أطلبوها من أمهاتكم

[Abo_Mazen]

الموضوع ممكن يكون غريب شوية ..ويمكن أنا عامله مخصوص ردا على موضوع زميل لينا هنا ..كان بيتسأل ..اللي متجوزوش لغاية دلوقتي ..متجوزوش ليه ...

طبعا ربنا وحده اللي عالم بظروف الناس ..ومحدش يقدر يتدخل في ظروف حد أو يفرض عليه حاجه ...

بس أنا هجمل الموضوع كله في كلمتين ..في حديث للنبي عليه الصلاة والسلام ..جاء فيما معناه ...

((الدنيا متاع ..وخير متاعها ..المرأة الصالحه))

أحسن حاجه في الدنيا دي أو أخير حاجه في الدنيا دي ..الزوجة الصالحه ..

طيب الزوجه الصالحه دي بقى تيجي منين ..؟؟؟

من عند ربنا

ربنا هو اللي هيسوقها وهيبعتها ...

طيب ربنا هيسوقها وهيبيعتها إزاي ؟؟؟..

بالدعاء ..

يعني كل واحد يدعي ويطلب من ربنا إنه ييسر ليه الرزق ده ..وملكش دعوه إزاي ..يعني حكاية إزاي..أصل مفيش فلوس أصل اللي أنا عايزها لسه مش لاقيها أصل أصل أصل ..كل ده مش شغلنا .. ربنا هو اللي هييسر الرزق ده ..إنت تطلب وتدعي وبس

طيب مين أحسن واحد يدعيلك ..؟؟

أحسن واحد يدعيلك هي الأم ..

أطلبوها منهم كده صراحة ..إن هي تدعيلك بالرزق بالزوجه الصالحه ....يا بخته اللي أمه تدعيله الدعوه دي ..يارب أزرقه بزوجه صالحه تصلح له باله ... أو تدعيله بما على شاكلة الدعاء ده


إسمعوها من مجرب ..أمي ياما دعتها لي ..ولله الحمد ..وبسم الله ما شاء الله ..إستجاب الله لدعائها

فرصه لكل واحد لسه ملقاش نصيبه تحت أي مسمى ..أو لأي سبب ..أطلب من والدتك إنها تدعيلك بالدعوه دي ..والله هتلاقي الأسباب سيرت ويسرت لتحقيق الدعوه ..واللي والدته موجوده في دار الدوام ..يلح على ربنا في الدعاء ..وبإذن الله ..يستجاب له

وعن تجربة

[JOHN YOUSSEF]

بعيدا عن الموضوع اللى معاك حق فيه
بس اختيارك للعنوان مشوق
بيفكرنى بعناوين الصحف اللى تدفعك للدخول
اطلبوها من امهاتكم
انا امى بردة دعيتلى كتيرررررررررر و نولت الحمد لله

[Dr. Assem]

انت جبت الزتونة .

مفيش خطوة في حياتي بتمشي من غير دعوة امي. بعد مشيئة ربنا طبعا

[subhimust]

ربنا يباركلك

[رامي مصطفى]

وانا والدتي قالتلي بس ياواد ادعيلك وتروح تختار انت؟؟؟؟؟؟
يا اما ادعيلك واختارلك يا اما مش هدعي وروح وقلبي وطرحتي غضبانين عليك ليوم القيامه!!!!!!
وهيا ايللي اختارتلي والحمد لله بحسد نفسي على زوجتي

[Ramsees]

كلام مظبوط مليون فى المية

[Bassem Youssef]

المشكله ان في امهات كتير بيتدخلوا في اختيار العروسه لابنائهم و بيتدخلوا في حياتهم الشخصيه بعد كده

[Abo_Mazen]

المشكله ان في امهات كتير بيتدخلوا في اختيار العروسه لابنائهم و بيتدخلوا في حياتهم الشخصيه بعد كده

ياعم إنت الزمالك مش هيفوز على الأهلي تاني خلاص ..إنسى بقى الموضوع ده ..وشيل الراجل اللي شغال عياط بقاله كام يوم ده ..صعبان علي قوي