رشحولي دراجة هوائية كويسة ومستلزماتها

[أبو آسر]

السلام عليكم
للناس اللي ليها في ركوب العَجَل (الدراجات الهوائية)
عايز أشتري حاجة كويسة وميكونش سعرها أوفر يعني ممكن في رينج 1000 - 1500 علشان عايز أمشي بيها يوميا مسافة حوالي 10 كيلو كرياضة
أسمع إن في دراجات رياضية وجبلية وغيره وفيه اللي كاوتشه بيبقى رفيع وفي تخين وحاجات متعددة السرعات وفيها أوبشنز كتير كده معرفش وظيفتها إيه
لو حد يتطوع ويفهمني باختصار الفرق بين الأنواع دي وإيه الأفضل مع العلم إن الطريق اللي همشي فيه متسفلت مش وعر بس فيه مطالع ومنازل جامدة شوية فعايز حاجة تبقى مريحة ومتتعبنيش
وكمان إيه المستلزمات اللي ممكن أجيبها معاها وتكون ضرورية يعني خوذة مثلا - زي مخصص - عدة للطوارئ وما شابه
أخيرا أجيبها منين أفضل مكان
وشكرا مقدما

[مُصْطٓفٓى]

اهم حاجة متكونش محتاجة محول كهربا زي المكنسة اللي جبتها

لو حضرتك عايزها رياضة
ايه رأيك في الدراجات الثابتة اللي ممكن تحطها جنب المكتب
تقريبا نفس الميكانيكال ونفس النتيجة ان شاء الله
ومش حتخليك تكسل عشان الظروف الجوية او الزحام او مفيش طقم مغسول تنزل بيه

[أبو آسر]

انا عندي مشاية كهربا وتقريبا مش بقرب ناحيتها
ركوب الدراجات في الهواء الطلق بعد الفجر هيبقى ليه متعة ولذة افضل بمراحل من وجود دراجة رياضية في البيت زي قبل كده اشتريت مالتي جيم ولعبت عليه مرتين تلاتة وبعته غير لما تروح جيم بيبقى جو تاني يشجعك انك تروح

[Mecha]

ابوالجوخ
8 ش عبدالحكيم الرفاعي متفرع من ش عباس العقاد خلف النساجون الشرقيون
هتحتاج خوذه, وستره بلون فوسفوري ,لحمايتك من السيارات وتصبح مرأي ليلا
هتحتاج نور led ببطاريه واحد امامي ,وهتحتاج لمبه led بلينكر يعني فلاشر عشان تنبه السيارات والماره بوجودك وحذاء رياضي

[Mecha]

[mr_vampire]

حاول تبقي خفيفة الوزن قدر المستطاع ( المونيوم ) عشان متتعبكش بسرعة وتبقي عايز تروح البيت بسرعة.

[أبو آسر]

ألف شكر على الردود يا جماعة
بس ياريت حد يجاوبني على باقي الأسئلة
أجيب عجلة Road ولا Mountain ؟ كاوتش رفيع ولا تخين ؟
أجيب ماركة معينة ولا أي حاجة في حدود الميزانية المرصودة ؟
مين أرخص وأضمن واحد أشتري منه غير أبو الجوخ لأني بحس إن أسعاره مبالغ فيها شوية ولا الكلام ده مش صحيح ؟

[أبو آسر]

لقيت دول معروضين على دوبيزل ايه رأيكم

https://egypt.dubizzle.com/ar/cairo/items-for-sale/sporting-goods/listing/7-listings-4b02b80e179859158f5f0aa523a1db23/show/?back=L2FyL2NhaXJvL3NlYXJjaC8/a2V5d29yZHM9JUQ4JUFGJUQ4JUIxJUQ4JUE3JUQ4JUFDJUQ4JUE5JmlzX3NlYXJjaD1GYWxzZSZwYWdlPTY=

https://egypt.dubizzle.com/ar/cairo/items-for-sale/sporting-goods/listing/7-listings-e816d2003a355d6e83901ebd91f288e1/show/?back=L2FyL2NhaXJvL3NlYXJjaC8%2Fa2V5d29yZHM9JUQ4JUFGJUQ4JUIxJUQ4JUE3JUQ4JUFDJUQ4JUE5JmlzX3NlYXJjaD1GYWxzZSZwYWdlPTY%3D

https://egypt.dubizzle.com/ar/cairo/items-for-sale/sporting-goods/listing/7-listings-60b0b3f4bbb256be98c6d4838f6dcf32/show/?back=L2FyL2NhaXJvL3NlYXJjaC8%2Fa2V5d29yZHM9JUQ4JUFGJUQ4JUIxJUQ4JUE3JUQ4JUFDJUQ4JUE5JmlzX3NlYXJjaD1GYWxzZSZwYWdlPTY%3D

https://egypt.dubizzle.com/ar/cairo/items-for-sale/sporting-goods/listing/7-listings-782f0bc230715cb18190709961771417/show/?back=L2FyL2NhaXJvL3NlYXJjaC8/a2V5d29yZHM9JUQ4JUFGJUQ4JUIxJUQ4JUE3JUQ4JUFDJUQ4JUE5JmlzX3NlYXJjaD1GYWxzZSZwYWdlPTY=

[Mecha]

متشتريش مستعمل في مصر ,بيكون فيها عيوب والناس مبتقولش ,وطبعا الاسوأ الناس طماعه وبتبالغ في السعر وملهاش ضمان,

[yaserbasha2000]

ألف شكر على الردود يا جماعة
بس ياريت حد يجاوبني على باقي الأسئلة
أجيب عجلة road ولا mountain ؟ كاوتش رفيع ولا تخين ؟
أجيب ماركة معينة ولا أي حاجة في حدود الميزانية المرصودة ؟
مين أرخص وأضمن واحد أشتري منه غير أبو الجوخ لأني بحس إن أسعاره مبالغ فيها شوية ولا الكلام ده مش صحيح ؟

ابوالجوخ مش غالي و هتلاقي عنده تنوع من الانواع السوقي و الشعبي و المتوسط و العالي
و الناس هناك فاهمين ممكن تعمل له زيارة تفهم و تعرف اسعار و تقان باماكن تانيه

انا جبت من عنده مشايه من زمان (الله يرحم اللي نصحني بيها) و فعلا طلعت كويسه و ارخص من بره


اما النوع لو مش محتاج كاوتش تخين يبقي ملوش لازمه لانه هيزود الاحتكاك مع الارض و هتبقي تقليه شويه

[Mohamed_Hamid]

بقالى فترة بفكر فى نفس الموضوع بس محدش مشجعنى من زمايلى خايفين من كلام الناس والتريقة والأفكار الهابطة عند أغلب الناس

[أبو آسر]

بقالى فترة بفكر فى نفس الموضوع بس محدش مشجعنى من زمايلى خايفين من كلام الناس والتريقة والأفكار الهابطة عند أغلب الناس

اولا لو فضلت تمشي ورا كلام الناس هنا عمرك ما هتعمل حاجة مفيدة في حياتك
ده انا كان في ناس بتتريق عليا علشان بحط حزام الامان !!!
هات العجلة ودور على جروب بينظم خروجات جماعية وامشي معاهم زي go bike مثلا على الفيس بوك
انا شخصيا هجيبها ان شاء الله وهعمل event على جروب المدينة عندي ولو محدش استجاب هنزل لوحدي عادي جدا بس هنزل الصبح بعد الفجر الناس بتبقى نايمة

[Mecha]

بقالى فترة بفكر فى نفس الموضوع بس محدش مشجعنى من زمايلى خايفين من كلام الناس والتريقة والأفكار الهابطة عند أغلب الناس

تريقة ايه بس ياباشا ,دا فيه محافظات موظفينها مقضينها بسكلتات .اخطف رجلك لحد بني سويف .القاهره والجيزه معبيين بسكلتات.
وعجل عضمه جامد نصر وفلبس ام كوشه ع الفورش صديقة طايفة المعمار يحمل عليها القروانه والمسطرين والشكاير الفاضيه .واكيد لسه اللاري شغال هههههه.

[Mecha]

ادي الفليبس تعرفها بالكادر الدوبل والكوشه اللميع .وشوف الجادون متني ازاي .اخطر حاجه لو مملكتوش بيلف ويخبط الحوض.

[Mecha]

وادي الحريمي منها بفرامل سلك بدل الاتياش في السابق.