مستشفى نايل موتورز التخصصي س&ج

[bee]

انا لاحظت في مرة من المرات كان بالصدفة يعني إن فيه دكاترة وصيادلة كتير في المنتدى ( ما شاء الله)

ففكرت في فكرة الصيدلية ومعرفش مكررة أو لأ ..
ولو حد عارف انها مكررة وعارف مكانها يضيف الموضوع او اللنك يعني هنا عشان الكل يستفاد ..

والفكرة ببساطة اي استفسار عن اس دواء لحالة معينة
او دواء نادر والمطلوب معرفة مكانه فين ؟؟
او تشخيص لحالة معينة من أطباء المنتدى

وانا هبدأ بأول سؤال :

يا ترى إيه أفضل علاج لحساسية الجيوب الأنفية ؟؟

والوقاية منها إزاي ..

ملحوظة : يا ريت الرد يكون من طبيب او صيدلي فقط والاجتهادات تكون ع الخاص في رسالة لصاحب السؤال

وربنا ما يجعل حد يحتاج لدوا أبداً :)
تحياتي
للجميع

تم النقل لاجتماعي
الادارة 1

[Dr.A.Nabil]

والله فكره جميله جدا

بالنسبه للجيوب الانفيه:

-لو مصحوبه بصداع... يستعمل دواء يتكون من مضاد للحساسيه ومسكن..
ومن وجهة نظري انا ان الكلاريناز مع مسكن مثل البروفين او البارامول بيكون تركيبه كويسه

-انما لو مفيش صداع:
كلاريناز لوحده كفايه اوي
وهو اصلا عباره عن مضاد للحساسيه مع مضاد للاحتقان

clarinse tablets
ولكن يمنع على مرضى الضغط



عموما في ادويه كتير جدا

بس انا حبيت اقول اسم واحد بس كفايه

[bee]

والله يا دكتور متشكر أولاً على رد حضرتك

بس الدوا الي كان الدكتور كتبهولي بخاخه مش فاكر اسمها دلوقتي بصراحه
بس الفكرة اني مرتحتش عليها
ومش عارف الحل !!!!!

هل فيه وقاية بصرف النظر عن الدوا

وهل فيه نوع تاني ممكن استعمله ؟؟؟؟

شكرا مقدماً

[bemocarlo]

انا موش دكتور ولا صيدلي ولا متخصص في الادويه ولكن بعاني من التهاب في الجيوب الانفيه لحد ما روحت لدكتور كويس عندنا في بنها وكتب لي علي:
1-بخاخ اسمه rhinocort aqua 64
2-برشام اسمه aerius 5mg
والحمد لله انا كويس الان
bemo,ire

[د.محمود صلاح]

بالنسبة لطب الأطفال لنك الموضوع فى توقيعى

[bee]

الف شكر يا bemocarlo
وبردو ردك يفيد باذن الله لانه عن تجربة وكلام دكتور

د.محمود نورت الموضوع وطبعا منتحرمش من حضرتك يا باشا :)

[Abdo_Eldesokey]

متهيألي يا جماعة بلاش حد يرد غير الأطباء بس ، يعني محدش يقول أنا دكتور وصفلي قبل كده

لأن كل حالة وليها علاجها ، ممكن دواء يمشي مع واحد والتاني يكون عنده حساسية منه ويحصل ما لا يحمد عقباه

[PRO-DRIVE]

واضح اني مش لوحدي اللي عندي الجيوب الانفيه :(

بس انا كسوووول في العلاج :(

[دموع الثلج]

واضح اني مش لوحدي اللي عندي الجيوب الانفيه :(

بس انا كسوووول في العلاج :(

انا كمان عندى حساسيه جيوب انفيه والتهاب بس مزمنه ومن عشر سنين بتردد من دكتور لدكتور عشان اشوف لها حل ومفيش فايده
لا بخاخات ومضاددات حساسيه ولا غيره

طبعا اللى عنده حساسيه جيوب انفيه بيكون اكثر عرضه لالتقاط فيروس الانفلونزا

وطبعا ممنوع من اى عطور اى روائح او غبار او او او قائمه الممنوعات كثيره ياريت المتخصصين يقولوا لنا
ماهى المحظورات على مريض حساسيه الانف

بس الحمد لله لقيت نوع حبوب هى اللى ارتحت كثير جدا عليها يمكن قرصين والحاله تستقر


وفى انتظار رد المتخصصين

[PRO-DRIVE]

انا كمان عندى حساسيه جيوب انفيه والتهاب بس مزمنه ومن عشر سنين بتردد من دكتور لدكتور عشان اشوف لها حل ومفيش فايده
لا بخاخات ومضاددات حساسيه ولا غيره

طبعا اللى عنده حساسيه جيوب انفيه بيكون اكثر عرضه لالتقاط فيروس الانفلونزا

وطبعا ممنوع من اى عطور اى روائح او غبار او او او قائمه الممنوعات كثيره ياريت المتخصصين يقولوا لنا
ماهى المحظورات على مريض حساسيه الانف

بس الحمد لله لقيت نوع حبوب هى اللى ارتحت كثير جدا عليها يمكن قرصين والحاله تستقر


وفى انتظار رد المتخصصين

هو انا بقالها معايا 3 سنين تقريبا و مبقدرش امشي من غير قطره اساسا :(

و فعلا موضوع العطور و الغبار دا بيبهدلوني

[bee]

هو الموضوع قلب حساسية ولا إيه ؟؟
وانا الي فاكر إني لوحدي

:k52: