محتاج الكل يدخل ضرورى بخصوص العلاج بالقران

[3abdo.it]

ازيكم ....

انا معلش مواضيعى بتاعت مشاكل معدتى المزمنة كتيرة هنا فى المنتدى يمكن تكونو زهقتكم بسببها بس اهو الواحد بياخد برايكم

الموضوع ان انا معدتى متبهدللللللللللللللللله بقالى 3 سنين نزلت بوست على الفيس بوك على جروب كبير انا مشترك فية والناس الى فية محترمة قلت يمكن حد يفدنى

دا نص البوست


انا مش عارف ابتدى منين بجد انا شب 28 سنة متجوز ولسه مخلف بنت بقلها اسبوعين ومش قادر افرح بيها من تعبي وبقيت انسان مدمر نفسيااااااا وجسمانيا وصحيا
طول عمرى وانا ضعيف اصلا وزنى 55
عمرى متعبت تعب جامد ولا كان بيجيلى مغص ولا ترجيع ولا الكلام دا خالص
لحد الشهر الكئيب شهر 2 سنة 2013
كلت اكلة من الشارع مكرونه بالكبده روحت نمت
قومت تانى يوم ترجيع و مغص لمدة اربع ايام وتركيب محاليل والذى منة لحد مفوقت قولت خلاص بقيت كويس
بعيد عنكم لحد النهردة كل يوم الصبح الم ووجع رهيب فى المعدة مع لاما ترجيع لاما احساس بالترجيع ويستمر لحد العصر وبعدها افوق
تخيلو بقالى تلات سنين كل يوم عدد الساعات الى بقدر اكل فيها واتنفس ميكملوش 10 ساعات
لو كلت اي اكله تقيله شويه تاني يوم اتبهدل ترجيع ومغص واحيانا مكنش واكل اصلا واتعب بردو الصبح
روحت لاكتر من 15 دكتور اخرهم اكبر دكتور جهاز هضمى فى مصر علشان تكشف عندة لازم حجز قبلها بشهر اسمة محمد عبد الوهاب فى المنصورة
ادانى علاج ريحنى اسبوع بالكتير
ورجعت تااااااانى روحت لدكتور مشهور اوي عندي في القاهره اسمه نبيل القاضي قلي شويه التهابات خفيفه مع حاله نفسيه سيئه. واداني العلاج وهوب شهر وتعبت تاني
اشاعات وعملت مناظير وعملت وعملت كل التحاليل الموجودة للجسم والكبد واى نيلة
مفيش اى امل
انتحر ولا اعمل اية محدش يقولى روح لدكتور تانى انا روحت ل 15 دكتور كل واحد براى غير التانى
الى يقولى جرثومة معدة ويديني كورس ليها والى يقلى مفيش حاجة اسمها جرثومة المعدة دنتا عندك تيفود
والى يقلى ارتجاع فى المري ومعدتك حساسه اوي والتهاب فى المعدة كل واحد براى شكل
خلاص مبقاش عندى حاجة تانى اقولها
اسف على الاطالة بس محتاج افضفض من التعب والياس الي وصلتله يمكن حد يكون مر بنفس التجربه وربنا كرمه يقلي عمل ايه
اخيرا. بالله عليك متاكل من الشارع تاني اديني حاله مدمره قدامك اهو


البوست دا جالى علية 300 تعليق واكتر من 30 واحد دخلو يكلمونى خاص يقولولى ازاى خفو

من ضمن الناس دى كذا حد يقسم بالله انة نفس حالتى بالظبط ومخفش غير عن طريق شيخ


فوجئت بتصال واحد منهم صباحا قعد يوصفلى الى كان عندة والتعب مماثل تماما وبردة بقالة تلات سنين زى تعبان احد الاشخاص نصحة بشيخ اسمة محمد فى الاسماعلية رحلة وقال بجملت المشاوير لقا طبور وبتاع وعربيات كتير لناس داخلة

قلة اقعد على ضهرك وحد صبعة على رجلية وقرا قران قام صاحبنا حس بمسمار بيدخل مكان صباع الشيخ قلة قوم انتا شارب عمل تقريبا او حاجة زى كدا مش متذكر

الشيخ ادالة حجات يحطها على الاكل . بيقسملى بالله ان من سعتها مرتاح بقالة 7 شهور

والراجل دا من الشرقية عارض عليا لو عوزنى اقبلة او يخدنى يودينى حتى بدون اى مقابل وبيقول انا عايز اعمل خير لله فيك لان عارف العذاب الى انتا فية

فانتو اية رايكم اروح ولا اعمل اية وهل فعلا فية علاج كدا

[أحمد كمال]

كلام فارغ و نصب و دجل

[7oda]

طول عمرى وانا ضعيف اصلا وزنى 55

اول حاجة احب اقولها ان انا مش دكتور و لكن لفت نظرى الجملة الى انت كتبتها

فى اعتقادى ان انت عندك حساسية تجاه نوع معين من الاكل هل روحت لدكتور و اختبر حساسيتك لل لاكتوز و الجلوتين
فى حياتى شفت تلت حالات زى حالتك كانو تعبنين جدا و هما اطفال
الاول كان عندو lactos intolerance
التانى gluten intolerance
التالت كان عندو نوع غريب من الحساسية مكنش يقدر ياكل بروتين حيوانى

باريت تسأل دكتور يبص فى الاتجاه ده و تمنياتى ليك بالشفاء العاجل

[3abdo.it]

كلام فارغ و نصب و دجل

طب والراجل الى كلمنى واقسملى بالله انة خف

والشيخ دا مبيخدش فلوس ولقى عربيات كتير بتاعة ناس دخلة لية

والله كلمنى النهردة ساعة يقنعنى وقلى انا بعمل فيك خير لله مش محتاج منك اى حاجة ومش هتخسر حاجة

[Secret-Man]

تابع الجروب ده راجل محترم وعلى علم وبيتعامل بالدين مش بالدجل

جرب مش هتخسر وامشى فى كل الطرق الطبى والرقية

https://www.facebook.com/groups/abuhammam.ask.and.answer/

[3abdo.it]

اول حاجة احب اقولها ان انا مش دكتور و لكن لفت نظرى الجملة الى انت كتبتها

فى اعتقادى ان انت عندك حساسية تجاه نوع معين من الاكل هل روحت لدكتور و اختبر حساسيتك لل لاكتوز و الجلوتين
فى حياتى شفت تلت حالات زى حالتك كانو تعبنين جدا و هما اطفال
الاول كان عندو lactos intolerance
التانى gluten intolerance
التالت كان عندو نوع غريب من الحساسية مكنش يقدر ياكل بروتين حيوانى

باريت تسأل دكتور يبص فى الاتجاه ده و تمنياتى ليك بالشفاء العاجل

انا فعلا من وانا صغير اللبن والشاى بلبن والحاجات دى بتقلبى معدتى

ولما بركب عربية الصبح من وانا صغير كنت برجع

[hilal]

طبعا الرقية الشرعية علاج حقيقي ولكن هناك أمرين مهمين:
1- هي تصلح غالبا للأعراض الناتجة من السحر والعين.
2- انتشار النصابين والمتاجرين بالدين جعل الكثير لا يثقون فيها.

وبالتالي لابد أن تسلك في الاتجاهين بالتوازي ، الاتجاه الطبي ، واتجاه الرقية
وحاول تبحث عن المتخصصين أصحاب العلم الحقيقي في المجالين
شفاك الله وعافاك

[7oda]

انا فعلا من وانا صغير اللبن والشاى بلبن والحاجات دى بتقلبى معدتى

ولما بركب عربية الصبح من وانا صغير كنت برجع

يعنى انت عارف انك عندك lactose intolerance و مطنش و فاكر انك حتروح لشيخ يقراء قرأن و هتخف

مشكلة موضيع السحر و الاعمال انها بتتحول ل life style
كل متقبلك مشكلة فى حياتك هتعتقد انها سحر او عمل و تروح للشيخ

[ibrahim sallam]

Secret-Man
hila

لاتحيد عن رأي الاخوين الكريمين ففيهم الخلاصه

وارد جدا ان تكون محتاج الرقيه الشرعيه لكن ابعد كل البعد عن الدجاليين فهم يخلطون بين القرأن وبين الشعوذه والكثر يظن انه شيخ ويتعامل بالقران ونحو ذلك وهو في الاساس دجال.

دجال وهيتعبك اكثر فابتعد عن هؤلاء اهو شيء شوف رجل ثقه يدلك على شيخ ثقه.

سؤالي لحضرتك ((( سبق وعرضت نفسك على شيخ بخصوص هذا الموضوع))؟؟

[3abdo.it]

secret-man
hila

لاتحيد عن رأي الاخوين الكريمين ففيهم الخلاصه

وارد جدا ان تكون محتاج الرقيه الشرعيه لكن ابعد كل البعد عن الدجاليين فهم يخلطون بين القرأن وبين الشعوذه والكثر يظن انه شيخ ويتعامل بالقران ونحو ذلك وهو في الاساس دجال.

دجال وهيتعبك اكثر فابتعد عن هؤلاء اهو شيء شوف رجل ثقه يدلك على شيخ ثقه.

سؤالي لحضرتك ((( سبق وعرضت نفسك على شيخ بخصوص هذا الموضوع))؟؟
ا

حصل بس معتقدش انة كان متمكن اوى هو قرا قران على مية وهو بيقرا اتاوب كتير وقلى انا بتاوب كتير يابنى وانا مفهمتش يعنى اية

وقلى اشرب قذاذة المية دى وشربتها ومحلصش حاجة وكلمتوش تانى

[volociximab]

العلاج بالقران معروف
لكن المجال ملىء بالنصابين و الدجالين و العطارين حتى لو بلغوا بشهرتهم عنان السماء
متنساش ان عبد العاطى كفته كان بيطلع علبى قناة الناس يتكلم فى القران
مشكلة العطارين انك لما تزنقه يحاول يدبسك فى الدين
هل هناك حديث قال ان لبن الابل او بول الابل علاج لفيروس سي؟
هل هناك حديث قالك متتعالجش من السكر و خد الوصفة المهببه الى انت كاتبها؟ هو الانسيولين حرام؟
فالمجال شائك و مليء بالدجالين
و الا فان ابو موسي رضى الله عنه رقى السليم

[volociximab]

علاج التهاب المعدة بينجح فى 90% من الحالات و كذلك جرثومة المعدة-الحساسية من اللاكتوز بيجعل الاعراض مرتبطه باكل معين
لاحظت ان احد الاطباء اشار الى حالتك النفسية السيئة و هذا عامل مهم
لو هتمشي مع شيخ امشى مع واحد ثقة--متاخدش منه علاجات هو شخص بيقرأ قران مش دكتور-لو تراجع حالتك النفسية مع دكتور متخصص

[ahmed1981]

السحر موجود بلا جدال
ومش كلام فارغ ولا حاجه

لكن 90% من اللي بيظنوا إن عندهم مس أو سحر بيكون مشكلتهم عضوية فقط

دايماً بننصح بمتابعة طبيب جيد
وبالنسبة للمعدة لازم يتعمل منظار مثلاً

لو الطب عجز

وقتها في الغالب بيكون سحر

مفيش مانع بجانب الطب إنك تأخذ شوية رقى شرعية تقرأها على ميه وتشربها

ـ