مفيش حد في الدنيا قادر يساعدني انا جالي اكتئاب وياس

[3abdo.it]

مشكلتي معروفه من مواضيعي. انا عايز بس اعرف محدش شاف حد بيجله الم فوق السره شديد الصبح مع ترجيع وغثيان واسهال يفضل لحد العصر كل يوم

ويكون الحد دا خف انا لفيت علي كل الدكاتره وعملت كل التحاليل يا جدعان هبدء اشوف شيوخ مش عارف اعيش حياتي. لو حد عدي عليه حاله زي كدا يعرفني يقلي التعب دا بسبب ايه

[hilal]

أقترح عليك الحل الآتي:
الذهاب للعمرة أو الحج حسب حالتك المادية ، وعليك بالآتي:
إذا لم يسبق لك العمرة أو الحج فإن لك دعوة مستجابة عند رؤيتك الكعبة للمرة الأولى بإذن الله ، استغلها وستشفى بالتأكيد
أما إذا سبق لك الحج أو العمرة فعليك بالدعاء عند الملتزم ، وهو مكان صغير بين باب الكعبة والحجر الاسود
وهو مكان تستجاب فيه الدعوات بإذن الله ، مع الاكثار من شرب ماء زمزم.

هذا بشرط أن تكون مؤمنا بما ذكرته لك.
شفاك الله وعافاك

[mk3]

لا تيأس وبكره تخف وبص للناس المريضه الاكثر منك...انت كويس احمد ربنا...انا عايز منك طلب ابدأ بالتركيز على علاج وامشى عليه انا حاسك مشتت ...شوف العسل ...شوف الدكتور اللى قالك زايده وخليك معاه للاخر..ربنا يشفيك

[hh]

ربنا يشفيك و يعفي عنك

جرب تعمل سونار عالمعدة الاول و بعدين منظار استكشافي يمكن تعرف ايه المشكلة

انا والدتي قعدت سنين عندها الام رهيبة في البطن و كل دكتور يقول حاجة لغاية ما والدي قرر يعملها سونار من غير ما أي دكتور يطلبه طلع عندها المرارة ملتهبة ومتضخمة و لازم تتشال. و الحمد لله بقت كويسة من ساعة ما شالتها.

[mk3]

ربنا يشفيك و يعفي عنك

جرب تعمل سونار عالمعدة الاول و بعدين منظار استكشافي يمكن تعرف ايه المشكلة

انا والدتي قعدت سنين عندها الام رهيبة في البطن و كل دكتور يقول حاجة لغاية ما والدي قرر يعملها سونار من غير ما أي دكتور يطلبه طلع عندها المرارة ملتهبة ومتضخمة و لازم تتشال. و الحمد لله بقت كويسة من ساعة ما شالتها.

ودى بشره كويسه ان اللى عندك ممكن يكون مراره

[3abdo.it]

لسه عامل سولار النهارده والنتيجه المراره مفيهاش حاجه ودا إلى جنني اكتر

[Bassem Youssef]

انا سألت اختي (طبيبه) و قالتلي ان عندك التهاب قوي في المعده

غير كده لازم تعمل مناظير علي كل جهازك الهضمي

ربنا يشفي كل مريض

[samyyousef]

هل تاكدت من عدم اصابتك بحمى البحر الابيض المتوسط

[3abdo.it]

هل تاكدت من عدم اصابتك بحمى البحر الابيض المتوسط

لا مصدفش حد قلي عليها

[prof2013]

ربنا يشفيك ويعافيك شفاءا لا يغادر سقما
وكل المسلمين يارب

[hh]

اعتقد ان حمى البحر المتوسط بتبقى نوبات مش مستمرة كدة. طيب هل بتجيلك نوبات الام في البطن و المفاصل مع حرارة عالية من غير سبب واضح؟

[hesham fawzy h]

تصدق .. الصدقة مهمة جدا

[مُصْطٓفٓى]

حاول تعمل زيارة للدكتور على عبد المعطي بالإسكندرية
عنوانه محطة الرمل على الترام بجوار مسجد القائد إبراهيم
لكن تكون عنده من الساعة 6 الصبح أو قبل فتح عيادته بساعة على الأقل
عشان تلحق دور في الأول إن شاء الله
ويعتبر من احسن اطباء الباطنة

عيب الدكتور انه مبيخدش ويدي معاك في الكلام زي أي دكتور كبير
وجنب منه مركز تحاليل تبع ابنه تقريبا وبيطلب منك تحاليل
اسماء التحاليل مكتوبة بشكل مش مفهوم في ورقة عشان تعملها في المركز بتاعه
ممكن يكون مبيقتنعش بنتائج تحاليل المراكز المنتشرة

الدكتور ده بيجيله ناس من جميع المحافظات على حد علمي
توكل على الله وتعالى صيف واعمل زيارة عن الدكتور ده
وان شاء الله خير

معلوم جانبية للإفادة
إسكندرية فيها كام دكتور عشرة على عشرة في تخصصات مختلفة
الدكتور حامي امبابي يعتبر احسن وافضل دكتور في تخصص جلدية
الدكتور فاروق طلعت يعتبر احسن وافضل دكتور في تخصص نفسية وعصبية
بإذن الله تعالى

[حسام الجندي]

السلام عليكم ,, نسأل الله لك الشفاء العاجل أخي الكريم
في البداية إذا كنت تشعر بما يلي فأتبع تجربتي لعل الله يريد بها شفاءك
إن منطقة ما فوق السرة إمتدادا لاعلى عند نهاية الصدر تكون مكان لتجمع الغازات الشديدة
وهذه الغازات إذا لم تخرج تسمى غازات مكتومة وتسبب تقلصات شديدة وقيء وغثيان وضيق في التنفس وتعرق شديد وقت نوبات الألم، وايضا سخونة شديدة وفي نفس الوقت الشعور ببرد شديد ومثل هذه الاعراض تظهر بعد الامساك الشديد المصاحب في نهايته بإسهال أو تعنية، وهذا كله ناتج عن اضطرابات في الجهاز الهضمي والقولون العصبي وربما تكون أيضا قرحة بالمعدة
لذلك يجب عليك التوقف عن تناول الاطعمة التي تحتوي على بهارات او صلصلة او خضار مسبك او بقوليات أو مخللات وكافة مشتقات الألبان والمياه الغازية ( البيبسي، الكوكاكولا، وغيرها )، وأنصحك أن تتناول الكانتلوب فقط لانه خفيف جدا على المعدة ولن يشعرك بالغثيان والرغبة في القيء وكلما تشعر بشدة الجوع تناول منه وابتعد تماما عن الطعام العادي لحين أن تشعر بتحسن ملحوظ، وبالنسبة للادوية أنصحك بتناول بترو ( مضاد لنزلات البرد ومضاد للتقلصات ودواعي استعمالة كثيرة جدا ) وأيضا أستخدام فلاجيل أقراص ( مطهر معوي )

وبإذن الله يكون في هذا شفاء لك إن شاء الله
اسأل الله العظيم رب العرش العظيم أن يشفيك

[mastr_n]

ربنا يشفيك ويعافيك
وكل المسلمين يارب