ببتي بقى سنترااااال. شركة توظيف نشرت رقم تليفوني الأرضي بالغط على النت

[Dr. Assem]

شركة توظيف حطت نمرة بيتي بالغلط ضمن ارقامها و نشرتها عالفيس و على مواقع التوظيف. و طبعا عمال استلم كمية تليفونات لما جالى صداع.

كلمت الشركة فوجئوا و قالولي حنشوف الموضوع ده. و حتى لو عايزين يتصرفوا ما ظنش حيقدروا

اعمل ايه؟؟؟؟؟؟

[mk3]

متردش الا على نمرك بس وهتاخد وقتها وهتخلص

[A.Saad]

غير رقم

[Abo_Mazen]

متردش الا على نمرك بس وهتاخد وقتها وهتخلص

فعلا ..هو كام يوم والموضوع هينام ..معلش إستحمل ..إبتلاء من ربنا بقى ..هتعمل إيه

[Dr. Assem]

متردش الا على نمرك بس وهتاخد وقتها وهتخلص

تخلص ازاي يا باشا. دى مبدورة على مواقع اعلانات بالهبل !!!!

عايز اخد اجراء رسمي بس مش عارف اعمل ايه

[Dr. Assem]

غير رقم

المشكلة ان الارقام كلها متغيرة قريب علشان تطوير في الخطوط .و السنترال اللي انا تابع له مافهوش خطوط فاضية. يعني تغيير الرقم مش سهل ابدا

بالاضافة اني حلف حوالين نفسي علشان انقل النت من الرقم ده للتاني

دوخة السنين و حوسة التنين !!!!!!

[حسام الغرباوي]

كلم الشركة تاني وقلهم انك هتاخد اجراء رسمي وهما هيحاولوا يغيروا الارقام علي اد ما يقدروا ..وانتا لو تقدر تستغني شوية عن التليفون الارضي شيل الفيشة يومين تلاتة وريح دماغك

[Bassem Youssef]

افصل سلك التليفون او اعمله silent و مش ضروري تستقبل مكالمات علي التليفون الارضي دلوقتي

[hon]

لو فى بلد محترمة كنت أخدت تعويض محترم على كدا
لكن حقولك اية احسنك تغير الرقم وامرك لله عشان حتبقى دوشة محترمة
تحياتى

[Ramsees]

ربنا معاك
جصلت معايا بس كان رقم مستشفى لغاية ما شيلت التليفون خالص

[Dr. Assem]

انا كامت الشركة تاني و قالولي انهم بيصلحوا الخطأ. و فعلا دخلت عالفيس بتاعهم لقيتهم مغيرين بوستات كتير و شايلين رقمي. لكن فاضل مشكلتين. الاولى ان في ناس اخدت الرقم خلاص. و التانية انهم منزلين في مواقع كتير و تغيير البيانات في بعضها مش ممكن

انا فاكر ان كان عندي عيادة قديمة و لما قفلتها تواصلت مع yellow pages علشان يسيلوها و الكلام ده من 3 سنينو لغاية دلوقتي موجودة عندهم !!!!

[Salamonti]

في السنترال قدم طلب تغيير رقم التليفون وليس طلب خط جديد
يعني انا معاك مفيش خطوط فاضية..
كلمة مفيش خطوط فاضية دي يعني مافيش كابلات كفاية..
انما بالنسبالك هو هو نفس خطك بكابلاتك القديمة بس يحطوا عليه رقم جديد..
وبالتالي مش هاتحتاج تفك ولا تركب ولا تفصل نت ولا بتاع..