Tweet
في مشكلة ارجو منكم قراءتها للنهاية والافادة فيها واعتذر مقدما عن الاطالة .. عندنا في المنطقة مرشد سيء السمعة وهو اصلا تاجر تامول وبرشام وكان محبوس والناس كلها عارفاه وبيبلغ عن اي حد مش عاجبه انه اخوان وبيتاخد في الرجلين وقتي، فجأة من يومين دخل المسجد وفضل يزعق ويهاتي بدون سبب ويقول انا كتبت شكاوى في امام الجامع وبعض المصلين انكم اخوان وعايزين تخربوا البلد وكارهين الوطن وبتحرضوا الناس وبعتها امن الدولة والمباحث والاوقاف والداخلية وكل الجهات، السبب ايه معرفش جايز كان مسطول ولا رافع برشام زيادة او يمكن حد زاقه الله اعلم بس المهم ان الكائن ده حبس ناس كتير ببلاغاته وطبعا اللي بيقع اليومين دول محدش بيسمي عليه والناس دي اصلا لا اخوان ولا غيره وناس كبيرة في السن وشيخ الجامع راجل محترم ومحبوب جدا من الجميع ومش محسوب على تيار معين وغالبية خطبه عن الاخلاق والموضوعات العامة المعروفة، المهم رواد المسجد لما عرفوا باللي حصل كتبوا شكوى باكتر من 200 توقيع ان شيخ المسجد والناس دي لا اخوان ولا غيره وفي حالهم وشهدوا ليهم بحسن الخلق وحب الناس ودي حقيقة وان بلاغ المرشد ده كيدي وفي نفس اليوم مدير الاوقاف جاء الى المسجد بعد صلاة التروايح لما وصلته الشكوى وكل من في المسجد وقف وشهد ان الشيخ والمصلين ملهومش علاقة بالشكاوى دي ودول ناس في حالهم ومعروفين للمنطقة كلها من سنين.
المهم بعد ما مشي مدير الاوقاف، المرشد سبب المشكلة بعت ناس انه عايز الصلح مع الشيخ واهل المسجد لان الناس كلها كانت شايطة وجايبة اخرها من هذا الشخص فقالوا له تمضي الاول على اقرار ان الشكاوى اللي ارسلتها ليس لها اساس من الصحة قال ممضيش بس اكتب تنازل عن الشكاوى دي طبعا الناس رفضت لانه مش صاحب حق عشان يتنازل ودلوقت البلاغات دي اتبعتت خلاص فعايزين نعرف ايه الحل والتصرف الامثل في هذه المشكلة؟ الناس تعمل محضر لهذا الشخص المؤذي بس المشكلة انه مقرب للحكومة وكان سبب في حبس ناس كتير؟ ولا تبعت شكاوى لجهات معينة ولا تروح لمدير الامن ولا تعمل ايه بحيث تحافظ على نفسها؟ وايه الاجراء المتوقع في حال النظر لهذه البلاغات؟ ارجو منكم الادلاء في هذا الموضوع والافادة بالتصرف السليم للاهمية القصوى وشكرا.
المهم بعد ما مشي مدير الاوقاف، المرشد سبب المشكلة بعت ناس انه عايز الصلح مع الشيخ واهل المسجد لان الناس كلها كانت شايطة وجايبة اخرها من هذا الشخص فقالوا له تمضي الاول على اقرار ان الشكاوى اللي ارسلتها ليس لها اساس من الصحة قال ممضيش بس اكتب تنازل عن الشكاوى دي طبعا الناس رفضت لانه مش صاحب حق عشان يتنازل ودلوقت البلاغات دي اتبعتت خلاص فعايزين نعرف ايه الحل والتصرف الامثل في هذه المشكلة؟ الناس تعمل محضر لهذا الشخص المؤذي بس المشكلة انه مقرب للحكومة وكان سبب في حبس ناس كتير؟ ولا تبعت شكاوى لجهات معينة ولا تروح لمدير الامن ولا تعمل ايه بحيث تحافظ على نفسها؟ وايه الاجراء المتوقع في حال النظر لهذه البلاغات؟ ارجو منكم الادلاء في هذا الموضوع والافادة بالتصرف السليم للاهمية القصوى وشكرا.
Comment