مرسيدس و شحات

[rockycar]

كنت واقف فى الشارع فى الاسكندريه و لقيت صاحبنا اللى عنده الامبورجينى مورسيلاجو اللى اسمه Ramy Lamborghini هو كاتب اسمه عليها كده..... طبعا انا شوفته قبل كده كثير المهم قلتله بهذار ان انا نفسى اجيب عربيه زىيها......طبعا صعب ان انا اجبها بينى و بينكم .... رايح قايلى الفقر مش عيب رغم انى لسا شارى عربيه مرسيدس من شهرين و هو شافنى و انا نازل منها قدامه... من ساعتها مش عارف انام حسيت انى شحات بجد مش هزار

[م أحمد]

حالتك دى فيها إزدراء لنعمة الله عليك

و دا طبيعى لما تعرف كلام النبى و الذى فى ما معناه

( انظرو لمن اقل منكم فى الدنيا و اعلى منكم فى الدين حتى لا تزدرو نعمة الله عليكم )

[canner]

انت بتهزر صح؟

يعنى اى حد يقولك اى حاجة تصدقها لا و ايه عليك انت شخصيا يعنى يقولك انك فقير و تصدق طيب ما دام انت صدقت انك فقير ماهو قالك ان الفقر مش عيب ما تصدق دى كمان

[احمد المصرى]

انت بتهرج وهو كمان بيهرج عادى جدا ايه المشكله هو خد كلمتك ورد عليك تهريج بدماغه هو ممكن يكون مش قاصد اى حاجه وحشه مثلا


ربنا يباركله فى عربيته ويباركلك فى عربيتك ويرزقكك عربيه افضل من عربيته

[رحالة]

ايوه يعني ايه المطلوب دلوقتي

[mmohamed15]

ده تاني موضوع تكتبه عن الأخ رامي لامبورجيني و انك شوفته و دي تاني مره مش غربيه شويه كل ما تشوفه تعمل موضوع

[msobhy]

انت فعلا شحات
بتضايقك كلمة شحات - طيب يا شحات يا شحات يا شحااااااااااااااااااااااااااااات

انا بهزر مع حضرتك
عايز تعرف اذا كنت شحات ولا لأ
اقسم متوسط دخلك الشهرى على عدد افراد اسرتك ومن الارقام التاليه هاتعرف انت ايه
أقل من 800 اعرف انك شحاااااااااااااات
800-1200 انت عايش أكل وشرب وتعليم حكومى مجانى وبس
1200-1500 ما قبل المتوسط
1500-3000 متوسط الدخل
3000 - 6000 يبقى حضرتك وصلت للمنطقه الدفيئه
12000 - 20000 حضرتك من الطبقه الغنيه
فوق 50.000 انت من الطبقه الراقيه فى بلدنا العزيزه أم الدنيا
الارقام اللى فوق ديه مش اعتباطا - متوسط دخل الفرد فى مصر أكل وشرب ومسكن وملبس وعلاج حكومى بدون اى نوع من انواع الترفيه واعتماد اساسى على الاطعمه الرخيصه اولية الانتاج (يعنى مش اكل جاهز) 800 جنيه للفرد

ممكن حضرتك تقول لى انت بينك وبين الشحاتين كام ليفيل
احمد ربنا وحس بالشحاتين اللى زيى وادينى لفه بعربيتك (او حتى خلينى ادوس على الكلاكس)

[No Comment]

عايز تعرف اذا كنت شحات ولا لأ
اقسم متوسط دخلك الشهرى على عدد افراد اسرتك ومن الارقام التاليه هاتعرف انت ايه
أقل من 800 اعرف انك شحاااااااااااااات

يا بيه لو كل واحد قسم مرتبه على عدد افراد أسرته وطلع الناتج اقل من 800 جنيه يبقى البلد كلها واقفة فى الشارع :) (شاهد ما شافش حاجة ستايل)

[AlphaCharlie]

اخر احصئية لخط الفقر كانت 2 دولار يوميا للفرد ورأيي انها ظالمة جدا لانها يادوب تكفي طعام فقط.
يعني تقريبا 16 جنيه * متوسط اسرة 4 افراد يعني 64 جنيه
64 * 30 يوم 1920 جنيه في الشهر.
طبعا كتييير من الناس في مصر مرتبها 1200 والصافي 900 ودول تحت خط الفقر.
اما لو اعلي من كدا يعني 3000 مثلا فلن يكفي مصاريف علاج مثلا.
الواحد في مصر علشان يعيش هو واسرته مستريح - حياة كريمة - محتاج 10000 في الشهر كحد ادنى.

[fepsceasar]

كنت واقف فى الشارع فى الاسكندريه و لقيت صاحبنا اللى عنده الامبورجينى مورسيلاجو اللى اسمه ramy lamborghini هو كاتب اسمه عليها كده..... طبعا انا شوفته قبل كده كثير المهم قلتله بهذار ان انا نفسى اجيب عربيه زىيها......طبعا صعب ان انا اجبها بينى و بينكم .... رايح قايلى الفقر مش عيب رغم انى لسا شارى عربيه مرسيدس من شهرين و هو شافنى و انا نازل منها قدامه... من ساعتها مش عارف انام حسيت انى شحات بجد مش هزار

وحد الله بقى وما تعملش فى نفسك كده

[msobhy]

يا بيه لو كل واحد قسم مرتبه على عدد افراد أسرته وطلع الناتج اقل من 800 جنيه يبقى البلد كلها واقفة فى الشارع :) (شاهد ما شافش حاجة ستايل)

طيب تعال نحسبها على اساس ان دخل حضرتك 3000 جنيه (زى اغلبنا)
وعندك طفلين وزوجتك (زى اغلبنا)
يعنى متوسط دخل الفرد فى اسرتك تقريبا 750 جنيه فى الشهر
يعنى متوسط دخل الفرد السنوى فى عائلتك تقريبا 9000 جنيه
ابنك هايدخل مدرسه مصاريفها السنويه تقريبا 1000 جنيه
ابنك هايدخل مدرسها كتبها ولوازمها 500 جنيه فقط
ابنك هايروح المدرسه بتكلفه يوميه 4 جنيه فقط لمدة 7 شهور بواقع 20 يوم شهريا يعنى 4*7*20 = 560 جنيه
ابنك هاياخد مصروف ايده بما انه ابن شحات 2 جنيه و ايام الدراسه فقط يعنى 2*7*20 = 280 جنيه
ابنك هايشترى لبس داخلى وخارجى واحذيه وما شابه مرتين فقط فى السنه مره للمدارس ومره لأحد الاعياد بأجمالى 200 جنيه فى المره يعنى 200*2 = 400
ابنك هاياكل يوميا ومتسألنيش ازاى 3 وجبات يوميا قيمة الوجبه 5 جنيه متضمنه وجبه شبه راقيه اللى هيه هاياخدها معاه المدرسه يعنى 15 جنيه فى اليوم 15*365 = 5475
ابنك هايتعب 4 مرات فقط خلال السنه - هايروح لدكتور فى مركز اسلامى الكشف ب 25 جنيه والعلاج ب 75 جنيه يعنى 75+25 * 4 = 400 جنيه
ابنك هايسكن فى شقه ايجارها الشهرى 600 جنيه نصيبه منها 150 جنيه يعنى خلال السنه 1800 جنيه
يعنى ابنك هايستهلك سنويا لغاية النقطه ديه بس
1000+500+560+280+400+5475+400+1800
بأجمالى 10415 جنيه يعنى عندنا عجز تقريبا 1415 جنيه سنويا
كل ده ابنك مطالب انه ميستهلكش ولا ميه ولا غاز ولا كهرباء ولا اجهزه كهربائيه ولا دروس خصوصيه ولا انترنت والعاب ولا يخرج من بيته الا للمدرسه فقط

يا راجل ده احنا ممشيين بيوتنا بأقل من كده - حصل لأننا شحاتيييييييييييييييييييييييييييييييييين
كلمه قلتها قبل كده كتير وهافضل اقولها لغاية لما اموت - الله يرحمك يا عم صبحى (والدى رحمه الله) سترنا وهو عايش وسترنا وهو ميت
انا متجوز تقريبا من 10 سنوات - لو والدى مكنش وقف جنبى والله كان زمانى لسه متجوزتيش (ويا ريته ما وقف جنبى) والله انا مش مسرف ولا بخيل - لكن انا بصنف نفسى من الناس الحريصه جدا جدا على نفسها وحريص بس على اسرتى
انا بحوش 500 جنيه و لا حاجه الشهر ده - الشهر اللى بعده المصاريف تزيد 1000
الله !!!!! هو احنا ايه اللى جابنا هنا ----- انت يا عم يا بتاع المرسيدس فين اللفه بتاعتى

[No Comment]

بس كفاية ... ما كانش سؤال دُعابى سألتهولك يا وِلد العم صبحى رحمة الله عليه
سودتها كدة ليه بس ... ربنا رزاق سِتير
ولو بالحسابات اللى حسبتها دى ... مش هتلاقى حد بيعمل مواضيع فى الاجتماعى تانى علشان نفسة وعاوز يتجوز :)))

[wael30003]

انتوا قلبتوا عليا المواجع .......كنت هتكلم بس خلاص اسكت احسن

[monamize4]

#@! ال &%$#@

[rockycar]

حالتك دى فيها إزدراء لنعمة الله عليك

و دا طبيعى لما تعرف كلام النبى و الذى فى ما معناه

( انظرو لمن اقل منكم فى الدنيا و اعلى منكم فى الدين حتى لا تزدرو نعمة الله عليكم )

طبعا كلام مظبوط انا بس كنت مستغرب نظرته ليا على ان انا فقير بالنسبه ليه ...ممكن يكون شايف ان العربيات العاديه اصحابها فقراء حتى لو كانت مرسيدس....هو فعلا الفرق ىين الامبورجينى مورسيلاجو و المرسيدس كبير جداا ...