فيلم "شد اجزاء" يتخطي حاجز ال 13 مليون جنيه ... اللهم لا اعتراض

[Bassem Youssef]

13 مليون جنيه / 20 جنيه اقل تمن تذكره السينما = 650 الف مشاهد

يعني عندك اكتر من 650 الف شخص "ملوش وصف" دخل الفيلم

ده غير فيلم اولاد رزق اللي جاب اكتر من 8 مليون جنيه

و الله كل عيد بوهم نفسي ان الناس هتقاطع الافلام دي و مفيش فايده

نفسي في سينما مصريه محترمه ... اللهم لا تؤاخذنا بما فعل السفهاء منا

[medo_31]

هى المشكلة في السينما ولا المشكلة في المتفرج ؟

[MoOoD]

فى المتفرج
المستهلك هوه الرقيب على اى شئ
اى سلعة فى الدنيا محتاجة مستهلك .. طيب لو مفيش مستهلك ليها ؟!!!
يبقى هتركن عند البايع ومش هيحقق منها أى أرباح و هيدور على البديل هوه و منتج السلعة
يبقى دور المستهلك أعلى من أى جهة رقابيه
لكن المشكلة فى التغيير فى سلوك المستهلك وعدم وعية

[Abo_Mazen]

لسه كنت ماشي إمبارح ..إتنين عيال واحد عنده بتاع 5 سنين والتاني أكبر شويه ..بس والله شكله كده بالنظر ما يكمل عشر سنين ..الوله ماسك في رقبة الولة التاني وقام ساببله دين ..كده وش ..

هما دول بقى اللي لما يكبروا هيبقوا أحد أهم أبطال الأفلام اللي زي دي ..بس للأسف ..هيبقى الكلام ده واقع مش أفلام

[M.Elwan]

علي فكره فيلم ولاد رزق من الافلام الرائعه وفيه سيناريو واخراج وقصه وحبكة دراما وتصوير وممثلين بس للاسف فيه بعض المشاهد الخارجه
بس ده للاسف قانون السوق دلوقتي لازم المشاهد دي تدخل في الفيلم عشان يجيب ايرادات