كليه تجاره و كليه طب ... المصير واحد في الاخر

[Mecha]

إيه ده ...أفهم من كلامك إن اللي مش عاجبه البلد يمشي؟؟؟؟!!!!

لو مش لاقي رزقك فيها ,مش عاجبك الحال, عمال تسب وتلعن فيها ,اه يمشي ايوه يمشي ايوه يمشي ,ويوسع لغيره كدا كدا هي مزحمه,مهو اللي موش عاجبو الحال مش مولود ملحوم فيها ومهوش قدر يفضل متلحم علي قلبها ,وحتي الملحوم ينقطع بحجر او يتسيح بنار .وسبب خراب حالها ناس كتييييييير ملهاش اي لازمه عايشين فيها وكلهم كره وحقد وغل.

[dede_dodo88]

معلش بس ده كلام ناس فاشلة بتحاول تدور على أي شماعة تعلق عليها فشلهم.
محدش قال أن سكة النجاح سهلة و مليانة ورد, بس الفرق ان اللي عايز ينجح و بيسعى مش هتفرق معاه كل الظروف و السلبيات اللطيفة اللي بتتكلموا عليها دي..
لكن لو أنت كل تفكيرك مادي و بتدور على مكسب سريع يجيلك لحد عندك فأنت محتاج يا إما تكون محظوظ أوي أو تنام و تحلم أنك عايش في يوتوبيا..

[Mecha]

اه فعلا مقالات لنشر اليأس و الاحباط



احنا اسفين يا ريس :)))

انا مخدتش بالي في الاول ,لكن انا موش من المجموعه دي ولا واخد اي اتجاه و محضرتش ايام الغليان .اذا كنت واخد اتجاه اظهر نفسك وقول بشجاعه بدون غمز ولمز وتلقيح كلام علي الاخرين.

[Abo_Mazen]

لو مش لاقي رزقك فيها ,مش عاجبك الحال, عمال تسب وتلعن فيها ,اه يمشي ايوه يمشي ايوه يمشي ,ويوسع لغيره كدا كدا هي مزحمه,مهو اللي موش عاجبو الحال مش مولود ملحوم فيها ومهوش قدر يفضل متلحم علي قلبها ,وحتي الملحوم ينقطع بحجر او يتسيح بنار .وسبب خراب حالها ناس كتييييييير ملهاش اي لازمه عايشين فيها وكلهم كره وحقد وغل.

والله العظيم في ناس نفسهم يطلعوا منها ومش عارفين ..

[Mecha]

والله العظيم في ناس نفسهم يطلعوا منها ومش عارفين ..

باشا دول اخيب من الخيابه ههههه, العيب الوحيد في مصر الناس الا من رحم ربي , خليط كره ونبر وندب وتعديد وحقد وماديه مسعوره علي تخلف وغباء وتواضع المهارات, الناس اللي بتصرخ وتقول هي جهنم ونازلين سب ولعن فيها وعمالين يبخوا سمهم ما يروحوا يعدوا السور عندهم اسرائيل وليبيا والسودان ويحرق البطاقه والباسبور وشهادة الميلاد وكافة جنس شئ يربطه بمصر.
يا اما يرضي بالمقسوم.

[Mohab.Nabil]

انا فاهم قصدك و حال البلد فعلا مش تمام

بس للاسف الكلام ده فعلا مش مشجع او على الاقل بالنسبة لى مش صح انه يتقال .. ليه بقى ؟ دلوقتى واحد طالب قى الثانوى .. طلع عينه عشان يجيب مجموع محترم و واحد صاحبه كان واخد الموضوع هزار و لعب و معملش نص المجهود اللى زميله عمله .. و فى الاخر احنا نطبطب على اللى مذاكرش و معملش اللى عليه و نقوله معلش يا حبيبى انت هتبقى احسن من زميلك اللى بيذاكر و هتبقى افضل منه فى المستقبل .. طيب هو الطالب فى الثانوى مش مطلوب منه يذاكر ؟ و هتقولى نظام فاشل .. هقولك بس الطالب اللى جاب مجموع ده عمل اللى عليه .. هو مش لاقى نظام تعليم محترم و نظام تعليم فاشل و راح اختار الفاشل .. هو نظام تعليم فاشل بس هو عمل اللى عليه و ذاكر و اجتهد و ربنا وفقه و جاب مجموع .. نقوم احنا نقوله لا يا حبيبى كل ده ملهوش لزمة و صاحبك اللى قاعد يلعب طول السنة هيبقى احسن منك .. و محدش يقولى تجارة و تبقى مليونير و الكلام ده .. اه فيه ناس بتنجح من غير شهادة .. بس مش ده الطبيعى .. الطبيعى ان اللى اجتهد و جاب مجموع احسن و دخل كلية اعلى فى التنسيق يبقى انجح من صاحبه اللى قعد يلعب طول السنة .. و فى كل العالم مش مصر بس المهندسين و الدكاترة مرتباتهم و مستواهم الاجتماعى اعلى من الكليات التانية .. الكلام ده كلام على العموم بس طبعا فيه شواذ للقاعدة و فيه ناس مجتهدة بس بتحب التجارة مثلا او اى كلية تانية و بتنجح فيها .. بس مينفعش انا اجى اقول لواحد اجتهد لا انت ملكش لزمة فى الاخر .. انا شايف ان هو عمل اللى عليه و نجح باجتهاده فى نظام فاشل فعلى الاقل يستحق التحية مش ان نقوله ان اللى معملش حاجة احسن منك

[Bassem Youssef]

انا مخدتش بالي في الاول ,لكن انا موش من المجموعه دي ولا واخد اي اتجاه و محضرتش ايام الغليان .اذا كنت واخد اتجاه اظهر نفسك وقول بشجاعه بدون غمز ولمز وتلقيح كلام علي الاخرين.

انا مش واخد اي اتجاه و لا حاطط في دماغي ان حضرتك تبع الجماعه الفلانيه او الحزب العلاني

لو واخد اتجاه هقول علي طول يا بيه :) انا مش بعمل حاجه غلط

و بعدين انا لا لقحت كلام و لا في لمز او غمز في كلامي

حضرتك فهمتني غلط علي فكره :)

[Bassem Youssef]

باشا دول اخيب من الخيابه ههههه, العيب الوحيد في مصر الناس الا من رحم ربي , خليط كره ونبر وندب وتعديد وحقد وماديه مسعوره علي تخلف وغباء وتواضع المهارات, الناس اللي بتصرخ وتقول هي جهنم ونازلين سب ولعن فيها وعمالين يبخوا سمهم ما يروحوا يعدوا السور عندهم اسرائيل وليبيا والسودان ويحرق البطاقه والباسبور وشهادة الميلاد وكافة جنس شئ يربطه بمصر.
يا اما يرضي بالمقسوم.

اتفق مع حضرتك في فئه فيها العبر من كل شكل و لون و لكن مفيش حد ذو عقل بيكره البلد نفسها

ممكن يكون كاره لاوضاع البلد او لتصرفات و اخلاقيات الشعب (زيي كده مثلا)

لكن بيكره البلد اللي اتولد فيها او اهله و اصدقائه و ذكرياته الحلوه و الوحشه فيها

مظنش ابدا :)

مفيش حد بيخرج من البلد و بيحرق بطاقته و باسبوره و الكلام ده و مفيش حد بيفكر كده اصلا

الرضا بالمقسوم لما يكون المقسوم منزل من عند الله عز و جل و احنا ملناش يد فيه

زي الموت مثلا

لكن متقوليش بلد فيها كل الموارد الطبيعيه و المعدنيه و البشريه و المائيه و تكون دوله فقيره بتشحت من اللي يسوي و اللي ميسواش

يبقي ده مش مقسوم لو سمحت ... ده اسمه فئه مخربه عندها فكر عقيم بيدمر البلد من سنين طويله و شغالين سرقه و نهب و سحل و قتل و في نفس الوقت ناس كتير فرحانه بكده

الفئات دي و الله هي اللي خلت البلد حالها كده

انا ارضي بالمقسوم لما يجي زلزال يدمر البلد لكن متقوليش ان شئ طبيعي ان الدوله معندهاش خطه لمواجهه الكوارث الطبيعيه

ربنا يحسن احوالنا الي احسن حال