اثنى عشر عيب خطير بطائرات الرافال

[GEOLOGIST_774]

اثنى عشر عيب خطير بطائرات الرافال


1- قطع الغيار مش موجودة برة التوكيل
2- التكيف مش تلاجة وخصوصا لما تقرب من الشمس
3- الطارة بترعش بعد 120 محتاجة ترصيص وضبط زوايا
4- الشنطة مش واسعة مش عملية فى المصايف
5- فتحة السقف بتعلق وبتسرب فى الشتاء
6- استهلاك بنزين عالى
7- مساحات المطر بتعلق
8- مفيش غير ايرباج للسواق فقط
9- اوكر الابواب مش نيكل وبنفس لون الطائرة
10- الكراسى الخلفية ضيقة والتكيف مبيوصلش لها
11- الكاسيت مانيوال مش تاتش
12- نتشة فى الفتيس فى مطالع الكبارى

[غزلة]

علشان كده قالوا عليها فرز تاني ؟آ

[GEOLOGIST_774]

علشان كده قالوا عليها فرز تاني ؟آ

والله يا افندم من كمية الحاجات ال الواحد بيسمعها عنها حسيت انها بايرة فقولت احط التاتش بتاعى زى باقى المصريين وخصوصا اننا فى منتدى سيارات فقولت العيوب من وجهة نظرى بس المؤكد ان النسخه الخليجى هتبقى احسن وخصوصا هيبقى فيها زينون وفرش جلد

[ahmedsrs]

[غزلة]

والله يا افندم من كمية الحاجات ال الواحد بيسمعها عنها حسيت انها بايرة فقولت احط التاتش بتاعى زى باقى المصريين وخصوصا اننا فى منتدى سيارات فقولت العيوب من وجهة نظرى بس المؤكد ان النسخه الخليجى هتبقى احسن وخصوصا هيبقى فيها زينون وفرش جلد

اكيد النسخة الخليجي هتكون احسن بس تحتاج بنزين ٩٥ وده غالي

[eng.m7md.ali]

نسيت اهم حاجة انها صناعة فرنسية يعني مفيش اعتمادية ومش هتلاقي حد يشتغل فيها .. انصحك بالسوخوي هتستحمل سماء مصر

[kaza]

هههههههههههههههههه يا ولاد الاييه

[volociximab]

ناقص تقول الفرامل بتصفر و الهوا بيلعب بيها بعد سرعة 100

[GEOLOGIST_774]

ناقص تقول الفرامل بتصفر و الهوا بيلعب بيها بعد سرعة 100

تيل من التوكيل ونيتروجين والدنيا تبقى زى الفل ويا ريت لو جنوط 17 بمداس عريض

[rotanamasoud]

على فكره انتو بتهاجمو من غير ما تركبو ده عيبنا كمصريين انا سوقتها ولاقيتها ممتازه وثابته لحد 400 اه فعلا شنطتها ديقه وعايزه بنزين 97 وسعات الصواريخ بتعلق ودى عيوب ثانويه لا ترقى لاننا منشتريهاش

[FAR!D]

وعلى فكره اصلا مش عمليه
عايزه شاب راكب لوحده
لكن لو عيله او اتنين تنفعهم اكتر السوخوي 35 يو بي

[الفجر]

اسمحولى اقول راى فى المووضوع دة

الصفقة فعلا ممتازة جدا والهند اشترت 36 طيارة والهند مش دولة عبيطة ولا جربانة فى مستوى السلاح

طيب لية بعض المصريين بيتشككوا فى الصفقة!!!!!!!!

التشكك فى الصفقة مش لا ختلاف مع القيادة السياسية او ان بعض الشعب بيكرهه البلد

التشكيك شببة الاعلام .......... نعم الاعلام اى حاجة الاعلام المصرى بيطبل ليها الناس بتخاف منها حتى لو كانت حاجة صح ومن الاخر

وبرغم ان الصفقة فعلا هتغير موازيين الشرق الاوسط وصفقة تاريخية وتسب لمصر

الا ان .....................

الشعب المصرى بقالة عشرات السنين فية اعلام بيخدعة ودى مشكلة فقد ثقة رهيب بين الاعلام والشعب واى شئ الاعلام بيقولة الناس بتعترض علية من اجل الاعتراض فقط

ياريت الناس تفهم كلامى صح

[FAR!D]

اسمحولى اقول راى فى المووضوع دة

الصفقة فعلا ممتازة جدا والهند اشترت 36 طيارة والهند مش دولة عبيطة ولا جربانة فى مستوى السلاح

طيب لية بعض المصريين بيتشككوا فى الصفقة!!!!!!!!

التشكك فى الصفقة مش لا ختلاف مع القيادة السياسية او ان الشعب بيكرهه البلد

التشكيك شببة الاعلام .......... نعم الاعلام اى حاجة الاعلام المصرى بيطبل ليها الناس بتخاف منها حتى لو كانت حاجة صح ومن الاخر

الشعب المصرى بقالة عشرات السنين فية اعلام بيخدعة ودى مشكلة فقد ثقة رهيب بين الاعلام والشعب

ياريت الناس تفهم كلامى صح

وياريت وجوة الاعلام تتعير كلها

احنا هنا بنقلش على اللي بيفتي في حاجه ميعرفهاش و خصوصا صفقه الرفال اللي بعض الناس و خصوصا المحسوبين على جماعه ممنوعه كانوا بيعيبوا فيها و اذ فجأه بقيوا بيشكروا فيها لمجرد انت قطر غارت و قالت اشمعنى انا كمان انا عايزه منها
لكن لو حتتكلم جد ... محدش يقدر يبت و يقولك مساوئها او مميزتها غير طيار حربي و مش مدني حتى او على الاقل مهندس طيران ولا حتى الرئيس السيسي نفسه بمجرد معلوماته الشخصيه لازم مشورة القوات الجويه
احنا في زمن الفتي

[hon]

احب أطمن حضرتك
فى تيل فرامل تركى برا التوكيل ممتاز
قطمة الدركسيون عيب شائع فى الفرنساوى
بس هى كطيارة ممتازة وانعم من الميج الروسى بمراحل
تحياتى

[FAR!D]

اكيد النسخة الخليجي هتكون احسن بس تحتاج بنزين ٩٥ وده غالي

سمعت من ناس انها بتصقف مع ال95 والله اعلم