اسباب العقدة الهزيمة الابدية للزمالك من الاهلى

[الفجر]

خبراء الكورة واطباء نفسيين و اعلاميين وصحف الكل يجمع ان الزمالك كعادتة يخسر من الاهلى بسبب العقدة النفسية وان المووضوع نفسى بحت

انا الوحيد اللى فى مصر اللى هقول ابدا عمر ما كانت الكورة فيها نفسى ومظلوم وعقدة

الاهلى دائنا بيفوز عل الزمالك لان الافضل وفى ماتشات الزماللك اللى فاز بيها الزمالك فاز لانة الافضل فقط

الهزيمة اسبابها كتير جدا

اولا لاعيبة الاهلى عندهم لياقة بدنية غير عادية وبينهم وبين لاعية الزمالك بدنيا فرق سنين ضوئية وفرق اللياقة الرهيب يتيح لهم ان يلعبوا الماتش بكامل تركيزهم 90 دقيقة كاملة عكس الزمالك

ثانيا

لاعيبة الاهلى تضغط عل كل لاعب فى الماتش واللاعب اللى معاة كورة بيغط بلاعبين على الاقل فى كل مكان فى الماتش عكس الزمالك بيلعب بشوكة وسكينة

ثالثا
طول عمر الزمالك فريق النجم الاوحد اذا غاب انكشف الزمالك فى التسعينات كان نجمة الاوحد اشرف قاسم فى دفاع ومال عبد الحميد فى الدفاع اما فى الالفية الجديدة فنجمة الاوحد شيكا بالا فقط ومطلوب منة يهاجم ويدافع بل واحيانا يحرس المرمى مكان عبد الواحد

وفى العهد الجديد نجم الزمالك الاوحد هو ايمن حفنى فقط والباقى كمالة عدد لاغير

فى الاهلى كل مستويات متقاربة جدا جدا ولو غاب تلت الفريق لن يؤثر على ديناميكية الاداء لان الاهلى نجمة الاوحد هو الاداء الخططى والتكتيكى فى الملعب وليس الافراد

رابعا

طلو عمر الزمالك بيغير مدربين وعقبال ما يحفظوا الاهلى وطرق لعبة امام الزمالك الجمهور الزمالك بيطالب بغييرة فورا بعد ان اكتسب خبرات مواجهه الاهلى !!! وترجع ريما لعادتها القديمة

اخيرا

الزمالك فريق ضعيف خططيا وجاهل تكتيكيا ولا يجيد الالتحام او لعب الكورة تحت غط من رجل الى رجل ودة سبب رئيسى فى كل هزئام الزمالك انة غير قادر على الاستحواز الكرة لاطول فترة ممكنة عكس الاهلى

واخيرا هزائم الزمالك ستتكرر على مدى عشرين عاما قادمة على الاقل
الاقل ما لم يحضر مدرب قادر ان يفهم الزمالك يعمى اية تمسك كورة وتضغط من اول خط دفاع الخصم

ودمتم مع كل هزيمة وهزيمة بينها هزيمة

[volociximab]

الاهلى بيلعب فى افريقا من فترة و كل سنه واخدله بطوله فى افريقيا و لعب فى كاس العالم و اثبت مكان و هذا اعطاه ثقة و خبره
الزمالك من فترة طويلة لم ينافس بجدية فى افريقيا و من سنين لم يأخذ الدورى يعنى فريق لا يعرف حاجه اسمها بطوله سواء فى الداخل او الخارج
لذلك تجد الاهلي بيلعب كأنه فريق دولى لاخر لحظه-الزمالك بيلعب لعب محلى
كما ان من المعروف ان الزمالك ناد فاشل اداريا و غير مستقر
المع فريق للزمالك حضرته هو فريق هشام يكن و اشرف قاسم و اسماعيل يوسف و ايمن منصور و هذا الفريق على ما اذكر تفوق افريقيا و كان معقدنى شخصيا ايام تعصبى للاهلى(مسميه فريق اوليمبيك اليكتريك ابو فانله مضلعه)
انا امبارح كنت عاوز الزمالك يغلب
بس نعمل ايه--فريق فاشل اخد الدورى لان الاهلى مستواه نازل مش لان الزمالك مستواه مرتفع و اعتقد هياخد على دماغه فى افريقيا كما تعودنا

[4fun14]

انا زمالكاوى وراييى زيك..
هيا مش عقده بس الاهلى احسن فعلا في كل المراكز رغم ال 18 لعيب الكسر اللى جابهم مرتضى اللاسع ده
الكورة عناصر كتير اهم عنصر فيها اللعيبه..في بداية الالفية لما الزمالك كان فيه لعيبه من نوعية جمال حمزه وحازم امام وحسام وتامر عبد الحميد والعندليب وطارق السعيد..الاهلى فضل 5 سنين مكسبش غير ماتش واحد وخسر 6 واتعادل كذا مره بطعم الخساره
ومن 2005 وحتى اللحظه لما الحال اتغير الاهلى فاز بتاع 20 مره وخسر مره بالبدلاء وتعادلات بطعم الفوز
انا بقالى كام سنه مش متابع بس لما جيت اتفرج امبارح لقيت فرق كبير في أسماء اللعيبه..
يعنى انا عارف حسام عاشور وغالى ومتعب ووليد سليمان وعبد الله السعيد واسمع ان رمضان صبحى ده حريف
والناحية التانية شايف اسامى معرفهاش وشكلها أسماء للنسيان زى معروف يوسف وحماده طلبه ومصطفى فتحى وباسم مرسى
مفيش تكافوء أصلا
والناس اللى كانت فاكره الزمالك هيفوز لمجرد انه بيكسب مباريات من نوعيه الرجاء والاسيوطي وشباب الحبانية دى فاهمه غلط خالص
الزمالك السنة دى لا عرف يكسب انبى ولا الاهلى وحتى الاسماعيلى فاز مباراه معروف ان الاسماعيلى معندهوش الدافع فيها للفوز ومعرفش نتايجه مع فريق رخم زى المصرى ايه بس معتقدش انه فاز
النتيجه طبيعيه جدا واللى مش طبيعى ان الفريق اللى شفته امبارح ده متصدر الجدول..ده مينفعش يباه بطل دورى زنزبار حتى!

[مداح القمر]

مع اني زملكاوي وانت اهلاوي بس تصدق انت بتفهم و كلامك صح مليون في الميه ..
بس خفف شوية العنجهية و الغرور تبقى حلو و امور .

[graffittiii]

متهيألي موضوع العقدة له عامل كبير

ماهو الزمالك ممكن يخسر بردو .. بس تكون له شخصيه فـ الملعب .

لكن الزمالك كان باين عليه التوتر والشحن الجماهيري

وبعد أول جول أستسلمو باقي الماتش .. مش فاهمهم بصراحة .