شراء شقة في الزقازيق

[dongol123]

السلام عليكم و رحمة الله

الموضوع باختصار ان زوجتي من الزقازيق و احنا عندنا شقة في القاهرة و عايشين بره مصر و كل ما انزل زيارة لاهل زوجتي بصراحة مش ببقي مرتاح في القعده في بيت غريب لذلك نوينا نشتري شقة لا كبيرة و لاصغيرة يعني حاجة في حدود 120 متر

ظروف وجودي خارج مصر مخلياني مش عارف ايه هي المناطق الكويسة و الاسعار بقت كام فانا نويت انزل اجازة في منتصف الشهر اللي جاي علشان ادور علي حاجة معقولة

انا عارف ان في ناس كتير في المنتدي من الزقازيق و يا ريت يدلوني علي المناطق الراقية ورنج الاسعار و كمان لو فيه سمسار كويس يا ريت يدلوني عليه

[M!SHO]

دور في الزهور بس اعمل حسابك المتر من اول ٤٥٠٠ وانت طالع

ممكن تشوف الغشام شارع جديده بس مش راقي اوي

ابعد عن القوميه خالص خصوصاً لو مش شوارع رئيسيه ، ممكن الڤلل بس الاسعار فيها معديه

محتاج تحدد الميزانيه الاول ، اعمل حسابك ان الشقق في الاقاليم اغلى من القاهره

[Ahmed_Morsy]

انا زيك تقريبا لسة نازلين مصر وبالتحديد الزقازيق والی حد كبير عندی خلفية عن المناطق والاسعار بعد لف وتدوير لشراء شقة للسكن
حضرتك حدد الفلوس الاول وان شاء الله افيدك

[dongol123]

دور في الزهور بس اعمل حسابك المتر من اول ٤٥٠٠ وانت طالع

ممكن تشوف الغشام شارع جديده بس مش راقي اوي

ابعد عن القوميه خالص خصوصاً لو مش شوارع رئيسيه ، ممكن الڤلل بس الاسعار فيها معديه

محتاج تحدد الميزانيه الاول ، اعمل حسابك ان الشقق في الاقاليم اغلى من القاهره

شكرا لردك... انا ميزانيتي لغاية ٥٠٠ الف

معلش القومية لا ليه.... انا اسمع انها من المناطق الكويسة في الزقازيق

[dongol123]

انا زيك تقريبا لسة نازلين مصر وبالتحديد الزقازيق والی حد كبير عندی خلفية عن المناطق والاسعار بعد لف وتدوير لشراء شقة للسكن
حضرتك حدد الفلوس الاول وان شاء الله افيدك

ميزانيتي هية ٥٠٠ الف وعايز شقه ما تكونش في منطقه عشواءية

[volociximab]

الزهور و عند موقف المنصورة
و كده كده انت جنب القومية
فيه شقق رخيصة عند المصرية بلازا ماعرفش ليه
انا شخصيا مبحبش القومية باتخنق منها
مشكلة الزقازيق اسعار غالية جدا و شقق غير مرخصة و مبنية بعد الثورة بالمخالفة و علنى
يعنى كلمت شركة قالولى البرج لغاية الدور الرابع مرخص و بعدين لغاية الدور 11 غير مرخص
ماعرفش بقى مبنى حلو و لا ورق
و اعرف واحد شارى فى الزهور شقة ب700 الف و غير مرخصة
لو ميزانيتك اعلى ممكن اقولك شوف ابراج المحلج
لو عايز ارقام سماسرة ممكن ابعتلك على الخاص انا لفيت عليهم واحد واحد عشان شقة اتزوج فيها و فى الاخر سكنت خارج الزقازيق

[volociximab]

طبعا ابعد عن شارع فاروق
ابعد عن البرج الابيض فى شارع فاروق لانه فيه تقريبا مشكلة على الارض
ممكن تلاقى قبل التجنيد و عند الزراعة بس تعتبر منطقة امتداد شارع فاروق و مش مستوى قوى
لو مسكنتش فى منطقة نظيفة فى الزقازيق متسكنش احسن

[assaf]

شوف عند منطقه الغشام المنطقه قريبه جدا من القوميه و بالسعر دا ممكن تلاقي هناك

[nilmaster]

زى ما الاخوة قالوا ممكن تجيب بالميزانية دى شقه فى منطقة الغشام الزقازيق بقت زحمة جدا جدا واسعار الشقق مرتفعه جدا واغلى من القاهرة.

[Ahmed_Morsy]

بص حضرتك سيبك من القومية لانها زحمة جدا ومقرفة تقريبا كل الناس بتخرج فيها وخصوصا المناسبات ويوم الخميس وطبعا معاكسات ولبس وقلة ادب
عندك الغشام فيها شوارع 8 وفيها شوارع 10 ميزتها انها لازقة فی القومية اللی فيها المصالح ومحلات اللبس والمطاعم الخ ومعظم اللی ساكنين فئة راقية اطباء ومهندسين واساتذة جامعة ولكن لسه جديدة ومش زحمة وليها 3 مداخل وبالميزانية ده ممكن تجيبلك شقة علی الرئيسی بس فی حدود 110 متر
عندك الزهور او المعلمين وده حتة راقية جدا وقصاد الجامعة وشوارع واسعة وهادية خالص
وعلی فكرة كنت شوفت شقق عند الزراعة 120 متر تنفيذ شركة مش مالك وحتة راقية والسكان ناس محترمة وبعيدة تماما عن الزحمة وجمبك بالظبط هايبر ماركت ومسجد محترم بس للاسف كنا دفعنا مقدم شقة تانية وكانت320 الف ولكن لقطة الحقيقة

[dongol123]

الزهور و عند موقف المنصورة
و كده كده انت جنب القومية
فيه شقق رخيصة عند المصرية بلازا ماعرفش ليه
انا شخصيا مبحبش القومية باتخنق منها
مشكلة الزقازيق اسعار غالية جدا و شقق غير مرخصة و مبنية بعد الثورة بالمخالفة و علنى
يعنى كلمت شركة قالولى البرج لغاية الدور الرابع مرخص و بعدين لغاية الدور 11 غير مرخص
ماعرفش بقى مبنى حلو و لا ورق
و اعرف واحد شارى فى الزهور شقة ب700 الف و غير مرخصة
لو ميزانيتك اعلى ممكن اقولك شوف ابراج المحلج
لو عايز ارقام سماسرة ممكن ابعتلك على الخاص انا لفيت عليهم واحد واحد عشان شقة اتزوج فيها و فى الاخر سكنت خارج الزقازيق

اكون شاكر لحضرتك لو تبعت لي ارقام السماسرة علي الخاص
الميزانية اللي انا قلت عليها ممكن ازود عليها مبلغ صغير لو لقيت حاجه مناسبة

[dongol123]

طبعا ابعد عن شارع فاروق
ابعد عن البرج الابيض فى شارع فاروق لانه فيه تقريبا مشكلة على الارض
ممكن تلاقى قبل التجنيد و عند الزراعة بس تعتبر منطقة امتداد شارع فاروق و مش مستوى قوى
لو مسكنتش فى منطقة نظيفة فى الزقازيق متسكنش احسن

شارع فاروق زوجتي مش عايزة تسكن فيه لانها بتقول عليه منطقة البلطجية. انا طبعا ما اعرفش هل فعلا هو كدة ولا لا لاني مش من الزقازيق

[dongol123]

بص حضرتك سيبك من القومية لانها زحمة جدا ومقرفة تقريبا كل الناس بتخرج فيها وخصوصا المناسبات ويوم الخميس وطبعا معاكسات ولبس وقلة ادب
عندك الغشام فيها شوارع 8 وفيها شوارع 10 ميزتها انها لازقة فی القومية اللی فيها المصالح ومحلات اللبس والمطاعم الخ ومعظم اللی ساكنين فئة راقية اطباء ومهندسين واساتذة جامعة ولكن لسه جديدة ومش زحمة وليها 3 مداخل وبالميزانية ده ممكن تجيبلك شقة علی الرئيسی بس فی حدود 110 متر
عندك الزهور او المعلمين وده حتة راقية جدا وقصاد الجامعة وشوارع واسعة وهادية خالص
وعلی فكرة كنت شوفت شقق عند الزراعة 120 متر تنفيذ شركة مش مالك وحتة راقية والسكان ناس محترمة وبعيدة تماما عن الزحمة وجمبك بالظبط هايبر ماركت ومسجد محترم بس للاسف كنا دفعنا مقدم شقة تانية وكانت320 الف ولكن لقطة الحقيقة

ممكن حضرتك تقولي اوصل لشقق الزراعة دي ازاي ويا ريت لو كمان تقولي اشتريت فين ممكن نبقي جيران ان شاء الله

[Ahmed_Morsy]

احنا اشترينا فی الزهور بحوالی 500 الف وشارع 10 متر وانا حاليا مقيم فيه
واشترينا شقة تانية فی الغشام شارع 8 متر 160 متر ب 440 الف تقسيط علی سنتين

https://www.google.com.eg/url?sa=t&source=web&rct=j&url=https://www.bezaat.com/egypt/zagazig/properties-for-sale/apartments/ad/1157488&ved=0CB4QFjABahUKEwih-oyP7OrGAhWHuRQKHZ8GBKQ&usg=AFQjCNGiOLCUP_1QDlX7yGLFrDnmMHpRDA

ده اللينك بتاع الزراعة ممكن حضرتك تتواصل مع المعلن
وای استفسار تانی تحت امرك وان شاء الله تشتری حاجة كويسة

[banzai]

مفيش حاجه اسمها ......................... , الزقازيق عباره عن .............................................. , فلل الجامعه دى ........................................كده و كلها ......................... زيها زى ش الغشام , ............................................ ولا خروجه حلوه و تلاقى اسعار خرافيه
لو عايز حته هاديه عليك و على تقسيم المعلمين جنب حى الزهور بعد المغرب مفيهاش صريخ ابن يومين و دى نعمه يتمناها
كل اللى عايش .................................................. ...............

انذار ووقف اسبوع لمخالفه القاعده رقم (12) من قواعد المنتدى

يرجى مراعاه الاداب العامه ومراجعه قواعد المنتدى
م.ع 5
21-07-2015
3:00pm