الاستفتاء الاهم فى مصر

[tkamal]

هل لو تم الاستفتاء بين الشعب المصرى على صرف ال60 مليار بتوع قناه السويس على تحسين التعليم الابتدائى وتجويده
النتيجه كانت هتكون ايه ؟؟؟؟

[Rahman]

محدش هيوافق لان الفلوس اللي هتتصرف علي التعليم هتتسرق تحت مسميات بند كذا وبند كذا ................... الخ ومفيش تطور في التعليم هيحصل ولا حاجة

[hesham fawzy h]

لو هتتصرف فى مكانها مظبوط .. يبقى موافقة بالاجماع .. ولازم يبقى فية مراقبة شريفة على الفلوس دى

[adel1212]

و لو اتصرفت على التعليم كنا نسأل ليه مش الصحة او الكهرباء او الصناعة او الزراعة او او او
البلد فيها ابواب كتر مفتوحة و محتاجة كتير علشان نوصل للصفر نبدأ من عنده
و المشروع الحالي لقناة السويس مورد هام للتنمية لانه يزود الدخل القومي من العملة الصعبة على المدى القريب تقدر تصرف منه على الباقي
تحياتي

[hilal]

تعليق بسيط بعيدا عن السياسة
العائد من الانفاق على التعليم هائل وعظيم ، ولكن لا يظهر تأثيره إلا بعد حوالي 30 سنة
لذلك لا يقوم بالانفاق على التعليم سوى الحكومات المخلصة التي لا تسعى للمنظرة والشعبية الزائفة
وإنما تهدف لتقدم شعبها ودفع الدولة إلى صفوف الدول المتقدمة فعلا.

أما العائد من قناة السويس فهو ضعيف وهزيل ولكنه سريع يمكن استغلاله في خلق شعبية
ولكن لماذا هو ضعيف وهزيل؟
العائد الحالي حوالي 5 مليار دولار سنويا
لو فرضنا أن هناك ازدحام شديد للسفن (وهذا غير حقيقي)،
وأن هناك أعداد كبيرة من السفن في حالة انتظار تساوي عدد السفن التي تعبر فعلا (50 سفينة يوميا تقريبا)
وأن هذه القناة سوف تساعد في زيادة عدد السفن العابرة بنسبة 100% لتصبح 100 سفينة يوميا (وهذا فرض خيالي)
فإن الدخل سيزيد بمقدار 5 مليار إضافية ليصبح 10 مليار فقط

كما أن تسريع عملية العبور هو في صالح دبي بالدرجة الاولى لتنشيط التجارة في موانئها
وهذا هو السر في دعم دبي لمشروع القناة الحالي ومعارضتها للمشروع السابق لانه كان سينافسها
ويقتطع جزءا من التجارة العالمية لصالح مصر
هذه هي الحقيقة

[sfahmy6]

لو ........تفتح عمل الشيطان

ههههههههههههههههههههههه أحلاااااااااااااااااام

[kaza]

تعليق بسيط بعيدا عن السياسة
العائد من الانفاق على التعليم هائل وعظيم ، ولكن لا يظهر تأثيره إلا بعد حوالي 30 سنة
لذلك لا يقوم بالانفاق على التعليم سوى الحكومات المخلصة التي لا تسعى للمنظرة والشعبية الزائفة
وإنما تهدف لتقدم شعبها ودفع الدولة إلى صفوف الدول المتقدمة فعلا.
يااستاذ هلال لاهي منظرة ولا شعبية زائفة ...ببساطة بلدنا مافيهاش اقتصاد بناكل من برة وبنصنع من برة وبنستورد اكتر من 92%من احتياجاتنا يبقي حاصرف علي تعليم ولا ابني مصانع ولا اشوف الارض الزراعية اللي اتفتتت وكلها بقت مباني ومحدش عايز يزرع ....بلد بتموت من الجوع كل يوم ولازم عملة صعبة علشان تاكل يبقي الاولي ادور علي حل سريع ويحقق عائد في خلال سنة او2بالاكتر علشان كدة حل البلد السريع لتوفير عملة صعبة يكمن في حلين هما السياحة والقناة لحين انتهاء بنية الطرق التحتية ومشروعات اسطصلاح ال4مليون فدان وتوفير مصادر الطاقة بمحطات توليد الكهرباء بالضبعة من مفاعل الضبعة الجديد علشان الكهربا ما تقطعش والمصانع تشتغل وتاني ماهياش قشخرة ولا منظرة زي ما سيادتك ما بتقول

أما العائد من قناة السويس فهو ضعيف وهزيل ولكنه سريع يمكن استغلاله في خلق شعبية
ولكن لماذا هو ضعيف وهزيل؟
العائد الحالي حوالي 5 مليار دولار سنويا
لو فرضنا أن هناك ازدحام شديد للسفن (وهذا غير حقيقي)،
وأن هناك أعداد كبيرة من السفن في حالة انتظار تساوي عدد السفن التي تعبر فعلا (50 سفينة يوميا تقريبا)
وأن هذه القناة سوف تساعد في زيادة عدد السفن العابرة بنسبة 100% لتصبح 100 سفينة يوميا (وهذا فرض خيالي)
فإن الدخل سيزيد بمقدار 5 مليار إضافية ليصبح 10 مليار فقط
هزيل وضعيف ههههههه بتجيب الكلام دة منين يااستاذنا هات مشروع تضاعف ربحيتة خلال سنة وبالاخص بعملة غير عملة بلدك وبعدين مين قاللك ان مفيش ازدحام علي طرفي القناة يااستاذنا اسال يابيه اي حد اشتغل في الملاحة البحرية او في القناة وحتعرف ان فية فترة انتظار بتصل ل3 ايام علشان العبور وواضح ان معلوماتك ضحلة جدا يا بتروج لحاجات مش صحيحة
يااستاذنا القناة دي انجاز في العصر الحديث لمصر وممر للتنمية هتجني ثمارة من اول السنة دي وهتشكل منطقة جذب للاستثمارات الخارجية فوق 160 مليار دولار غير فرص العمالة للمشروعات الخدمية سواء صيانة للسفن او اعادة تموين او خدمات صناعية زي التجميع او المنسوجات او الكونات الاليكترونية بعد تعظيم دور وادي السيليكون في سيناء
يااستاذنا اخلع نظارتك السودا لبلدك وهتشوف بلدك بتنمو وتزدهر باذن الله وهتكبر وتعمر رغم انف الحاقدين

كما أن تسريع عملية العبور هو في صالح دبي بالدرجة الاولى لتنشيط التجارة في موانئها
وهذا هو السر في دعم دبي لمشروع القناة الحالي ومعارضتها للمشروع السابق لانه كان سينافسها
ويقتطع جزءا من التجارة العالمية لصالح مصر
هذه هي الحقيقة

يااسسسسلام صالح دبي طيب وصالح مصر فين ياهلال بيه مسمعتش عن نظرية في ادارة الصراعات اسمها مكسب مكسب علشان مااتكلمش فرنكواراب ....مكسب مكسب اني انجح وانجح غيري او شريكي والنجاح بالنسبة لي جذب الاستثمارات الاماراتية لمنطقة القناة قي مقابل الدعم المادي بالعملة الصعبة اللي مش عارف اجيبها وبالتالي هو هيكسب لسرعة تدفق السفن منه واليه وانا هاكسب بتعريفة المرور والمشروعات علي جانبي المنفذ
يااستاذي الفاضل صدقني اكتفينا من كلام السياسة وتوظيف اي خبر لتشوية واحباط المصريين وابناء الوطن ومش عارف اية العائد من استمرار نشر الاخبار المحبطة وتشكيك الناس باخبار مكذوبة وادعائات وتريقة علي رئيس بلد انقذها من كارثة
الاعتراف بالحق فضيلة والبلد بتمشي وهتمشي علي رؤوس الارهاب والعملاء والخونة والمضضللين هتمشي بدم وعرق ولادها واهلها والامل الموجود في عيون الاطفال والكبار فياريت حضرتك والاخوة تراجع موقفك لوجهه الله

[hilal]

يااسسسسلام صالح دبي طيب وصالح مصر فين ياهلال بيه مسمعتش عن نظرية في ادارة الصراعات اسمها مكسب مكسب علشان مااتكلمش فرنكواراب ....مكسب مكسب اني انجح وانجح غيري او شريكي والنجاح بالنسبة لي جذب الاستثمارات الاماراتية لمنطقة القناة قي مقابل الدعم المادي بالعملة الصعبة اللي مش عارف اجيبها وبالتالي هو هيكسب لسرعة تدفق السفن منه واليه وانا هاكسب بتعريفة المرور والمشروعات علي جانبي المنفذ
يااستاذي الفاضل صدقني اكتفينا من كلام السياسة وتوظيف اي خبر لتشوية واحباط المصريين وابناء الوطن ومش عارف اية العائد من استمرار نشر الاخبار المحبطة وتشكيك الناس باخبار مكذوبة وادعائات وتريقة علي رئيس بلد انقذها من كارثة
الاعتراف بالحق فضيلة والبلد بتمشي وهتمشي علي رؤوس الارهاب والعملاء والخونة والمضضللين هتمشي بدم وعرق ولادها واهلها والامل الموجود في عيون الاطفال والكبار فياريت حضرتك والاخوة تراجع موقفك لوجهه الله

سيدي الفاضل
سأحاول أن أتجاهل سخريتك وأدخل إلى الموضوع مباشرة
أنا أكثر واحد يتمنى نجاح المشروع ، ولا يهمني من يحكم
وسيبك من موضوع الارهاب والخونة والمشككين والمضللين
اهدأ قليلا ، انا لا إخوان ولا بحب مرسي ولا غيره ، فقط أحب بلدي

المقارنة بين التعليم والقناة حتما لصالح التعليم
ومن ينكر ذلك عليه أن ينظر لليابان أو كوريا على سبيل المثال
لم تنهض سوى بالتعليم ، لا عندها قناة ولا أي موارد طبيعية
وانظر الى السودان من جانب آخر عندها موارد طبيعية تكفي لاطعام قارة أفريقيا بالكامل
هل نهضت السودان في غياب التعليم؟
السؤال هو: هل نريد نهضة حقيقية للبلد أم تبحث عن الطعام والشراب
طبعا ستقول نريد الطعام والشراب
أتمنى معك أن تستطيع القناة توفير الطعام والشراب (لا أحد يكره ذلك)
تحياتي

[MaZaGAngeE]

فنكوش قناة السريس خلي العساكر يقدروا يسرقوا 64 مليار جنيه من جيوب الشعب… . لكن لو تم جمع الفلوس دي لصالح التعليم كان هيسرق معاهم مدنيين و ده هيقلل حصص العساكر و كمان مش بنفس قوة اللقطة بتاعة القنال… .

[egy_alone]

أحب أضيف حاجه بسيطه ان الدوله بتصرف ١٢٠ مليار جنيه سنويا وده حال التعليم ان لم يتواجد اراده حقيقه لاجبار المدرسين علي الشرح بالمدارس زي زمان تجريم الدروس الخصوصيه بالسجن المشدد فلا سبيل لأي إصلاح في مصر لكن بالوضع ده انا شايف نوفر فلوس التعليم تماما ونعمل بيها حاجه أفيد للبلد لان جيل الدروس الخصوصيه غير قادر علي العمل و الإبداع وشكرا

[hilal]

أحب أضيف حاجه بسيطه ان الدوله بتصرف ١٢٠ مليار جنيه سنويا وده حال التعليم ان لم يتواجد اراده حقيقه لاجبار المدرسين علي الشرح بالمدارس زي زمان تجريم الدروس الخصوصيه بالسجن المشدد فلا سبيل لأي إصلاح في مصر لكن بالوضع ده انا شايف نوفر فلوس التعليم تماما ونعمل بيها حاجه أفيد للبلد لان جيل الدروس الخصوصيه غير قادر علي العمل و الإبداع وشكرا

من السهل جدا النهوض بالتعليم لو كانت هناك إرادة حقيقية
زي ما بنجيب خبراء لكرة القدم ، ممكن نجيب خبراء في التعليم لوضع خطة شاملة لمستقبل التعليم
ولكن أين هي الحكومة التي تغامر بالانفاق حاليا ، لكي تحصد حكومات قادمة نتيجة هذا الانفاق؟

[mr_vampire]

لو هتتصرف فى مكانها مظبوط .. يبقى موافقة بالاجماع .. ولازم يبقى فية مراقبة شريفة على الفلوس دى

ازاي حضرتك عرفت انها موافقة بالاجماع ؟؟؟!!!!

لو مساهم من حقك تتبرع بما تساهم بيه ( ومازالت الفرصة قائمة ومستمرة. لو روحت وقولتلهم انا بتبرع بنصيبي لخزينة الدولة للتعليم . مش هيرفضو ). بس اعتقد مش من حقك تتكلم بلسان الكل. ولا ايه ؟؟؟

[tkamal]

محدش هيوافق لان الفلوس اللي هتتصرف علي التعليم هتتسرق تحت مسميات بند كذا وبند كذا ................... الخ ومفيش تطور في التعليم هيحصل ولا حاجة

60 مليار يعنى التورته كبير وبكده ممكن نستفيد كشعب ب 20 مليار مشفى ههههه

[tkamal]

و لو اتصرفت على التعليم كنا نسأل ليه مش الصحة او الكهرباء او الصناعة او الزراعة او او او
البلد فيها ابواب كتر مفتوحة و محتاجة كتير علشان نوصل للصفر نبدأ من عنده
و المشروع الحالي لقناة السويس مورد هام للتنمية لانه يزود الدخل القومي من العملة الصعبة على المدى القريب تقدر تصرف منه على الباقي
تحياتي

لان تعليم سليم معناه انسان سليم صحيا بيوفر كهرباء وبيرشد استخدام الموارد بدون تدخل منك لانه اتعلم صح

[tkamal]

أحب أضيف حاجه بسيطه ان الدوله بتصرف ١٢٠ مليار جنيه سنويا وده حال التعليم ان لم يتواجد اراده حقيقه لاجبار المدرسين علي الشرح بالمدارس زي زمان تجريم الدروس الخصوصيه بالسجن المشدد فلا سبيل لأي إصلاح في مصر لكن بالوضع ده انا شايف نوفر فلوس التعليم تماما ونعمل بيها حاجه أفيد للبلد لان جيل الدروس الخصوصيه غير قادر علي العمل و الإبداع وشكرا

120 على كل التعليم وتقريبا اكتر من 75% من الرقم دى مرتبات

انا بقول تعليم ابتدائى فقط