مهندس وواقف في محل?

[hesham fawzy h]

اى شغلانة حلال تليق بك .. دة و ممكن محل موبايلات يجبلك دخل اكتؤ من اى شغلانة تشتغلها لو شغلت دماغك و صبرت .. انت انت مكسبك فى الاكسسوارات اضعاف اضعاف المنتج .. شعل دماغك وربنا يكرمك ان شاء الله و يكون عندك سلسلة محلات موبايلات و ادوات كهربائية و كل شوية تتوسع

[hesham fawzy h]

احنا لسه عايشين في العصر الحجري بتفكيرنا دا

اي حد ممكن يشتغل اي حاجه طالما حلال
انا كنت كيميائي في شركه ادويه والكارت مكتوب فيه دكتور كيميائي فلان
وفي نفس الوقت كنت يوميا لازم اطلع بالتاكسي ولو ساعتين
والموضوع انا عامله هنا في المنتدي لاني كنت حاسس نفس الاحساس الي حضرتك بتقوله دا
اخر مده ليا في الشركه كنت مضايق ومخنوق وفيه مشاكل بيني وبين الاريا ماندجر بتاعي
سبت الشركه ونزلت يوميا شفت كامل علي التاكسي وكنت برجع يوميا بمبلغ لو جمعته هيتعدي المرتب الي كنت باخده في الشركه الي كان 2800
وانا من الناس الي بفضل العمل الحر حتي لو كان عربيه فول
بس شرط يكون حلال ويكون له مستقبل يعني قابل للزياده وسهل تطويره مع الوقت
انا صرفت نظر عن التاكسيات لانها كانت مرحله انتقاليه لانها هتعيشني مرتاح وانا في شغلي وهما بيجيبوا فلوس وخلاص بس مش هيكبروا لان المشروع اوله تاكسي واخره تاكسي مش هتحول فجأه لشركه نقل

توكل علي الله فهو حسبك
ادرس الموضوع كويس واستخير ربنا
وتاني بقولك رأيي الشخصي ان العمل الحر افضل 10000000 من منصب كبير في الحكومه او مركز كويس في شركه محترمه

العمل الحر لو شغلت دماغك فيه هتبقي بيزنس مان وهيبقي لك مستقبل اما العمل باجر شهري في مكان ما الطموح الي جواك هيموت وهتبقي عايش حياه الموظفين

[monamize4]

نفهم الكلام صح يا جدعان ,, محدش خالص قال ان الشغل عيب

الفكرة كلها ان خسارة تسيب مجال شهادتك و اللى كونت فيه خبرة و تقف
ف محل موبيلات ,, الكلام دا مقبول لو انت مش لاقى شغل خالص
لكن انت معاك شهادة كويسة ,, دا فى ناس معاها نفس شهادتك و عملت فلوس فلكية

لكن لو سبت مجال الهندسة و اكتفيت بانك تقف ف محل الموبايلات بتاعك ,,
ايه التقدم اللى هتعمله بعد 10 سنين حتى ? و هل هيكون افضل من تكملتك ف مجالك بعد نفس المدة ?

لو عندك طموحات - و دا شئ جميل - و عجباك فكرة محل الموبايلات و دارسها كويس
ممكن ياسيدى تفتح المحل عادى جدا و تشغل فيه حد ثقة و تتابعه من غير ماتسيب عملك الاصلى

[MaZaGAngeE]

العمل الحر ايا كان نوع النشاط احسن مليون مرة من الشغل في وظيفة و تهيش مع مدير يطلع ناقص و معقد نفسيا يطلع عليك عقده و شركة نشالين يدوك ملاليم و يستعبدوك ..

[hilal]

أعتقد ان معظم الردود مش فاهمة الموضوع صح
أو ربما أنا اللي فاهم غلط
المقارنة ليست بين العمل الحر والعمل عند الغير ،
المقارنة بين العمل الحر في مجال الموبايلات ، والعمل الحر في مجال آخر (الأخ عاوز يعمل مشروع خاص)
وهي ليست مرحلة انتقالية ، ده تقرير مصير
ماذا ستضيف اليه دراسة الهندسة وتعب السنين في مجال الموبايلات؟ لا شيء
وما هي منتهى طموحاته في مجال الموبايلات؟
هذه وجهة نظري ، والله الموفق

[brown-eyes]

كلمة محل موبيلات دي كلمة مطاطة شوية بم أن ده مجالي فا أحب أوضح لك شوية حاجات المجال ده واسع مش ذي ما الناس فاكرة يعني ممكن ب ٢٠ ولا ٣٠ الف تفتح محل ود طبعا حاجة ولا ليها ٣٠ لازمة وممكن. تتخصص في حاجة زي كروت الشحن او الصيانة او قطع الغيار والحاجات دي ليها ميزانية كبيرة ومحتاجة خبرة وممكن بردو تفتح محل كبير في مكان كويس ويكون متنوع وده بردو محتاج ميزانية في حدود ال ٢٠٠٠٠٠ الف ودي فكرة صغيرة عن مجال التليفونات

[فتوك حائر]

أعتقد ان معظم الردود مش فاهمة الموضوع صح
أو ربما أنا اللي فاهم غلط
المقارنة ليست بين العمل الحر والعمل عند الغير ،
المقارنة بين العمل الحر في مجال الموبايلات ، والعمل الحر في مجال آخر (الأخ عاوز يعمل مشروع خاص)
وهي ليست مرحلة انتقالية ، ده تقرير مصير
ماذا ستضيف اليه دراسة الهندسة وتعب السنين في مجال الموبايلات؟ لا شيء
وما هي منتهى طموحاته في مجال الموبايلات؟
هذه وجهة نظري ، والله الموفق

لا الحقيقه المقارنه مش بين مجال ومجال خاص انا مش عاير اشتغل عند.حد تاني والمشاريع مش متوفر معايا مبلغ كبير يكفي مشاريع كتير
الي معايا يناسب محل مةبايلات مثلا او حاجه بنفس راس المال

[فتوك حائر]

كلمة محل موبيلات دي كلمة مطاطة شوية بم أن ده مجالي فا أحب أوضح لك شوية حاجات المجال ده واسع مش ذي ما الناس فاكرة يعني ممكن ب ٢٠ ولا ٣٠ الف تفتح محل ود طبعا حاجة ولا ليها ٣٠ لازمة وممكن. تتخصص في حاجة زي كروت الشحن او الصيانة او قطع الغيار والحاجات دي ليها ميزانية كبيرة ومحتاجة خبرة وممكن بردو تفتح محل كبير في مكان كويس ويكون متنوع وده بردو محتاج ميزانية في حدود ال ٢٠٠٠٠٠ الف ودي فكرة صغيرة عن مجال التليفونات

انا متوفر معايا 80 الف والمكان حته جديده مستواها متوسط لايوجد بها محلات موبايلات لسه
ايه راي حضرتك

[فتوك حائر]

نفهم الكلام صح يا جدعان ,, محدش خالص قال ان الشغل عيب

الفكرة كلها ان خسارة تسيب مجال شهادتك و اللى كونت فيه خبرة و تقف
ف محل موبيلات ,, الكلام دا مقبول لو انت مش لاقى شغل خالص
لكن انت معاك شهادة كويسة ,, دا فى ناس معاها نفس شهادتك و عملت فلوس فلكية

لكن لو سبت مجال الهندسة و اكتفيت بانك تقف ف محل الموبايلات بتاعك ,,
ايه التقدم اللى هتعمله بعد 10 سنين حتى ? و هل هيكون افضل من تكملتك ف مجالك بعد نفس المدة ?

لو عندك طموحات - و دا شئ جميل - و عجباك فكرة محل الموبايلات و دارسها كويس
ممكن ياسيدى تفتح المحل عادى جدا و تشغل فيه حد ثقة و تتابعه من غير ماتسيب عملك الاصلى

يا جماعه لظروف عائليه مينفعنيش السفر ولو ينفع مكنتش فكرت في مشروع
انا ملتزم جنب البيت لا سفر ولا شغل قي شركه محترمه ودي مش في الاقاليم انا من الشرقيه وجربت شغل خاص هنا المتوفر شغل استعباد وراتب 1200 هو دا بديل محل الموبايلات بقي وشغل حكومه مفيش
اتمني تكون الصوره،وصلت كويس عشان،تقدروا توجهوني للصح

[hilal]

لا الحقيقه المقارنه مش بين مجال ومجال خاص انا مش عاير اشتغل عند.حد تاني والمشاريع مش متوفر معايا مبلغ كبير يكفي مشاريع كتير
الي معايا يناسب محل مةبايلات مثلا او حاجه بنفس راس المال

أفهم من ذلك أنه لا يوجد لك خيارات أخرى؟
أعتذر لأنني قد فهمت خطأ
ولكن لماذا الحيرة إذن طالما حددت هدفك وحسمت أمرك؟
توكل على الله

[فتوك حائر]

أفهم من ذلك أنه لا يوجد لك خيارات أخرى؟
أعتذر لأنني قد فهمت خطأ
ولكن لماذا الحيرة إذن طالما حددت هدفك وحسمت أمرك؟
توكل على الله

مفيش اعتذار ولا حاجه حضرتك.يكفي مساعدتك ليا
الفكره كلها هو دا المبلغ ممكن فكره تانيه بس بنفس الفلوس

[hesham fawzy h]

مفيش اعتذار ولا حاجه حضرتك.يكفي مساعدتك ليا
الفكره كلها هو دا المبلغ ممكن فكره تانيه بس بنفس الفلوس

اول مرة حضرتك تعمل مشروع
و حضرتك فاهم فى مجال الموبايلات ؟

[gamal_sharaf]

من خرج من دارة ، اتقل مقدارة
والشغل مش عيب فى اى مجال
وحاول تحط نفس فى المكان اللى يليق بيك ،
ومتحاولش تاخد مكان واحد اقل منك فى الامكانيات
وخلى دايما طموحك اكبر منك
اشتغل فى اى مجال بس يفضل فى مجال تخصصك
ممكن تشتغل فى مجال الموبايلات لو انت مهندس الكترونيات او مهندس اتصالات
وممكن تعملة مشروع تجارى وتجيب واحد يدوب دبلوم وعنده خبرة فى مجال الموبايلات وانت تتابع المشروع
أما انت بقا
شوف مجال تخصصك واشتغل فيه فى اى شركة ، وخد خبرة كويسة
وذود دراستك بالدورات التدريبية والشهادات التى تثقل خبرتك
اوعى تبعد عن مجال تخصصك لأن اللى مبيزيدش بيقل
وبعد كام سنة شارك حد فى مشروع صغير وكبر المشروع وحتبقى لوحدك فيه إن شاء الله
ربنا يوفقك يا بشمهندس

[فتوك حائر]

اول مرة حضرتك تعمل مشروع
و حضرتك فاهم فى مجال الموبايلات ؟

اه اول مره
فاهم لحد ما ومعايا واحد امين عامل المشروع من سنين ودا سبب من الي مشجعني

[فتوك حائر]

من خرج من دارة ، اتقل مقدارة
والشغل مش عيب فى اى مجال
وحاول تحط نفس فى المكان اللى يليق بيك ،
ومتحاولش تاخد مكان واحد اقل منك فى الامكانيات
وخلى دايما طموحك اكبر منك
اشتغل فى اى مجال بس يفضل فى مجال تخصصك
ممكن تشتغل فى مجال الموبايلات لو انت مهندس الكترونيات او مهندس اتصالات
وممكن تعملة مشروع تجارى وتجيب واحد يدوب دبلوم وعنده خبرة فى مجال الموبايلات وانت تتابع المشروع
أما انت بقا
شوف مجال تخصصك واشتغل فيه فى اى شركة ، وخد خبرة كويسة
وذود دراستك بالدورات التدريبية والشهادات التى تثقل خبرتك
اوعى تبعد عن مجال تخصصك لأن اللى مبيزيدش بيقل
وبعد كام سنة شارك حد فى مشروع صغير وكبر المشروع وحتبقى لوحدك فيه إن شاء الله
ربنا يوفقك يا بشمهندس

مجالات شغلي الخاص حواليا تعبانه
ياجماعه افهموني انا دايره البحث ضيقه عليا جدا مش هقدر اسافر ولا اشتغل في شركه كويسه لانها طبيعي مش هتكون في اقاليم