الحمد لله تفوقت في الثانوية

[mr_green]

طالما إنت مش مايال لهندسة يبقى زويل و بعدها guc

بس إبعد عن هندسة طالما إنت مش حاببها لأن هاتفرق معاك لما تدرس و تشتغل بحاجة حاببها و إعمل حسابك إن ال guc الدراسة فيها مش سهلة خالص

[Merooxx]

أكيد هندسة إسكندرية , الكلام الباقي كله هجص.

يمكن
بس ايه أسباب حضرتك

[Merooxx]

على الاقل في مجال الأعمال لما يبقى اسمك مهندس فلان
اشيك واوثق من الأستاذ فلان
ممكن تكون نظرتي سطحية شوية

لايعنيني تماما هدا الأمر أو الألقاب بصفة عامة
أهم حاجا انتا ايه مش لقبك ايه

[Merooxx]

الف مبروك و انت كده خلصت من اول خطوه في مشوار "المليون خطوه"

ربنا يوفقك في كليتك اي كانت و ربنا يساهل و تطلع تشتغل بره البلد :)

الله يبارك فيك
وفعلا دي خطوة أولى لسا باقي كثير

ويارب الواحد يخلص من البلد دى

[Merooxx]

السلام عليكم
ألف مبروك النجاح و كل عام و أنتم بخير
أرشح هندسه ميكانيكا أو بحريه إسكندريه إذا لم تحصل علي منح زويل أو الألمانيه و ربنا يوفقك
جزاكم الله خيرا

الله يبارك فيك

[Merooxx]

مبروك النجاح و بالتوفيق في القادم..
أنا ميال لخيار هندسة guc لأني أعرف كذا حد أتخرج منها و دلوقتي بيشتغلوا في ألمانيا, و اللي أعرفهم من خريجي الجامعة دي عموماً بيكون مستواهم كويس و بيشتغلوا في أماكن كويسة..

والله وانا كمان ميال جدا ليها

[Merooxx]

الف مبروك وموضوع المقارنه بين الجامعات الخاصة والجامعات الحكوميه يعتمد على ايه هوه مستواك المادى والاجتماعى
يعنى خريج الاكاديميه عقبال ما يتخرج منها بيكون صرف اقل واجب 400 الف جنيه فطبعاً مش هيخرج يشتغل بالفين جنيه وهوه اصلا كمان مش هيعرف يشتغل لانه خريج الجامعه الحكوميه بيبقى اقوى منه فى الدارسه الخاصة بالشغل
ولكن الجامعات الخاصة متجه اكتر انه يبقى شغال فى البريزينتيشن والبيزينس
وبالتالى مستواك المادى لو عالى ووالدك عنده شركات فادخل جامعه خاصة خلاف ذلك ادخل جامعه حكوميه
وبالتوفيق

شركاااات ايه بس احنا غلابة
هوا المستوى المادي جيد
يعني اعرف ادفع المصاريف وأكون في مستوى الطلاب اللي هناك
لكن لا والدي عندو شركات ولا احنا عيلة كبيرة ولا حاجا
وبعدين هوا المهندس الناجح أو رجل الأعمال لازم يكون والدو حاجا في البلد
أنا زي مقولتلك احنا غلااااااابة والحمد لله

[Merooxx]

طالما إنت مش مايال لهندسة يبقى زويل و بعدها guc

بس إبعد عن هندسة طالما إنت مش حاببها لأن هاتفرق معاك لما تدرس و تشتغل بحاجة حاببها و إعمل حسابك إن ال guc الدراسة فيها مش سهلة خالص

والله منا عارف انا لسا بفكر
بس هوا مجال البزنس ليه مستقبل ولا لازم يبقى أبوك غني أو عيلتك كبيرة !!

[dr_click]

يمكن
بس ايه أسباب حضرتك :copy of rfds:

هندسة إسكندرية لو عايز تتعلم هتتعلم كويس و تلاقي فرص كويسة و تبقي شخص محترم.
اي مكان تاني حتي لو عايز مش هتعرف لأسباب كتيرة منها ضعف هيئة التدريس و الاهتمام باستنزاف الطلبة اكتر من إفادتهم و عدم وجود حرص من الطلبة نفسهم علي التعلم.

[mino18]

لو عندك مقدره مادية تتحمل تكاليف المعيشة في المانيا قدم على هندسة في جامعة في المانيا
ﻻن التعليم في المانيا مش غالي ولكن هتتحمل تكاليف المعيشة
وفيه ناس كتير كاتبه عن الموضوع دا على النت
اﻻختيار اللي بعده طبعا guc ثم ال miu دا لو عايز تتميز في شغلك ومستقبلك داخل او خارج مصر ان شاء الله

[tkamal]

سافر اتعلم بره وسيبك من الهجص اللى هنا

[JOHN YOUSSEF]

الله يبارك فيك
وفعلا دي خطوة أولى لسا باقي كثير

ويارب الواحد يخلص من البلد دى

انت طالما هتبتديها تمنى بالخلاص من البلد يبقى مش هتنجح هنا ولا برة
الافضل ان تكون راضيا شاكرا على ما عندك و السفر او غيره على حسب قرارك بعد النجاح بأذن الله

لو دخلت هندسة هتاخد كل وقتك و فى الصيف لازم تاخد كورسات لغة او برمجة او موديللينج او analysisعلى حسب
و لو اهملت فيها هتتخرج بمقبول و دا مش كويس لمهندس مقبل على انترفيو فى السوق المصرى
بص ادنى مستوى من الدراسة فى الكلية -اى كلية هندسة- هيخليك كفء انك تنجح فى الشركات المصرية لأن هنا مفيش ابحاث .. كلها تطبيقات سهلة على برامج هندسية
انا اتخرجت من الاوائل -هندسة عين شمس- العقد الماضى- و بجد التقدير بيفرق جدا جدا فى مستوى الشركة اللى انت بتشتغل فيها

و اى استفسار انا معاك

[omarhelalyehia]

هندسة اسكندرية و انت مغمض و بسرعة ما تفكرش

[Elawany13]

ألف مبروك وعقبال التفوق والتميز فى دراستك الجامعية... عن نفسى بفضل هندسة الاسكندرية
والاختيار لك فى الآخر

[YahiaAshraf]

لو ناوى على جامعه خاصه يبقى الأكادمية البحريه من اعرق الجامعات على مستوى العالم
لان اساسا فى مصر مفيش غير عدد 2 جامعه دولية وهما الجامعه الامريكية والتانيه الأكادمية البحريه الباقى اسماء للدول فقط