عايز اعمل بطاقة ماستر كارد ايه الإجراءات

[elpilot]

السلام عليكم
لو سمحتم يا شباب محتاج اعمل بطاقة ماستر كارد ادفع بيها كل فواتيري نت وتليفون وموبايل من علي النت بدون ملل الانتظار وتضييع الوقت في الفروع وكمان اشتري بيها اي حاجه الكترونيا زي موقع سوق مثلا
دلوقتي عايز اعرف ايه الاجراءات المطلوبة لعملها؟؟
وكمان هتتكلف قد ايه؟؟
واستخدامها سهل وأمن ولا فيها نصب كتير؟؟

[حسام الجندي]

وعليكم السلام ورحمة الله وبركاته أخي الكريم
هناك بطاقة مسبقة الدفع يقدمها بنك CIB تسمى ( ترافيل تشويس ) والأسم السابق لها ( توماس كوك )
هذه البطاقة الجميع يمدحها لسهولة تعاملها واستخراجها ومصاريفها ويكون أستلامها فوري في الحال من البنك
رسوم استخراج هذه البطاقة أعتقد 20 أو 30 جنيها وتقبل التعامل في الانترنت وتقبل السحب والايداع من الماكينات ATM
بإمكانك زيارة هذا الرابط على الموقع الرسمي للبنك لتعلم الكثير عنها، فضلا ( اضغط هنا )

[volociximab]

متدخلش على النت الا ببطاقة مسبقة الشحن prepaid card - debt card و تكون شاحنها بمبلغ صغير لزوم الحاجة

انا فى ثانية خسرت 100 ريال فى بطاقتى و ربنا ستر لانى واخد احتياطى
ابن كفيلي بقى خسر 40 الف ريال

[volociximab]

و لى تجربة سيئة مع بنك مصر بس من زمن طويل-بطاقة ملهاش لازمة
بما انك زقازيقى اسأل فى سوسيتيه جنرال
و احذر الربا
لا اذكر ان فيه cib فى الزقازيق
بس اقرب فرع اعتقد لما تروح القاهرة موقف العاشر هتركب عباس العقاد و هتنزل قبل عباس العقاد بشارع او شارعين

[volociximab]

فرع: الزقازيق
الحصول على الاتجاهات
المدينة: زقازيق
المنطقة: زقازيق
العنوان: تقاطع شارع سعد زغلول و شارع عزيز اباظة، الزقازيق.
ساعات العمل من: 8:30ص إلى 2:00م
-------------------------------
هو فين سعد زغلول ده؟

[matrix_it]

انا سمعت انها لازم تبقي كريديت عشان ينفع تعمل ريفند لو الخاجة موصلتش ، هل الكلام دة صحيح ؟

[volociximab]

انا عمرى ما عملت كريديت لانى باستحرمها و استرجعت فلوسي من الصين بس مش فاكر انضافت على الفيزا ام على حساب البنك مباشرة
ده غير ان الكريديت لو اتسرقت على النت هيسحب براحته على ما اعتقد
لكن المدفوعة مسبقا اخره الرصيد الموجود

[volociximab]

هل سينطلق لينكس اوبنتو بعد خطوة ميكروسوفت؟
انا الان اكتب اليكم من لابتوب ابونتو

[matrix_it]

يعني ممكن اعمل ريفند بdebit card ????

[kazamodia]

اعمل حساب في qnb دي احسن حاجة بعد سؤال ولف في بنوك كتيره

[assaf]

بنك ال cib في الزقازيق عند كوبري عرابي ادام امن الدوله

[م/مصطفى محمود]

انا كان ليا تجربة مع العربي الأفريقي وحاليا معايا CIB كمان

مزايا العرربي الأفريقي

بتطلع البطاقة وانت واقف
عمولة التحويل من الجنية المصري للعملات 2.25 %
مدة البطاقة 4 سنوات

العيوب
أقل إيداع 100 ج
لازم تودع من البنك
البطاقة للإنترنت فقط ( مينفعشي تشتري بيها او تسحب بيها فلوس


مزايا بطاقة CIB

بتطلع البطاقة وانت واقف
ممكن تعمل ايداع من اى ماكينة بنك CIB فيها ايداع ( ودي طبعا نقطة مهمة جدا جدا جدا )
ممكن تسحب منها فلوس من ماكينات ATM
ممكن تشتري بيها Electronic card

عيوب بطاقة CIB
مدة البطاقة سنتين
عمولة التحويل من الجنية المصري للعملات 2.45 % ( مش فرق كبير )

[عبدالله برعى]

يوجد نوعان من البطاقات
1 المدفوعه مقدما يعني (يتم وضع مبلغ والتعامل به)
2 الذهبية لو كنت موظف يتم الخصم من مرتبك وبعد 55 يوم يكون هناك فوائد (ربا) في حالة عدم السداد
3. الافضل ماستر كارد الاهلي انترنت او الاهلي للشباب وكذلك يتم السحب منها من atm

المطلوب:
- صورة بطاقة سارية
- مبلغ 500 جنية لعمل البطاقة وسيتم خصم 60 مصاريف انشاء البطاقة والباقي حينزل بعد استلامك للبطاقة
- الاستلام من اسبوع الي اسبوعين
- الافضل ماستر كارد البنك الاهلي
-الايسر لو موبايلك حديث اعمل الفون كاش برعاية البنك الاهلي
وتعمل كل التحويلات والتبرعات وشحن الرصيد والفواتير والطيزان منها برنامج جميل علي الفون الحديث
ولو اي تفاصيل ارسلي علي الخاص

[elpilot]

ِكرا يا جماعه علي كل الردود الجميله دي وجاري دراسة الموضوع باستفاضة علشان اقرر هتعامل مع اي بنك ان شاء الله

[elpilot]

دلوقتي انا سألت وقالوا ان البطاقة اللي بتتعامل مع اي حاجه اسمها كريديت كارد ودي في البنك العربي الافريقي لازم حد ادني للحساب 4000 جنية وفي البنك الاهلي 5000 او 3000 حسب نوعها
فايه رأيكم لو فتحت حساب توفير في بنك التعمير والاسكان ب50 جنية بس وبتصدر ليه بطاقة atm وافتحها علي النت هل هتأدي نفس الغرض ولا ايه
مع العلم عملت بطاقة فيزا انترنت من العربي الافريقي وفشلت فشل ذريع معايا ورجعتهالهم تاني وهسترد فلوسي بعد35 يوم حيث انها مبتدفعش اي حاجه علي النت وملهاش اي لازمة
ارجو الافاده اعمل في اي بنك يكون اجراءاتة سهله واعمل اي نوع من البطاقات تكون مضمونة انها هتدفع اي فواتير علي النت زي تي اي داتا مثلا