عايز انزل الجيم!!!!!!!!

[midoabdeen]

السلام عليكم ورحمة الله وبركاته

عايز انزل الجيم
من حوالي 3 سنين كنت قعدت حوالي سنتين مستمر علي التمرين ومحافظ علي اكلي وعملت فورمه كويسه
وبعدين ريحت مره واحده وكله ضاع
المشكله معايا دلوقتي في الاكل
بنزل من البيت 7 الصبح وبرجع 7:30 باليل
ومافيش اكل طول اليوم لان شغل في مكان مافيهوش اكل خالص
ياعني اخري ساندوتش في اليوم كلله
نفسي انزل تاني الجيم بس خايف لاني اصلا رفيع فا مش عايز اخس اساسا
والامكانيات الماديه اليومين دول علي قدها مش هقدر امشي علي نظام غذائي زي الاول
ايه العمل بقي

[AlphaCharlie]

ياريت لما تلاقي حل تقولي. علشان انا زيك بالظبط بس برجع بيتي الساعة 11 مساءا

[mohamed hussei]

قضيها ضغط علي بطن في البيت

[Dr. Assem]

و انا كمان نفسي

و لكن... و ما نيل المطالب بالتمني

و اللي يغيظ ان في وش بيتي جيم مشهور شغال 24 ساعة. و جمبي على طول نادي سموحة

[tottihr]

السلام عليكم ورحمة الله وبركاته

عايز انزل الجيم
من حوالي 3 سنين كنت قعدت حوالي سنتين مستمر علي التمرين ومحافظ علي اكلي وعملت فورمه كويسه
وبعدين ريحت مره واحده وكله ضاع
المشكله معايا دلوقتي في الاكل
بنزل من البيت 7 الصبح وبرجع 7:30 باليل
ومافيش اكل طول اليوم لان شغل في مكان مافيهوش اكل خالص
ياعني اخري ساندوتش في اليوم كلله
نفسي انزل تاني الجيم بس خايف لاني اصلا رفيع فا مش عايز اخس اساسا
والامكانيات الماديه اليومين دول علي قدها مش هقدر امشي علي نظام غذائي زي الاول
ايه العمل بقي

معلش تعالى على نفسك ده هو ساعة فى اليوم و صدقنى هتفرك معاك جدا بس متحولش تلعب و تبطل لتلعب علطول لما تشوف رياضه تانيه لانه بلنسبه للناس الى بتلعب و مكمله فهو يعتبر حاجه أساسيه فى الحياه و ساعه فى اليوم مش هتفرق

[hesham fawzy h]

معلش تعالى على نفسك ده هو ساعة فى اليوم و صدقنى هتفرك معاك جدا بس متحولش تلعب و تبطل لتلعب علطول لما تشوف رياضه تانيه لانه بلنسبه للناس الى بتلعب و مكمله فهو يعتبر حاجه أساسيه فى الحياه و ساعه فى اليوم مش هتفرق

فعلا هى ساعة فى اليوم بتعمل فيها رياضة و بتشد جسمك و بتحسن صحتك

بس موضوع الفورمة دة لازملة اكل كتير و مكملات .. ممكن تاخد معاك علبة الشغل تضع فيها اكلك

[midoabdeen]

ماهو المشكله كلها في الأكل مش في الوقت اللي هنزل فيه
أنا جسمي رفيع لو نزلت الجيم هحرق كثير اوى كل يوم ومن غير أكل يا عني هخس أكثر
وبصراحه مافيش فلوس ولا وقت الصبح ان الواحد يعمل أكل ياخده معاه

[midoabdeen]

ايه يا جماعه فين الردود

[tottihr]

فى مكملات غذائية ممكن تشتريها وهى صحيه ومفيش فيها اى مشاكل من ماكس ماسيلز او اى مكان يكون كويس و حاجته اصلية ومش غاليه

[drcobra]

ممكن تبدأ برياضة الجرى مع نط الحبل مع تمرينات ضغط لمدة نصف ساعة فقط 3 مرات فى الاسبوع مع الاكل اللى بالتاكيد هيزيد شوية
ودى تبقى بداية ممكن تخليك بعد كدة تروح الجيم