شيش اسكندرانى

[abokoko]

ارجو سرعة الرد و الافادة
عن الفرق بين الشيش الاسكندرانى و الشيش العادى

من حيث التهوية و عدم السماح بالرؤية من خلاله
و اى معلومات اخرى

لانى مفروض ارد على النجار واحدد له اى من النوعين

لذا ارجو سرعة الرد

[abokoko]

بتكلم عن شيش الشباك و البلكونه

[abokoko]

ارجو سرعة الرد و الافادة
عن الفرق بين الشيش الاسكندرانى و الشيش العادى

من حيث التهوية و عدم السماح بالرؤية من خلاله
و اى معلومات اخرى

لانى مفروض ارد على النجار واحدد له اى من النوعين

لذا ارجو سرعة الرد

؟؟؟

[MaZaGAngeE]

اول مرة اعرف ان الشيش فيه اسكندراني و مصري…

ممكن صور ليه

[accord]

شوف يا باشا انا اول مرة اسمع عن الشيش الاسكندراني ده من حضرتك والعم جوجل جاب الصورة اللي تحت دي عن النوع ده من الشيش من احد موضوعات منتدى فتكات وواضح ان فتحات الشيش الاسكندراني ضيقة وبالتالي ضوء اقل وتراب كمان اقل بس شكله اشيك من الشيش العادي ودول اقتباسين لفتوكتين بيقولوا رايهم في الشيش ده:

انا لسه متجوزة من شهرين يا قمر وعاملاه فى شقتى وحلو اوى ومش بيدخل شمس قويه يعنى فى اوض النوم حلو جدا وتنضيفه سهل اوى يمكن اسهل من الشيش العادى كمان وشكله عاجبنى اكتر بردو

هو اكيد فى التنظيف احسن من العادى ومش بيشيل تراب وشكله احلى كمان

[Abo_Mazen]

حتى الشيش بقى فيه إسكندراني ومصراوي ..

هو الإنقسام بينا وصل لغاية الشيش كمان

[abokoko]

و الله الموضوع جد
وانا لم اتصل بالنجار الى الان

الشيش العادى كلنا عارفينه
اللى بيتقال عليه اسكندرانى فعلا هو نفس الصوره اللى ناشرها الاخ باعلى
طبعا شكلا اجمل
وطبعا لانه شرائح فوق بعض مباشره فبينظف اسها
لكن
مفروض ان فتحاته معمولة بزاوية فى الفتحة تمنع رؤية من بالخارج للى موجود خلف الشيش
بس اعتقد ده هيكون على حساب كمية الضوء و الهواء اللى هيدخلوا للشقة اللى هيكونوا اقل من لو كان الشيش عادى -- ده تصورى وده اعتقادى -- وانا مشفتش الشيش الاسكندرانى راكب عند حد وصعب عليا احكم عليه
علشان كده بسال

[abokoko]

شوف يا باشا انا اول مرة اسمع عن الشيش الاسكندراني ده من حضرتك والعم جوجل جاب الصورة اللي تحت دي عن النوع ده من الشيش من احد موضوعات منتدى فتكات وواضح ان فتحات الشيش الاسكندراني ضيقة وبالتالي ضوء اقل وتراب كمان اقل بس شكله اشيك من الشيش العادي ودول اقتباسين لفتوكتين بيقولوا رايهم في الشيش ده:

كلام حضرتك صح
وانا عملت بحث ووصلت تقريبا لنفس المعلومة
-- شاكر لتعب حضرتك . الف شكر --

بتمنى حد يكون مركبه يفيدنا عنه ويقييمه لنا

[Abo_Mazen]

و الله الموضوع جد
وانا لم اتصل بالنجار الى الان

الشيش العادى كلنا عارفينه
اللى بيتقال عليه اسكندرانى فعلا هو نفس الصوره اللى ناشرها الاخ باعلى
طبعا شكلا اجمل
وطبعا لانه شرائح فوق بعض مباشره فبينظف اسها
لكن
مفروض ان فتحاته معمولة بزاوية فى الفتحة تمنع رؤية من بالخارج للى موجود خلف الشيش
بس اعتقد ده هيكون على حساب كمية الضوء و الهواء اللى هيدخلوا للشقة اللى هيكونوا اقل من لو كان الشيش عادى -- ده تصورى وده اعتقادى -- وانا مشفتش الشيش الاسكندرانى راكب عند حد وصعب عليا احكم عليه
علشان كده بسال

ياباشا أنا بهزر معاك ..إنت زعلت ولا إيه ..متقفش كده الواحد ما بيصدق يضحك شويه ..عموما ما تزعلش مني لو كنت ضايقتك

بالنسبة للشيش اللي بتسأل عليه ..فأنا بصراحه ما كنتش أعرف إن إسمه شيش إسكندراني ..بس أنا بشوفه عندنا كتير في إسكندرية ..وعلى فكره ..الإضاءه بتاعته أقل بكتير من الشيش العادي ..وبرضه التهوية بتاعته أقل ..بس هو فعلا حاجب للضوء بدرجة كويسه

[abokoko]

ابو مازن - عمرى ما ازعل منك
ربتا يكرمك بالخير

شكلها هترسي على الشيش العادى خصوصا ان الشقة قبلية

[aif]

انا كنت داخل علي اساس الشيش اللي هو اكل
شيش كباب او شيش طاووك
..
لكن انا كان عندي شيش شبة الشيش دة بس بيترفع بسلسلة لفوق
لو قصدك عليه دة مشاكله كتير ومحتاج صيانة كتير
...
شوفولنا حاجة ناكلها بقي .... دة وقت السحور

[abokoko]

الفول
ملك الوجبات فى السحور
هو اللى بيخلى الواحد يصمد ويتحمل الجوع
ههههههههههههههه

بالهناء و الشفاء
وربنا يتقبل

[Abo_Mazen]

الفول
ملك الوجبات فى السحور
هو اللى بيخلى الواحد يصمد ويتحمل الجوع
ههههههههههههههه

بالهناء و الشفاء
وربنا يتقبل

بس من غير قشر الله يرضى عليك ..عشان الفول اللي بقشر ده بيقتل اللي عندهم مشاكل في القولون من التعب

[ahmedwagdy03]

أنا من إسكندرية و بصراحة طول عمرى أشوف الشيش العادى .و النوع ده أول مرة أسمع إن إسمه إسكندرانى

النوع ده أول ما شفته كان بيركبوه فى القرى السياحية فى التسعينات و بيسموه أمريكانى

[abokoko]

بس من غير قشر الله يرضى عليك ..عشان الفول اللي بقشر ده بيقتل اللي عندهم مشاكل في القولون من التعب

الف سلامة على حضرتك
وعلى جميع من يعانى امراض القولون او اى مرض