مشكلتى مع اخويا

[mrvolt]

من يوم ما جيت للدنيا انا واخويا بنتعارك من الطفولة

بس دايما والدتى تنصره عليا لما يبقى خلاف بينا

لحد النهارده كلامه هوا الماشى هوا الزعيم وبيستقل بيا

اناحاليا 23 سنة وهوا 26انا مش عارف اعمل ايه لان انا كنت بغير من نفسى لكن هوا شكله هيفضل كدا

تقريبا الحكاية دى اتكررت مع ناس كتير وانا مش عارف اعمل ايه لانى اصلا بفكر لما اكبر شوية ابعد عنهم نهائى

بس مش عايز اسيب حاجة ليا حق فيها

[kaza]

دي مشكلة كترت اليومين دول بسبب التفرقة في المعاملة وللاسف اباء كتير مابيراعوش المعاملة الواحدة والعطاء المتساوي بين الابناء كما وصانا افض الخلق وبالتالي كترت المشاكل بين الاخوات والفرقة والتباعد وبقي صلة الرحم تقتصر علي السلامات ان وجدت من اصلة
اوصيك مهما اخوك عمل معاك اصبر واتق الله وصل رحمك وصدقني نصر الله قريب وقريب اكتر مما تتصور بس كلمة السر الصبر وتقوي الله وما تشمتش في اللي حيحصل وخليك قريب وانسي الاساءة

[hesham fawzy h]

دة اسمة اخوك استحملة حتى لو كان فية عبر الدنيا .. وانت هتاخد حسنات على كدة

[hilal]

شوف يا سيدي
أنتما في سن الشباب وليس في سن الطفولة
إذا كان أخوك لا يتقي الله في معاملتك
فلابد أن تتقي الله في معاملته
أما حكاية تفضيل الوالدة له ، فلابد أن تذكرها بالله
وأننا مأمورون بأن نعدل بين أولادنا
اسألها عن مبررات ذلك
أنا مثلا أفضل الابن الملتزم دينيا والذي يؤدي الفروض في موعدها عن الابن الذي يشرب سجاير مثلا
وأفضل الابن الذي يسأل عني ويتألم إذا مرضت عن الابن الذي لا يعرف سوى مصلحته بل ولا يعرف ان كنت مريضا أم لا
لابد أن تسألها وتسأل نفسك هل تعامل والدتك كما أمرك الله تعالى؟
هل فكرت مرة أن تقبل يدها
أدعو الله أن يهديكما وأن ينزع الحقد والبغضاء من قلوبكما

[عﻻء سالمان]

ممكن اسأل كام سؤال لو تسمح؟
اخبار المستويات الدراسية كانت اية بالنسبالكم؟
لما كنتوا صغيرين و حد من الكبار بيحتاج يقضى طلب او يروح لدكتور مين كان بيتحمس للمساعدة فيكم؟
ما مدى درجة طاعة كليكما للوالدين واﻷقارب؟
ما مدى مجاملة كليكما للوالدين واﻷقارب؟
مين فيكم مصروف جيبة كان اكتر؟
مين فيكم منتظم فى الصﻻة؟

[unl0veable]

شوف يا سيدي
أنتما في سن الشباب وليس في سن الطفولة
إذا كان أخوك لا يتقي الله في معاملتك
فلابد أن تتقي الله في معاملته
أما حكاية تفضيل الوالدة له ، فلابد أن تذكرها بالله
وأننا مأمورون بأن نعدل بين أولادنا
اسألها عن مبررات ذلك
أنا مثلا أفضل الابن الملتزم دينيا والذي يؤدي الفروض في موعدها عن الابن الذي يشرب سجاير مثلا
وأفضل الابن الذي يسأل عني ويتألم إذا مرضت عن الابن الذي لا يعرف سوى مصلحته بل ولا يعرف ان كنت مريضا أم لا
لابد أن تسألها وتسأل نفسك هل تعامل والدتك كما أمرك الله تعالى؟
هل فكرت مرة أن تقبل يدها
أدعو الله أن يهديكما وأن ينزع الحقد والبغضاء من قلوبكما

[ALYSALIM]

يااخي الوضع بسيط اسمع لاخوك واعمل اللي يريحك واذا كان اخوك هو اللي بيصرف او والدك وبيتحكمو فيك بالطريقة دي يبقي اصبر لحد ماتستقل بنفسك وساعتها مش هيلاقو فايده في اللي بيعملوه
متحبكهاش انت بس وحاول انك متستفزش حد بطباعك وتعاملك مع الامور

[Bassem Youssef]

بص يا باشا

انت خلاص كبرت و مش مستني حاجه من حد

اللي عايز يبقي كويس معاك اهلا و سهلا

اللي مش عايز برضه اهلا و سهلا

تعامل معاهم زي ما ربنا قالك و خلاص

لحد ما تتجوز و تستقل بحياتك

[Abo_Mazen]

بص يا باشا

انت خلاص كبرت و مش مستني حاجه من حد

اللي عايز يبقي كويس معاك اهلا و سهلا

اللي مش عايز برضه اهلا و سهلا

تعامل معاهم زي ما ربنا قالك و خلاص

لحد ما تتجوز و تستقل بحياتك

أيوه ..يعني هو يعامل ربنا فيهم ..

[cyborg_ift]

نفس مشكلتك مريت وبمر بيها واستمرت معايا لاكتر من 30 سنه واوقات كتير كنت ببعد عنهم لاحساسي بالظلم لحد ما والدي توفى ولقيته كاتب انه ظلمني وفضل اخويا عني ووقتهه فضلت ابكي بكاء مرير ان ليه الاب او الام يظلم ويجحد على احد ابنائه في عز ان الولد ده هوه اللي ممكن يقف جنبه في شدته

للاسف مقدرش اقولك ابعد عنهم كل اللي هقولهولك ادعيلهم بالهدايه

[Mohamed_Hamid]

يا أخى اصبر واستحمل ده اخوك يوم ما يجرالك حاجة لا قدر الله هو اول واحد هييجى جرى عليك صدقنى مهما كان الخلاف الأخ الأكبر مبيستحملش الهوا على اخواته. ربنا يخليكم لبعض