي بتكون توزيع اي حاجة من اول زبادي و بقالة لحد توزيع العربيات و قطع الغيار و دي راس مالها مرتبط بحجم العمل و مساحة التوزيع و نوعية البضاعه اللي هتوزعها و العائد بيكون بالاتفاق مع المصنع اللي هتوزع لحسابه او التاجر و لو خدنا المواد الغذائية كمثال هتلاقي العائد في السوق ما بين 7% الي 13% حسب نظام و نوعية البضايع اللي بتوزعها.…
الوظيفه تستر ماتغنيش .. ربنا يمسيك بالخير ياأبورقيه كان بيقولها على طول
والأيام دي الوظيفه ماتسترش أساسا
فكر في مشروع
بس فكر بدون ضغوط وبدون إستعجال نتايج
الوظيفه تستر ماتغنيش .. ربنا يمسيك بالخير ياأبورقيه كان بيقولها على طول
والأيام دي الوظيفه ماتسترش أساسا
فكر في مشروع
بس فكر بدون ضغوط وبدون إستعجال نتايج
كويس اوي انت موجود يا دكتره عشان اخد رايك في الصيدليه لانها من الحاجات الي في دماغي
بص الاغلب قالي اجر في الارياف وبتاع بس بصراحه مش عايز ابيع خرج ووجع الدماغ دا
فدلوقتي انا لو لقيت محل في مدينه ايجاره خمس ست تلاف مثلا ،رايك هكسب بعد كل دا ?
والصيدليه بتتفرش بضاعه بكام
ورايكم جميعا الصيدليه كمشروع تجاري افضل ولا فكره ربع نقل توزع منتج جمله مثلا
Comment