مالتى جيم

[hitler987]

السلام عليكم
انا عمرى ما دخلت جيم
وللاسف مش فاضى معظم الاوقات للذهاب
فقولت اشترى جهاز يكون فيه تمارين كثيرة
استخدمه فى المنزل
فوجدت جهاز مالتي جيم 68 كيلو
هنا
سعره رخيص ومناسب وبه تمارين كثيرة
هل الجهاز يغنى بشكل كبير عن الذهاب للجيم
وبناء جسم كويس فى المنزل
طبعا اللى بيروحوا جيم هيكونوا عارفين كويس
وهل الجهاز مناسب لكل الاعمار ؟
واذا كان فى جهاز افضل فى حدود 2000 جنيه
وشكرا .

[rotanamasoud]

مشكلتك حتكون مع الكسل الواحد بعد فتره بيكسل
لاكن ممكن الواحد يدخل الجيم مكسل يلاقى صاحبه يسخنو بعض يعملو تمرينه موت
تانى مشكله انك مروحتش جيم يعنى معندكش خبره عن التمارين والخبره حاجه وانك تتفرج على تمارين حاجه ممكن تنفذ تمارين غلط وانت مش عارف لازم خبره سنه جيم عشان تتعامل مع الجهاز وتستفيد منه الاستفاده القصوى

[mastr_n]

سيبك من اللى هايقولك هاتكسل ومش هاتلعب

اتكل على اللة وهاتها والكتالوج هاتلاقية مشروح فية كل حاجة
على الاقل جسمك هايشد وهاتنزل صدقنى من وزنك الرياضة حلوة

والجهاز شارح نفسة يعنى يوم تلعب بنش ويوم كتف ويوم ضهر ورجل صدقنى لو واظبت شوية هاتحس بفرق كبير

[AlphaCharlie]

لولا ان صديقي كان بيجي البيت عندي ويزمرلي ويتصل بيا .. مكنتش حلتزم في الجيم.
ولما سافر برا قطعت الجيم.
واشتريت مالتي جيم استعملته شهر. والوقتي وظيفته شماعة ملابس.


هل الجهاز يغنيك عن الجيم؟
نعم بنسبة كبيرة. ممكن 2 دامبل مع تمارين سويدي تغنيك.

المهم الالتزام.

[hitler987]

شكرا يا شباب على الافادة
AlphaCharlie
ايه نوع المالتى جيم اللى حضرتك اشتريته
وبكام ومنين وشكرا.

[rotanamasoud]

AlphaCharlieنفس اللى اقصد اقوله انا مبحبطش حد انا بقول المتوقع والمتجرب من ناس كتير
حتقدر تلتزم وتواظب تبقى باشا

[drcobra]

الجهاز مش عملى
اولا صناعتة اى كلام ودائما الوايرات بتتقطع ومش هتقدر تعمل التمرين زى ما انت متخيل
وطبعا الكسل ودة اكيد
والاهم بياخد مكان كبير على الفاضى

الافضل دامبيلز

[hitler987]

بصوا يا شباب من الاخر
عاوز اشد جسمى فى البيت
يعنى مش عاوز انزل جيم
حتى لو رحت فى الاجازة فى الدراسة مش هعرف خالص
انا اصلا عمرى ما رحت جيم
فبحاول الاقى طريقة مناسبة لشد الجسم فى البيت
فبدور لقيت الجهاز ده
بس انا اتشامت منه بس اراء حضراتكم
رغم انه كان عاجبنى بسبب تكلفته اقل من 2000 جنيه
هل فى طريقة لشد الجسم فى البيت ورفع اوزان اكثر فى البيت
وما تكونش مكلفة يعنى فى حدود 2000 جنيه سواء دامبلز (وايهاوزانها)
او غيره من الطرق غير المكلفة ..عاوز حد من اللى فاهم وبيداوم على الجيم يفهمنى
وشكرا.

[AlphaCharlie]

شكرا يا شباب على الافادة
AlphaCharlie
ايه نوع المالتى جيم اللى حضرتك اشتريته
وبكام ومنين وشكرا.

بالنسبة للجهاز سيبك من النوع
لأنه لو ماركة معروفة يبقى حيكون غالي جدا لا يقل غن 1500 $ وبيوصل إلي 4800 $
المهم يكون فيه معظم التمرينات إلي حضرتك محتاجها والأوزان كام.
الي عندي إشتريته مستعمل من واحد صاحبي إشتراه وركنه برضو ... هاهاهااااااااا

فيه بنش عالي وواطي وتجميع
ظهر (سحب)
باي وتراي
أرجل أمامية

وطبعا بلعب بيه أكتاف وترابيس بواير وبار الباي
وظهر طرمبة ببار وواير الباي أيضا وأنا جالس
وعندي 2 دامبل بكمل بيهم كتف أمامي وتجميعات.

بس الوقتي أنا مشغول جدا فمستني أفضى وأستأنف يإذن الله

[طارق _عبد السلام]

جرب الاول ب2 دمبلز سعرهم رخيص وهيقضوا الغرض

ولو استمريت فى الموضوع هات جهاز بس فعلا الاسعار دى بيكون الواير ضعيف جدا وهيقرفك ويقطع وينسل بسرعه جدا........... واعمل حسابك لو تحتك جيران هتعمل لهم قلق بسبب اصطدام الثقل بالارض وانت بتريح :)

[AlphaCharlie]

السؤال المهم............
حضرتك تعرف تلعب بالدنابل كويس؟
يعني أتدربت في جيم قبل كدا بالدنابل علي يد مدرب ولا أول مرة؟

[hitler987]

اول مرة
بس ممكن اشوف فيديوهات على النت
وطريقة التمرينات بيها.

[AlphaCharlie]

اول مرة
بس ممكن اشوف فيديوهات على النت
وطريقة التمرينات بيها.

يبقى بلاش دنايل
خليك في الجهاز افضل
الدامبل يفع واحد متمرس يعرف يملكه ويتمرن صح لان اي ذاوية غلط بتبوظ التمريين وممكن لاقدر الله تعمل اصابات خطيرة.
في واحد كتفه اتخلع قدامي من تمرين كتف غلط.
الجهاز محكوم بيحدد حركة اللاعب وزاوية الحركة فليس به اخطاء محتملة.

[drcobra]

على فكرة انا عندى جهازين فى مركز طبى مركونين ولا ليهم لازمة
سعر مت الواير 20 جنية وكنت بغير كل شوية وبرضو بيتقطع

لو جهاز محترم انصحك بية ويستاهل تمنة وممتع فى الاستخدام
اما الاجهزة الموجودة فى السوق زفت لدرجة ان الاوزان بتكون شوية اسمنت متغطيين ببلاستك

[wael30003]

اراء الاخوة الافاضل صح
لازم تروح جيم الاول
ليه
عشان تعرف فائدة التمرين
انا اتمرنت حوالى ١٠سنين متقطع ويمكن اكتر
وكل جيم ادخله بستفاد معلومة جديدة
بس اول جيم هو اللى ادانى خبرة كبيرة
الاصح والاولى لازم تروح جيم الاول وبعدين تقرر
تشترى جهاز ولا تكمل فى الجيم
توقيع
لاعب هاو قديم