ممكن توافق تشتغل درايفر في اوبر Uber؟ وايه السبب؟

[th3Programmer]

بعد ما خدمه أوبر بدآت تنتشر في مصر اليومين دول ، والناس بدآت تستعمله ..
هل انت ممكن تستعمله بشكل تاني، بأنك انت اللي تسوق؟

جاوب علي:
- ايه قرارك دلوقتي (متردد ، مفيش وقت، ماتستاهلش ، نفسي بس خايف ، شكلي هيبقي وحش )
- لو عاوز فعلا، ايه السبب ؟ فلوس ؟ تسليه؟
- ايه ممكن يكون رد فعل اهلك واصدقائك ؟ وهل اصلا هتقولهم؟
- لو حد من صحابك قالك اني شغال في أوبر ، نظرتك هتكون ايه له؟
- هل الحاله الامنيه في البلد ممكن تآثر علي قرارك؟

(انا ماليش اي علاقه بأوبر ولا بعمل Survey انا بس كنت بفكر اني اعمل كده وبصراحه متردد جدا جدا)

[ainshouka]

لو مرتبها مجزى فحيكون حاجه كويسه لانك بتتعامل مع فئة اعلى

[أحمد كمال]

طول ما الامراض الاجتماعية و العقد و الكلاكيع فينا يا مصريين مش هنتقدم خطوة

[th3Programmer]

فعلا ، المشكله ان احنا عندنا استعداد نشتغل حتي بياعين جرايد لما نسافر بره مصر .. المجتمع بقي مريض

[ENG.MaRk]

لو عايز تحقق حاجة في حياتك ماتسمعش كلام الناس و خصوصاً في مصر لأن الناس في مصر هتكرهك في كل حاجة و مش هتلاقي حد يشجعك :)

[Dr. Assem]

بعد ما خدمه أوبر بدآت تنتشر في مصر اليومين دول ، والناس بدآت تستعمله ..
هل انت ممكن تستعمله بشكل تاني، بأنك انت اللي تسوق؟

جاوب علي:
- ايه قرارك دلوقتي (متردد ، مفيش وقت، ماتستاهلش ، نفسي بس خايف ، شكلي هيبقي وحش )
- لو عاوز فعلا، ايه السبب ؟ فلوس ؟ تسليه؟
- ايه ممكن يكون رد فعل اهلك واصدقائك ؟ وهل اصلا هتقولهم؟
- لو حد من صحابك قالك اني شغال في أوبر ، نظرتك هتكون ايه له؟
- هل الحاله الامنيه في البلد ممكن تآثر علي قرارك؟

(انا ماليش اي علاقه بأوبر ولا بعمل Survey انا بس كنت بفكر اني اعمل كده وبصراحه متردد جدا جدا)

انا ممكن استخدمه لتنقلاتي. لكن مش حشتغل سواق لأن عندي عمل واخد وقتي الحمد لله
حشجع صحابي و معارفي انهم يشتغلوا معاه لزيادة الدخل او لاستغلال وقت فراغهم
انا شايف ان اوبر انسب للحالة الامنية لان كل حاجة معمول لها tracking كويس

[Secret-Man]

هو بالفعل الشركه طالبه موظفين من فتره كبيره وسواقين

الموقع بتاعهم عليه كل التفاصيل الخاصه بمصر

ومفيش قلق لانك مش شغال مع نفسك انت تحت شركه ومتابعاك لحظه بلحظه والموضوع فيه امان اكتر من سواقين التاكسى العادى واسمك موظف وليك مرتب ثابت معاهم كل شهر

توكل على الله

[egyptawy2010]

هو ايه الفرق بينه وبين easy taxi

[Bassem Youssef]

معلش هي الخدمه دي عباره عن ايه ؟؟؟ حاجه زي private transporter مثلا ؟

[th3Programmer]

فيه كذا موضوع هنا في المنتدي بيشرح الخدمه دي
بس ببساطه، هي انك تنزل الــ App بتاعهم علي الموبايل بتاعك ، وتحط الكريدت او الديبت كارد بتاعك وتشغل البرنماج وتختار نقطه الوصول والبرنامج هيعرف مكانك ويبعت لاقرب حد ليك من الدرايفرز الطلب (ولو رفض هياخد تقييم سلبي) وممكن يوديك اي مكان انت عايرو ... ميزتها انها متراقبه من الشركه واسعارها ارخص و مافيش مناهده في الدفع والفكه والكلام ده ، كمان العربيات بتبقي نضيفه -- في دبي فيه نوعين منهم البلاك ودي بتبقي عربيات معديه زي بي ام بس احنا عندنا نوع واحد الان اللي هوا الفئه المتوسطه

[أحمد كمال]

تصحيح

ما بيبعتش لاقرب واحد و لا بيقيمه سلبي

هو بيبعت لكل السواقين اللي في محيطك و مش مشغولين بزباين حاليا و اول واحد بيقبل هو اللي بيتحجز لك و بيجيلك

[Anaslbda]

صحيح ان مجتمعنا فيه عُقد.. لكن حتى بره بيتريقوا على اللي بيشتغل أوبر وبيعتبروها "على ما تُقرج"

[ainshouka]

المشكلة انها بتشترط موديل سيارات حديثه ودى مشكله فبلدنا

[unl0veable]

بعد ما خدمه أوبر بدآت تنتشر في مصر اليومين دول ، والناس بدآت تستعمله ..
هل انت ممكن تستعمله بشكل تاني، بأنك انت اللي تسوق؟

جاوب علي:
- ايه قرارك دلوقتي - مستني تفتح فى اسكندرية
- لو عاوز فعلا، ايه السبب ؟ فلوس ؟ تسليه؟ - [COLOR="rgb(255, 140, 0)"]العمل عبادة دا غير اني شغلي طبيعته شهر وشهر [/COLOR]
- ايه ممكن يكون رد فعل اهلك واصدقائك ؟ وهل اصلا هتقولهم؟ - [COLOR="rgb(255, 140, 0)"]طالما حلال ومش في الضلمة اكيد مش هتكسف[/COLOR]
- لو حد من صحابك قالك اني شغال في أوبر ، نظرتك هتكون ايه له؟ - [COLOR="rgb(255, 140, 0)"]الصاحب الصح الجدع اللي يشجع فى الخير وحاليا نادر[/COLOR]
- هل الحاله الامنيه في البلد ممكن تآثر علي قرارك؟ - [COLOR="rgb(255, 140, 0)"]ابدا[/COLOR]

(انا ماليش اي علاقه بأوبر ولا بعمل Survey انا بس كنت بفكر اني اعمل كده وبصراحه متردد جدا جدا)

[m0hsen]

لا هى لمت زباين فى حتت بيئة اووووى