مهندس وواقف في محل?

[فتوك حائر]

السلام عليكم
يا جماعه انا مهندس وسبت شغلي وعايز يبقي ليا شغل خاص
قدامي فكره محل موبايلات واكسسوارتها وكدا
بس حاسس ان دي قله قيمه لمهندس يقف في حاجه كدا ولا شايفين ايه

[hilal]

اقترح عليك السفر لتكوين خبرة ورأسمال معقول يكفي لبدء مشروعك
أما إذا كان رأس المال متوافر ، توكل على الله ، بس بلاش حكاية الموبايلات لأنها لا تليق بمركزك كمهندس.

[فتوك حائر]

امال ايه المشاريع الي تليق بالمهندس?

[mk3]

اقترح عليك السفر لتكوين خبرة ورأسمال معقول يكفي لبدء مشروعك
أما إذا كان رأس المال متوافر ، توكل على الله ، بس بلاش حكاية الموبايلات لأنها لا تليق بمركزك كمهندس.

الناس بتتسرح من اعمالها؛ مفيش حاجه اسمها لا تليق بمركزك؛

[فتوك حائر]

الناس بتتسرح من اعمالها؛ مفيش حاجه اسمها لا تليق بمركزك؛

يعني شايف مقبوله مهندس واقف في محل موبايلات بصراحه انا مشفتهاش قبل كدا الفكره عجباني بس متردد
يعني مثلا بشوف مهندس عنده مغسله سيارات صيدليه مصنع لكن محل موبايلات مش عارف
فيدونا ياجماعه

[hilal]

امال ايه المشاريع الي تليق بالمهندس?

عندك على سبيل المثال مجال المقاولات والتشطيبات
وهو مجال محترم ويليق بمركزك كمهندس
ولا يحتاج رأس مال كبير في البداية وانما يحتاج لعلاقات جيدة

[drcobra]

عادى جدا
مهندس صاحبى فاتح محل موبيلات وكان فاتح سيبر قبلة

[hilal]

الناس بتتسرح من اعمالها؛ مفيش حاجه اسمها لا تليق بمركزك؛

اسمح لي أنا أختلف مع سيادتك
أنا لا أقلل من هذا العمل ، كل المهن محترمة
ولكن مجال التطوير في هذا المجال محدود ، ولن يستفيد من شهادته مطلقا

[hilal]

وممكن تدخل في شراكة مع بعض زملاء الدراسة لبدء مشروع متوسط
في مجال قطع غيار أو صيانة أجهزة أو سيارات حسب ميوله وامكانياته المادية.

[mk3]

يعني شايف مقبوله مهندس واقف في محل موبايلات بصراحه انا مشفتهاش قبل كدا الفكره عجباني بس متردد
يعني مثلا بشوف مهندس عنده مغسله سيارات صيدليه مصنع لكن محل موبايلات مش عارف
فيدونا ياجماعه

بسم الله الرحمن الرحيم وأحل الله البيع وحرم الربا
محل فى مكان حيوى ايجاره 3000 جنيه او حسب الاسعار عندكم
حضرتك تعرف ان كام موبايل فى اى محل ميقلش تمنهم عن 100 الف جنيه ان مكنش اكتر بكتيييير..الارباح فى اى تجاره ربنا مبارك فيها ممتازه...الموضوع بيجمع وتلاقى ارباحك الاف اخر الشهر بشرط ربنا يكرم وتبيع

[engineer_Amr]

مفيش حاجة اسمها مهنة لا تليق بمهندس
انت مش شغال عند حد دة شغلك الخاص اللى لو مراعيتوش مش هتلاقى حد يخافلك علية
توكل على الله واعمل اللى انت بتحبة وعايز تكبر وتكمل فية
اللى يبص لكلام الناس عمرة ما هيتحرك من مكانة

[فتوك حائر]

بصراحه وجهتين النظر بتوع ينفع مهندس يقف في محل او لا
الاتنين مقنعين
والاستاذ احمد كمال كان عامل اعجاب مشاركه، اتمني اسمع رايك

[أحمد كمال]

بصراحه وجهتين النظر بتوع ينفع مهندس يقف في محل او لا
الاتنين مقنعين
والاستاذ احمد كمال كان عامل اعجاب مشاركه، اتمني اسمع رايك

رأيي ان اي رزق حلال يليق بأي حد ...... بس للاسف ربنا ابتلانا بالامراض المجتمعية و الخوف من كلام الناس الخ الخ الخ


لو المشروع انت دارسه كويس من كل النواحي (المصاريف و الدخل المتوقع و المخاطر الخ الخ الخ و المنطقة اللي هتفتح فيها الخ الخ الخ) يبقى توكل على الله

[amr011111]

لو المشروع هيجببلك دخل عالى حتى لو بعد سنين اكتر من دخلك كمهندس توكل على الله
بس الافضل تعمل مشروع فى مجالك خاصة لو انت مهندس مدنى او عماره فالمشاريع كتير وراس مالها مش كبير وبالتوفيق

[A7medelfe2y]

احنا لسه عايشين في العصر الحجري بتفكيرنا دا

اي حد ممكن يشتغل اي حاجه طالما حلال
انا كنت كيميائي في شركه ادويه والكارت مكتوب فيه دكتور كيميائي فلان
وفي نفس الوقت كنت يوميا لازم اطلع بالتاكسي ولو ساعتين
والموضوع انا عامله هنا في المنتدي لاني كنت حاسس نفس الاحساس الي حضرتك بتقوله دا
اخر مده ليا في الشركه كنت مضايق ومخنوق وفيه مشاكل بيني وبين الاريا ماندجر بتاعي
سبت الشركه ونزلت يوميا شفت كامل علي التاكسي وكنت برجع يوميا بمبلغ لو جمعته هيتعدي المرتب الي كنت باخده في الشركه الي كان 2800
وانا من الناس الي بفضل العمل الحر حتي لو كان عربيه فول
بس شرط يكون حلال ويكون له مستقبل يعني قابل للزياده وسهل تطويره مع الوقت
انا صرفت نظر عن التاكسيات لانها كانت مرحله انتقاليه لانها هتعيشني مرتاح وانا في شغلي وهما بيجيبوا فلوس وخلاص بس مش هيكبروا لان المشروع اوله تاكسي واخره تاكسي مش هتحول فجأه لشركه نقل

توكل علي الله فهو حسبك
ادرس الموضوع كويس واستخير ربنا
وتاني بقولك رأيي الشخصي ان العمل الحر افضل 10000000 من منصب كبير في الحكومه او مركز كويس في شركه محترمه

العمل الحر لو شغلت دماغك فيه هتبقي بيزنس مان وهيبقي لك مستقبل اما العمل باجر شهري في مكان ما الطموح الي جواك هيموت وهتبقي عايش حياه الموظفين