اللى معندوش واسطة يروح

[JOHN YOUSSEF]

وانا لا انكر ان البلد فيها شرفاء. بس النسبة بين الحرامي والشريف كنسبة كام لكام ؟؟؟

نقول 10 بلاش 25 فالمية شرفاء و 75 حرامية. مع انها نسبة مبالغ فيها بس برده غير مقبولة. ولا هي مقبولة بالنسبالك ؟؟؟؟

مش مقبولة طبعا
بس انا مش معاك فى التهويل دا
هل انت فى عملك 100 موظف او عامل او او ... منهم 75 حرامية وش و الباقى هما اللى تثق فيهم
انا معاك انه قليل ما تجد المحترمه النزيه
بس مع الوقت بتعرف ازاى تختارهم و ازاى تلاقى النوع دا
انا من رأيى انه العكس صحيح 75 % شرفاء و دا بحسب احتكاكى بالحياة و انا عمرى تعدى ال 35

[تامر.محمد]

أ/تامر
طبعاً حضرتك بتتمنالى الخير

بص انا أمى كانت بتدعيلى دعوة وحيدة: ربنا يوقف فى وشك ولاد الحلال
و بالرغم من كدة انا لا انكر انى اصطدمت بمرتشين كتير و كتير حاولوا ينصبوا عليا و بعضهم نجح
لكن الانطباع العام عندى هو الكمية الاكبر المحترمة اللى اتعاملت معاها

ده مش تمني خالص
ده الواقع اللي كلنا عايشينه , دي جملة خبرية

محدش هنا قال ان 100% من الواقع بقى مر
لكن النسبة كبيرة
و خد بالك فيه نقطة مهمة , احساسك بمدى سوء الواقع داخل فيه مدى تصالحك معاه
بمعنى ان و حضرتك سايق على الطريق , فيه واحد منتظر من كل الناس انها تسوق عدل , فكل ما حد يكسر عليه و كل ما حد يعمل حركة نقص معاه بيتعفرت , ففي بلدنا العزيز اوي طول ماهو ماشي هو متعفرت , انا مثلا كده
فيه واحد تاني متصالح مع الواقع , ولا في باله , يتكسر عليه بدل المرة 100 و هو ولا في باله و مأنتخ و مروق و ريلاكس , و دي نماذج موجودة برده كتير

يمكن يكون ده تفسير استغرابك , او اعتبرها محاولة لتفسيره