طلب مساعدة من خبراء الكلاب :)

[ENG.MaRk]

ألف شكر لكل الردود و الإفادة يا أحسن منتدي و أحسن ناس :)
أنا قررت خلاص هأجيب Golden retriever بس عايز أعرف ايه متوسط سعره و ايه أحسن مواصفات ليه و أجيبه من هنا ولا أخلي حمايا يبعتهولي من ألمانيا مع العلم إني هأجيب 2 مش واحد بس ؟!

[abdulkhaleq]

ألف شكر لكل الردود و الإفادة يا أحسن منتدي و أحسن ناس :)
أنا قررت خلاص هأجيب golden retriever بس عايز أعرف ايه متوسط سعره و ايه أحسن مواصفات ليه و أجيبه من هنا ولا أخلي حمايا يبعتهولي من ألمانيا مع العلم إني هأجيب 2 مش واحد بس ؟!

الجولدن كلب حلو قوي مع الاطفال والاسره والبيت
زي اي كلب هيحتاج رعايه وحد يهتم بيه ويلاعبه
عادة كل ماكان اللوت اغمق كل ماكان افضل
فيه في مصر كلاب كويسه من كل الانواع ماتبهدلش نفسك في اجراءات كلاب من بره انت مش داخل مسابقه
مبروك مقدما

[ENG.MaRk]

الجولدن كلب حلو قوي مع الاطفال والاسره والبيت
زي اي كلب هيحتاج رعايه وحد يهتم بيه ويلاعبه
عادة كل ماكان اللوت اغمق كل ماكان افضل
فيه في مصر كلاب كويسه من كل الانواع ماتبهدلش نفسك في اجراءات كلاب من بره انت مش داخل مسابقه
مبروك مقدما

متشكر جداً لاهتمامك :)

[SoFiMaN]

جولدن لحراسة بيت؟؟؟!!

[أحمد كمال]

جولدن لحراسة بيت؟؟؟!!

لسه داخل اقولها

ده كلب اهبل في الموضوع ده جدا ولو حرامي دخل و لعب معاه دقيقة هيقعد يلحس فيه و يلعب معاه !!

[ENG.MaRk]

لسه داخل اقولها

ده كلب اهبل في الموضوع ده جدا ولو حرامي دخل و لعب معاه دقيقة هيقعد يلحس فيه و يلعب معاه !!

أنا قولت مش للحراسة ف الشراسة مش مطلوبة ... قبل أي defamation اقرأ الموضوع تاني -.-

[abdulkhaleq]

جولدن لحراسة بيت؟؟؟!!

في الموضوع الاستاذ عايز كلب مش للحراسه

[أبو آسر]

طب معلش حد ممكن يفيدني بخصوص القطط :)
هل يوجد مكان موثوق لشراء قطة مدربة على الليتر بوكس والأكل لأني اشتريت قطة من واحد عادي من الإنترنت وبهدلتني لحد ما بعتها بعد أسبوع علشان مكنتش عايزة تعمل في الليتر بوكس وكانت غاوية تعملها تحت مكتبي :)))

هي الناس مش بتفهم غير في الكلاب بس ولا ايه :)

[abdulkhaleq]

هي الناس مش بتفهم غير في الكلاب بس ولا ايه :)

قطط مدربه يبقى هتكون كبيره
لو لسه صغيرين هتتعب معاهم شويه في الاول بس لحد اما يتعلمو

[hesham fawzy h]

هي الناس مش بتفهم غير في الكلاب بس ولا ايه :)

هههههههههههه

[أبو آسر]

قطط مدربه يبقى هتكون كبيره
لو لسه صغيرين هتتعب معاهم شويه في الاول بس لحد اما يتعلمو

أنا جبت واحدة فعلا كانت صغيرة وقعدت أسبوع تعبتني ومعرفتش أعودها على الليتربوكس لحد ما زهقت وبعتها
لو كبيرة شوية إيه المشكلة ؟ لكن تغيير البيئة مش هيخليها تتلخبط في موضوع الليتربوكس ولا كده خلاص بتكون اتعودت ؟ ولو كده أجيبها عمر أد إيه ومنين (مكان موثوق بحيث تكون متطعمة كل التطعيمات ونضيفة ومتدربة كويس) ؟

[MTAK]

مستمتع بحديث الكلاب جدا لانى نفسى يكون عندى واحد بس ما ينفعش

و لى سؤال

الكل بيتكلم عن انك تخلى بالك و انت بتشترى علشان ميضحكش عليك و دخلت على دوبيزل لقيت مجموعه مهوله بس سمعت ان الغش فى المواصفات الشكليه كتير بربط الاذن و ما شابه

طيب هل هناك مكان مضمون تشترى منه لو انت معندكش خبره

يعنى اكادميه الشرطه اسمع انها بتبيع الكلاب الولف (قديم جدا انا , اصل معرفش الاسامى التفصيليه اللى بتقولوها
ههههههههه )

--------------------------------------------
ابو اسر

تجربتى مع القطط

ان العيال كانوا شبطانين و زميله المدام كان عندها قطه لسه والده فأخذنا قطه منها و هى عندها شهرين

و طلع دكر فى الاخر ههههههههههههه و دلوقتى عنده سنه و كام شهر

و بنتنقل به و بناخده معانا فى اى مكان هانقعد فيه اكتر من يوم

و بناخد اكله و الطبق اللى بيعمل فيه الحمام و الرمله بتاعته

و اى مكان بندخله او حاجه بنحط الطبق بتاعه و نمسك راسه و نشممه له و عمره ما عمل فى مكان غيره

كنا بنشترى له رمل الشيكاره ب 50 جنيه بتبقى فيها رائحه و بتطلع رائحه حلوه لما يعمل عليها ههههههههههه

هم يضحك و هم يبكى
-------------------

نصيحه لو ناوى تجيب هات دكر و نتايه

لان الباشا لما بلغ و حب يتجوز كان مبهدلنا صويت و فى الاخر لقيته انحرف و اخذ يلعق عضوه

و غلبنا عقبال ما جبنا له انثى و الراجل قام بالواجب و زياده و بعد كده عملت له عمليه تعقيم و استحرمت بعدها اللى عملته و زعلان الى الان

ربنا يسامحنى

[MTAK]

أسباب امتناع القطط عن استخدام التراب
الصندوق غير نظيف؟ يجب تنظيف التراب مرة على الأقل يومياً. و غسلة جيداً و تغيير التراب كاملا كل ٣-٤ أسابيع.
الصندوق مليء بالتراب؟ ترفض بعض القطط الدخول إلى الصندوق إذا كان مليئاً جداً.
لا توجد صناديق كفاية ؟ يجب أن تحسب لكل قط صنوق واحد في حال كانت لديك أكثر من قطة.
هل الصندوق موجود في مكان مزعج و عام؟ تحب القطط الهدوء و الخصوصية. لا تضع التراب في غرفة الجلوس أو بجانب الغسالة المخيفة.
هل نوع التراب مناسب لقطتك؟ قد يفضل قطك نوع التراب المتكتل أو الغير متكتل أو ربما نوع غير معطر.
هل قطتك بلا مخالب؟ تتألم القطط و تصبح أيديها حساسة بعد هذه العملية الوحشية.. قم بتغيير الصندوق تماماً و غير مكانه و استخدم المناديل الورقية و كافيء القطة عندما تستخدم الصندوق.
هل قطتك في صحة جيدة؟ قد يكون بسبب معاناة القطة من التهاب في المسالك البولية أو الإمساك أو اضطرابات هرمونية. فيرتبط زيارة الصندوق بالألم. خذ القطة إلى الطبيب و تأكد من سلامتها ثم غير الصندوق و التراب و المكان و كافئها عند زيارته. خذها إليه بعد تناول الطعام لتعيد تعليمها.
هل قطتك خائفة أو غير واثقة ؟ القطط الخائفة تقوم بالتبول في أرجاء المنزل لتؤكد لنفسها أن كل شيء على ما يرام و أن هذا منزلها. قد يكون سبب الخوف الصوت العالي أو الأطفال المشاغبين أو العنف أو حتى قطة تهددها من خلف زجاج النافذة. يمكنك طلب بخاخ اسمه feliway يساعد القطة أن تصبح أكثر شجاعة و ثقة.
هل جاوبت بالنفي على كافة الأسئلة السابقة ؟ هل قطتك معقمة ؟ القطط الغير معقمة تتبول في كل مكان لتنادي الجنس الآخر و لتحدد مملكتها. لن تتوقف حتى تعقمها.
أخيراً تذكر أن سلوك الإخراج خارج الصندوق هو نداء استغاثة. هو سلوك غير طبيعي و يدل أن هناك مشكلة.. لا تعتقد أن قطتك تعاندك أو ترغب في الانتقام منك. هي فقط تطلب منك المساعدة. فساعدها و لا تتخلى عنها و هي في أمس الحاجة لك.
منقوول للامانه

[abdulkhaleq]

أنا جبت واحدة فعلا كانت صغيرة وقعدت أسبوع تعبتني ومعرفتش أعودها على الليتربوكس لحد ما زهقت وبعتها
لو كبيرة شوية إيه المشكلة ؟ لكن تغيير البيئة مش هيخليها تتلخبط في موضوع الليتربوكس ولا كده خلاص بتكون اتعودت ؟ ولو كده أجيبها عمر أد إيه ومنين (مكان موثوق بحيث تكون متطعمة كل التطعيمات ونضيفة ومتدربة كويس) ؟

يعني ما اعتقدش اقل من شهرين تلاته
ولو متعوده هتبقى اسهل عليك طبعا تعودها عالمكان الجديد
بالنسبه للتطعيم اصلا حضرتك ايا كان المكان لازم تطعمها تاني الا لو معاها شهادة تطعيمات بكده
وانصحك تشتري من المربيين الهواه بدل المحلات

[abdulkhaleq]

مستمتع بحديث الكلاب جدا لانى نفسى يكون عندى واحد بس ما ينفعش

و لى سؤال

الكل بيتكلم عن انك تخلى بالك و انت بتشترى علشان ميضحكش عليك و دخلت على دوبيزل لقيت مجموعه مهوله بس سمعت ان الغش فى المواصفات الشكليه كتير بربط الاذن و ما شابه

طيب هل هناك مكان مضمون تشترى منه لو انت معندكش خبره

يعنى اكادميه الشرطه اسمع انها بتبيع الكلاب الولف (قديم جدا انا , اصل معرفش الاسامى التفصيليه اللى بتقولوها
ههههههههه )

لأ الحجات الكويسه غالبا مش هتكون على دوبيزل في صفحات عالفيس بوك لاصحاب مزارع او هواه برضه يعني
ولو ماعندكش خبره لازم يكون معاك حد فاهم