نصيحه فى شراء Xbox

[Tmhami]

بأذن الله قررت أشترى Xbox

عندى كذا أختيار و ياريت تساعدونى بخبراتكم علشان أختار صح

1-سألت عليه لقيت ال 360 بيتباع مفتوح ب 3600 جنيه بالكاميرا , هوا بيركب فيه حاجه فى البورده و ده بيخلى أن اللعب تنزل على طول على الجهاز من غير أسطوانات
و الجهاو بيكون صينى و تجميع فى الصين

2- ال 360 مقفول ومش بيتفتح ب 3000 و طبعا وقتها حضطر أشترى لعب أصلى و أنا معرفش اللعب ديه بكام , لو حد يعرف يقولى

3- أجيب ال one و ده 4700 جنيه و طبعا غالى جدا و هما كمان لسه معرفوش يفتحوه لحد دلوقتى


أنا بميل طبعا للأختيار الاول بس بصراحه مش مطمن من موضوع فتح الجهاز أو أن الجهاز تجميع صينى

حد عنده أقتراح أو مكان ثقه فى القاهره أشترى منه
و محدش يقولى أجيبه من بره علشان معرفش حد راجع من بره قريب

[aif]

خليك في الخيار الاول
ولعلمك الاجهزة ال 360 دي مش جديدة
دي استيراد استعمال الخارج
بيركب عليه هارد ديسك ويحملك كل الالعاب
انا جبته من واحد في شارع عبد العزيز 3600
وجبت ذراع اضافي وحامل للكاميرا وبطاريات شحن وشاحن
عمل كله كله 3900

[Tmhami]

طب أيه تقييمك للجهاز , حاسس أنه كويس ؟
فيه ألعاب لازم نت عاشان تتلعب ولا مش فارقه؟
أنا برضه الراجل ألى بكلمه عنده محل فى شارع عبد العزيز

[Karim Alaa]

انت مختار xbox ليه قى العاب حصريه معينه فارقه معاك ؟ لو مش دى الجاله يبقى انصحك PS4

[aif]

الجهاز كويس جدا
والعاب الكينكت بتخلي الاولاد يتحركو مش مجرد ماسكين جوستك وقاعدين زي ال ps

[sasatony]

وجهة نظري المتواضعه خليك في الps 4 أو 3
مجال الالعاب فيهم اكتر بكتير اووووووووووي

[kazamodia]

هات ps4 احسن عشان الاونلاين

[Ahmed_selmy]

انا حقول تجربتى .....انا لسه شارى الXbox one من السراج مول ب 4800 جنيه ....طبعا كامل بالKinect

اللى عجبنى
1- موضوع الكنيكت دا جميل بصراحه والvoice commarnd فعاله جدا
2- الجهاز تلاقى فيه حاجات زى بيقرا فلاشات وافلام وهكذا ....فميعتبرش جهاز Gaming وبس
3- الMulti tasking بتاعه .....يعنى بتكون فى اللعبه وممكن تخرج تشوف حاجه وترجع للعبه تانى من غير ما تقفلها
4- الجهاز ليه updates علطول ....واول ما شغلته قالى فيه update وكنت قريت انهم حينزلوله win 10

اللى مضايقنى
1- الالعاب بتاعه مش منتشرة زى ال PS4 ودى انا معرفتهاش الا بعد ما جيبت الجهاز....بس فيه stores online بتجيب الالعاب ودى انا عرفتها بعد الفحص والبحث و التدقيق
2- سعرالالعاب غالى ...بس اللى عرفتوا ان الPS4 بردوا غالى بس مش زى الXBOX one....وطبعا الالعاب كلها اصلى مفيش حاجه ضرب .....بردوا علشان تكون عارف سعر اللعبه بيتراوح من 400 الى 600 جنيه والمستعمل فى حدود 250 جنيه
3- الالعاب لو حتنزلها online على الهارد بتاع الجهاز حجمها كبير جدا يعنى فى المتوسط 20 جيجا فبتاخد وقت كبير فى التنزيل.
4- الجهاز بيجى فاضى تمااااما ....انا توقعت حيكونوا حاطين كام لعبه Demo ولا حاجه .....ولااااا الهوا

رأى الشخصى بعد التجربه .....لو مش فارق معاك اللعاب الحركه ولا فارق معاك ان الجهاز بيقرا فلاشات و اسطونات Bluray
يبقى خليك فى الPS4 افضل ......العاب كتير عن الاكس بوكس واسعرها فى المعقول

[just4cadbury]

بص احسن واضمن واحد يبعلك اكس بوكس اصلي دكتور ميشيل راجل محترم جدا وامين بشهادة ناس كتير وهيفيدك بكل حاجة وهتلاقي كل حاجة للاكس بوكس وبيعدل الاجهزة 360
عنده جروب علي الفيس بوك اسمه
xbox,ps3 (sell,trade,modding,...etc) group

هو كان عضو قديم هنا

http://www.nilemotors.net/Nile/207224-a.html

دور علي الاكونت بتاعه علي الفيس بوك باسم Michel melek

[Ahmed_selmy]

هو السؤال
هل للXbox one.....لان الXbox 360 حاجته موجوده بالعبيط ....انما ال Xbox 1 هو اللى حاجته شحيحه خالص
انا لقيت بعض اللعب على Yashry باسعار معقوله
وغالبا حبقى اجيب من على Amazon عن طريق ادفعلى واريح دماغى

[M.Mosaad]

الخلاصه - انا عندي Xbox 360 و عندي PS4

السبب الوحيد اللي يخليك تجيب اكسبوكس 360 هو التعديل و انك تلعب ببلاش بس الجهاز خلاص راحت عليه لانه اصدار قديم و شركات الالعاب خلاص مبقتش تهتم انها تعمل العاب ليه - يعني 95% من ال AAA ( الالعاب الكبيرة يعني ) العاب السنه دي منزلتش للاكس بوكس 360

حرام تدفع مبلغ زي دة في اكسبوكس 360 حاول تدور علي مستعمل لان سعرة بقي في الارض اساسا و نصيحة الاخ الكريم اللي قالك علي دكتور ميشيل نصيحه محترمه انا اتعاملت معاه قبل كدة و بني ادم محترم و فاهم شغله شوف عنده حاجة مستعمله دلوقتي و لا لأ - الجهاز برة اساسا دلوقتي بيعمل بالكتير اوي 900 جنيه


نيجي بقي للسؤال التاني تجيب اكسبوكس وان و لا PS4 ??????????
لو انت جيمر يعني هتجيبه علشانك و بتحب تلعب بالجويستيك و بتحب تللعب العاب غريبه مش اخرك فيفا و كول اوف ديوتي و كدة يبقي تجيب ال PS4 حصريات البلاي ستشن حاجة خيال - لسه قليله طبعا مقارنه بالاكسبوكس وان بس بجد العاب روعه - هاردكور جيمز بجد - حاول تشوف كام فيديو كدة للعبتين اسمهم BloodBorne و التانيه The last of US بجد مفيش ادني مقارنه مع اي حاجة انت لعبتها قبل كدة

لو اخرك الفيفا و كول اوف ديوتي و باتلفيلد ... الخ ( مش عيب علي فكرة ) و هتجيبه علشان الولاد في البيت كمان حاجة دلع كدة و لعب بتشترك الاسرة كلها فيها و شوية حصريات حلوة بس مش عظيمه يبقي عليك و علي الاكس بوكس لان ميكروسوفت بتنزل عليه عروض كتير اوي في امريكا و الدول اللعربيه علشان تحسن مبيعاته اللي للاسف واقعه جداااااااااا نتيجه غباء المدير التنفيذي السابق


مشكله الاتنين سواء اكس بوكس وان او PS4 ان الالعاب غاليه اللعبه بحوالي 500 جنيه بس ممكن اتنين يجيبوها سوا و تبيعها بعد ما تخلصها و هكذا



اوعي تدفع كتير في اللاكس بوكس 360 هات واحد مستعمل معدل جاهز و خلاص لو سعر الالعاب كتير عليك

[just4cadbury]

امازون طبعا ودول الخليج شوف في سوق دوت كوم ودوبيزل
وفي ناس بتبيع اسطوانات مستعملة بتبقي في رينج 150:250 وبتبقي حالتها كويسة يعني واحد قفل لعبة ومش محتاجها
بس المتعة كلها في اللعب الاونلاين

[just4cadbury]

الخلاصه - انا عندي Xbox 360 و عندي PS4

السبب الوحيد اللي يخليك تجيب اكسبوكس 360 هو التعديل و انك تلعب ببلاش بس الجهاز خلاص راحت عليه لانه اصدار قديم و شركات الالعاب خلاص مبقتش تهتم انها تعمل العاب ليه - يعني 95% من ال AAA ( الالعاب الكبيرة يعني ) العاب السنه دي منزلتش للاكس بوكس 360

حرام تدفع مبلغ زي دة في اكسبوكس 360 حاول تدور علي مستعمل لان سعرة بقي في الارض اساسا و نصيحة الاخ الكريم اللي قالك علي دكتور ميشيل نصيحه محترمه انا اتعاملت معاه قبل كدة و بني ادم محترم و فاهم شغله شوف عنده حاجة مستعمله دلوقتي و لا لأ - الجهاز برة اساسا دلوقتي بيعمل بالكتير اوي 900 جنيه


نيجي بقي للسؤال التاني تجيب اكسبوكس وان و لا PS4 ??????????
لو انت جيمر يعني هتجيبه علشانك و بتحب تلعب بالجويستيك و بتحب تللعب العاب غريبه مش اخرك فيفا و كول اوف ديوتي و كدة يبقي تجيب ال PS4 حصريات البلاي ستشن حاجة خيال - لسه قليله طبعا مقارنه بالاكسبوكس وان بس بجد العاب روعه - هاردكور جيمز بجد - حاول تشوف كام فيديو كدة للعبتين اسمهم BloodBorne و التانيه The last of US بجد مفيش ادني مقارنه مع اي حاجة انت لعبتها قبل كدة

لو اخرك الفيفا و كول اوف ديوتي و باتلفيلد ... الخ ( مش عيب علي فكرة ) و هتجيبه علشان الولاد في البيت كمان حاجة دلع كدة و لعب بتشترك الاسرة كلها فيها و شوية حصريات حلوة بس مش عظيمه يبقي عليك و علي الاكس بوكس لان ميكروسوفت بتنزل عليه عروض كتير اوي في امريكا و الدول اللعربيه علشان تحسن مبيعاته اللي للاسف واقعه جداااااااااا نتيجه غباء المدير التنفيذي السابق


مشكله الاتنين سواء اكس بوكس وان او PS4 ان الالعاب غاليه اللعبه بحوالي 500 جنيه بس ممكن اتنين يجيبوها سوا و تبيعها بعد ما تخلصها و هكذا



اوعي تدفع كتير في اللاكس بوكس 360 هات واحد مستعمل معدل جاهز و خلاص لو سعر الالعاب كتير عليك

كلام منطقي وسليم جدا جدا كجيمر بروفيشنال
بس سعر المستعمل هيزيد عن 900 جنيه السعر في حوالي 1700 الي 1400 كجهاز سليم
الاليت ارخص منه في الحدود الي حضرتك كتبتها

ليست العاب لازم تجبها

The Last of Us Remastered **
Resident Evil: Revelations 2
Far cry 4 ***
Watch Dogs **
Grand Theft Auto V ***
The order 1886
Uncharted 3
Assassin’s Creed IV: Black Flag ****
Fifa 2015
Battlefield 4
The Evil Within ***
Metal Gear Solid
Call Of Duty - Advanced Warfare

[M.Mosaad]

كلام منطقي وسليم جدا جدا كجيمر بروفيشنال
بس سعر المستعمل هيزيد عن 900 جنيه السعر في حوالي 1700 الي 1400 كجهاز سليم
الاليت ارخص منه في الحدود الي حضرتك كتبتها

ليست العاب لازم تجبها

the last of us remastered **
resident evil: Revelations 2
far cry 4 ***
watch dogs **
grand theft auto v ***
the order 1886
uncharted 3
assassin’s creed iv: Black flag ****
fifa 2015
battlefield 4
the evil within ***
metal gear solid
call of duty - advanced warfare

انا بتكلم عن سعره برة مستعمل - بجد مش قادر اتخيل ان حد يكون عنده الجراءة يبيع الاكسبوكس 360 ب 3600 جنيه - سرقه علني - البياعين في مصر فعلا معظمهم حراميه الا من رحم ربي

[bedos]

انا بايع الاكس بوكس بتاعي من سنه وزياده 360 250 جيجا
مع 6 العاب اصلية وكاينكت ودراعين شحن وكل حاجة بتاعته
2200 جنية شوف دور على دوبيزيل هتلاقي اسعار قليلة
لو ليك حد في السعودية هيجبهولك 600 ريال مع العاب وكل حاجة حالياً