كيفية القضاء على صراصير المطبخ

[ahmadalsattar]

اعانى كثيرا الفترة الحالية من انتشار الصراصير الصغيرة فى المطبخ جربت بودرة فى الصيدلية اسمهى هاى سول ما نفعت روحت لبتاع مبيدات ادانى بودرة بتاعت براغيت رشيتها برضه فشلت .... هل من حل عملى و فعال ...

[unl0veable]

القضاء على الصراصير : كيف يمكن مكافحة والتخلص من الصراصير

[مُصْطٓفٓى]

فيه بودرة للصراصير بتجيب من الآخر
بس اهم حاجة تقفل كل الفتحات اللي ممكن يدخلوا منها في المطبخ والحمام

[A.Saad]

بتوع المبيدات الزراعية
وفيه محل منهم فى شارع الجمهورية بين تقاطع عبد الخالق ثروت وقصر النيل
بيبيعوا مبيد يخفف بالماء
بس تجيب له رشاش وياريت نظارة وقاية
ويترش بعد شيل الاوانى والاغذية ويقفل المطبخ
وتكرر العملية بعد 4 ايام

[Abo_Mazen]

بص يا سيدي ..وعن تجربه ..حضرتك هتجيب عبوة راجون أو ريد للحشرات الزاحفه ..عشان فيه طبعا للحشرات الطايره ..المهم ..حضرتك هتجيب بتاع الحشرات الزاحفة ..وهتقوم مفضي المكان اللي حضرتك هترشه كويس قوي ..يعني ميبقاش في أي أواني أو حاجه هتستخدم في الطعام مثلا ..وبعدين تقوم راشش في الأركان كويس قوي ..وتقوم قافل المكان ده يوم مثلا ..يعني لازم المكان يكمكم ..ليه بقى ..؟؟؟عشان المبيد بتاع الحشرات الزاحفه ده بيكون فيه مادة زيتيه ..لو حضرتك رشيته وما قفلتش المكان الزيت ده هيتبخر ..لكن لو حضرتك رشيته وقفلت المكان كويس الزيت ده هيفضل مكانه على الأرض وهينشف على الأرض ..هي فعالية المبيد ده بتيجي من هنا ..من المادة الزيتيه الي موجوده فيه وبتفضل في المكان فتره طويلة ..الرشه دي ممكن تقعد معاك لآخر ا لصيف ..ومعاك على أول الشتا تدي كمان رشه ..وعلى أول الصيف الجاي تدي كمان رشه ..وهكذا ..وخلي بالك ..وعن تجربة ..ريد وراجون ..مفعولهم ..بيستمر ويعيش ويتوغل ..ويقتل ..ويستمر ويستمر ويستمر ويستمر ويستمر

[Mecha]

المهم ميكونش فيه اي فضلات طعام ,البوتجاز والبنشات تتمسح كل ليله وياريت المطبخ يكون خشب ميلامين -مش خشب عادي- او استنلس,والارضيه تتمسح بالمبه وصابون وكلور كل اسبوع علي الاقل.اي اوعيه غير مغسوله تتحط في الحوض تحت ميه وصابون.

[accord]

في بودرة اسمها بودرة صراصير بتتباع في الصيدليات بتلاتة جنيه هي عبوة بلاستيك بحجم علبة البيروسول تضغط على بطنها تنفش البودرة في وشك او في الجو هاتلك عبوتين ونضف المطبخ كويس من الاواني وحط قماشة مبلولة على فمك وابدأ المهمة الصعبة رش تحت الأحواض والبوتاجاز وتحت وخلف الثلاجة وفي الزخانيق وعلى المواسير واتوصى بالزوايا ومتخليش حتة الا اما تاخد حقها هتلاقي الصراصير بتطير من كل حتة كبير وصغير سيب الوضع ده خمس ساعات على الاقل ونضف بعدها اثار الحرب كويس لان ريحة البودرة دي زي الشطة بالظبط وهتخليك تعطس كتير واستمتع بعدها بمطبخ نظيف خال من الصراصير بستة جنيه بس

[lonedoctor]

اخى الكريم حياك الله
والله عندنا فى السعودية كنا نعانى من هذا الموضوع لغاية ما وجدنا الناس هنا عندها خلطة عجيبة تقضى على الصراصير نهائيا وخاصة صراصير المطبخ ذات الحجم الصغير والاجمل انها خلطة غير سامة مطلقا
تعتمد على بودرة البوريك اسيد تجيب منها مثلا 30 الى 50 جم وتضع عليها نصف المقدار حليب بودر وسكر بودر وترشها فى الاماكن المنتشر فيها الصراصير او تعجنها على هيئة كور صغيرة وتضعها ايضا فى اماكن تواجد الصراصير
الخلطة سامة جدا للصراصير ومنفرة جدا بحيث لا تستطيع البقاء فى اى مكان موجودة فيه
فى خلال اسبوع تنتهى المشكلة تقريبا وعن تجربة
ياريت تعطينا خبرتك بعد استعمالها
تقبل تحياتى

[kaza]

عجينة الصراصير من الصيدلية افضل شيئ وبتنهي وغير سامة لانها حمض بوريك في الاساس وطعمها حلو للصراصير واللي بياكل بتدمر جهازة الهضمي وبالاخص بيكون وصل لمكان تجمع ليهم والباقي بيتغذي علي الملكوم صريع اكلة البوريك وبيموتوا وهلم جرة لحد مابيخلصواخالص

[kaza]

اخى الكريم حياك الله
والله عندنا فى السعودية كنا نعانى من هذا الموضوع لغاية ما وجدنا الناس هنا عندها خلطة عجيبة تقضى على الصراصير نهائيا وخاصة صراصير المطبخ ذات الحجم الصغير والاجمل انها خلطة غير سامة مطلقا
تعتمد على بودرة البوريك اسيد تجيب منها مثلا 30 الى 50 جم وتضع عليها نصف المقدار حليب بودر وسكر بودر وترشها فى الاماكن المنتشر فيها الصراصير او تعجنها على هيئة كور صغيرة وتضعها ايضا فى اماكن تواجد الصراصير
الخلطة سامة جدا للصراصير ومنفرة جدا بحيث لا تستطيع البقاء فى اى مكان موجودة فيه
فى خلال اسبوع تنتهى المشكلة تقريبا وعن تجربة
ياريت تعطينا خبرتك بعد استعمالها
تقبل تحياتى

ممتازة فعلا بس غير منفرة بل جاذبة وبتتلف جهاز الصرصار الهضمي وتقضي عليه

[sherif222]

القضاء على الصراصير : كيف يمكن مكافحة والتخلص من الصراصير

جزاك الله خيرا على هذا الموقع

[sayedmatrix]

علاج الصراصير الناجح والمستمر هو اولا وثانيا وثالثا النظافة المستمرة وعدم ترك اي مخلفات عضوية من اي نوع في المكان ، بعد كده من الممكن استخدام عجينة اسمها "ابيدو" ، بعد استخدامها هتلاحظ ان العدد بيقل تدريجيا لحد ما يختفي تماما ، ومش هتلاحظ كمان وجود صراصير ميته لان العجينة مش قاتله فورا ، لكن بتتحول في معدة الصرصار الي ما يشبه الجبس لا يستطيع هضمه او التخلص منه فيموت بعد فترة ، وبالتوفيق

[mstrabdo]

مقالة رائعة ومنتدي رائع شكرا لكم

[salam100100]

كيروكس عن تجربه

كان عندى نفس المشكله (الصراصير الحجم الصغير)
خلصت عبوه واحده من كيروكس والصراصير بقالها 3 سنين مرجعتش

انا رشيت وسيبت البيت ورجعت بليل عشان الريحه رهيبه