افضل شركة اتصالات؟

[Ahmed_Morsy]

السلام عليكم
انا مكالماتی مش كتير وعايز الشبكة تكون قوية اهم حاجة وخدمة عملاء كويسة خصوصا الأقاليم
وكمان لو فيه حد بيتكلم يوميا فی حدود ساعتين بس لرقم واحد بس ترشحوا ليه ايه هو كمان؟

[أبو آسر]

وعليكم السلام
فودافون أحسن الوحشين قولا واحدا

[kazamodia]

كلهم واحد في الاسعار اسوأهم اتصالات في الشبكة بس يمكن احسنهم في العروض
النصيحة الصح هي انك تشوف معظم الناس اللي انت بتكلمهم شبكتهم ايه وتجيب شريحة على الشبكة دي

[mk3]

الرقم ده شبكته ايه وتجيب زيه بس انا عارف لو انت من الاقاليم احيانا بيكون مجبر اخاك لا بطل

[Bassem Youssef]

فودافون الاقل قذاره

[Ahmed_Morsy]

هو المعظم ما بين فودافون واتصالات
وبالنسبة للی هييتكلم ساعتين ما فيش مانع ان هما الاتنين يغيروا للافضل

[Anaslbda]

مرتاح مع اتصالات.

[MaZaGAngeE]

فودافون حرامية بس نظام فليكس كويس و اتصالات حرامية اقل بس عروضهم كتير قوي بزيادة عن المعقول…
موبينيل مقاطعه

[Abo_Mazen]

في أماكن متغطيه كويس من موبينيل أو فودافون أو إتصالات

حضرتك قلت أقاليم ..ومحددتش أنهي مكان في الأقاليم ..يعني عندك مثلا صعيد مصر ..بيعاني تقريبا مع موبينيل ..وفودافون تتفوق عليه ..عندك مثلا محافظة البحيره ..موبينيل متفوقه فيه في كذا منطقة ....وهكذا..حضرتك تعمل إيه بقى ..
أولا توحد الخطوط ..يعني لازم يكون شبكة الخط اللي هتكلمه نفس شبكة الخط بتاعك
ثانيا ..تشوف أنهي شركة متفوقه أكتر في التغطيه في المنطقة عندك ..إتصالات فودافون موبينيل ..مع إن موبينيل أسوأهم بصراحه ..بس للأسف هي أكثر إنتشارا ..ودي تعتبر ميزه وحيده لموبينيل وإحنا السبب فيها كمان
ثالثا بقى ودي أهم نقطه ...شركات المحمول في بلدك شغاله بمبدأ ..يا عزيزي كلنا لصوص ..

يعني من الآخر كده كلنا بنسرق من نفس الجيب ..إتصالات كانت مخليه الإستعلام عن الرصيد مجانا لمدة تلات سنين ..وبعدين تقريبا كده صعب عليهم إن موبينيل وفودافون بياخدوا مصاريف إستعلام عن رصيدك فاخابو خيبتهم وبقوا زيهم يخصموا مصاريف إستعلام عن الرصيد ..مش بقولك .. مبدأهم يا عزيزي كلنا لصوص

ملحوظه ..مفيش نظام عملاه شركة محمول متلاقيش شركة تانيه عملاه ..لازم أي نظام تلاقيه الشركات التانيه عملته ..مش مهم مين اللي بدأ النظام ..المهم إن كلهم كوبي وبست من بعض ..مع إختلاف المسميات طبعا ..ما بين الو الأسبوعي وفيلكس ومش عارف ..كده يعني

[Ahmed_Morsy]

هو انا بتكلم عن مدينة الزقازيق وتغطية التلات شبكات كويسة
للاسف مش جربت قبل كده ای شركة فی مصر واللی انتو هترشحوها هاشترك فيها بناء علی رايكم
معظم الناس بيقولوا فودافون او اتصالات بس انا حاسس انی مرتاح لفودافون علشان شركة عالمية وبتحترم العميل ولا ايه رايكم وطبعا موبينيل انا مش عايزها لان ناس قالولی ان صاحبها استهزئ بالاسلام

[أبو آسر]

هو انا بتكلم عن مدينة الزقازيق وتغطية التلات شبكات كويسة
للاسف مش جربت قبل كده ای شركة فی مصر واللی انتو هترشحوها هاشترك فيها بناء علی رايكم
معظم الناس بيقولوا فودافون او اتصالات بس انا حاسس انی مرتاح لفودافون علشان شركة عالمية وبتحترم العميل ولا ايه رايكم وطبعا موبينيل انا مش عايزها لان ناس قالولی ان صاحبها استهزئ بالاسلام

خدمة العملاء في فودافون اكثر احترافية من اتصالات
موبينيل خارج المنافسة تماما بغض النظر عن موضوع استهزاء ساويرس بالاسلام واللي ترتب عليه مقاطعة للشركة وقعتها تماما

[Dr. Assem]

انا رأيي ان صاحب الموضوع ما يسألش كده

الصيغة الصح:
ما هي أقل شركات الاتصالات سوءا؟!

و ده عملا بالمثل الشعبي. الاعور بين العميان ملك

مادام التغطية في منطقتك كويسة بين التلات شركات يبقى تشوف الخطوط اللي بيتكلمها ايه و تجيب نفس شركتها

[Ahmed_Morsy]

شكرا يا جماعة
انا حسمت المقارنة لصالح فودافون بس مش عارف اشترك فی نظام ايه
مكاماتی يوميا فی المتوسط 5 دقايق

[أبو آسر]

شكرا يا جماعة
انا حسمت المقارنة لصالح فودافون بس مش عارف اشترك فی نظام ايه
مكاماتی يوميا فی المتوسط 5 دقايق

http://static.vodafone.com.eg/vodafoneportalWeb/ar/P20603095991383224367534